ᐃᓐᖏᕈᑎᑦ 47:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᒡᒐᓯ ᐸᑎᒃᑕᕐᓕᑦ, ᐃᓄᓕᒫᖑᔪᓯ! ᓂᐱᖅᑯᕐᑐᓗᓯ ᓂᓪᓕᐊᒋᑦᓯ ᒎᑎᒧᑦ ᐃᓐᖏᕐᓗᓯ ᖁᕕᐊᓱᖕᓂᕐᒧᑦ!

ᐃᓐᖏᕈᑎᑦ 47:1 Iomraidhean Croise

ᓴᒧᐃᓕ ᐂᑉᐸᖏᑦ 6:15

ᑕᕝᕙ ᑍᕕᑎᐅᑉ ᐃᓴᕆᐊᓕᒥᐅᓕᒫᑦ ᐱᖃᑎᒋᓪᓗᒋᑦ ᐃᒃᓯᕐᕕᒃ ᔨᕉᓴᓕᒧᐊᕈᑎᓚᐅᕐᐹ ᖁᕕᐊᓱᒡᓗᑎᒃ ᕾᒐᓛᕐᓗᑎᒃ ᑎᑦᑐᓚᐅᑎᓄᓪᓗ ᓂᑦᔮᓪᓗᑎᒃ.

ᐊᑕᓃᑦ ᐂᑉᐸᖏᑦ 11:12

ᔨᕼᐅᐃᐊᑕᐅᑉ ᐊᖓᔪᖅᑳᕐᔪᐊᑉ ᐃᕐᓂᖓ ᓴᖅᑭᑎᓪᓗᓂᐅᒃ ᐊᖓᔪᖅᑳᕐᔪᐊᕐᓯᐅᑎᒥᒃ ᓇᓴᕐᐹ; ᑐᓂᓪᓗᓂᐅᒡᓗ ᐊᖏᖃᑎᒌᒃᓯᒪᓂᖏᑕ ᓇᓗᓁᕐᑕᐅᑦᔪᑎᖏᓐᓂᒃ ᐊᖓᔪᖅᑳᕐᔪᐊᖑᓕᕐᓂᖓᓗ ᓇᓗᓁᕐᓗᒍ ᐅᕐᓱᒧᑦ ᓂᐊᖁᐊᒍᑦ ᑯᕝᕕᕆᕚᑦ; ᐃᓄᐃᑦ ᐸᑦᑕᒃᑐᕐᓗᑎᒃ ᓂᐱᒋᒃᑑᓪᓗᑎᒃ ᓂᓪᓕᐊᕗᑦ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᑯᕉᓂᑲ ᐂᑉᐸᖏᑦ 13:15

ᔫᑕᒃᑯᓪᓗ ᐅᓇᑕᕆᐊᕐᑐᕐᓯᐅᒻᒥᒃ ᕾᒐᓛᓕᕐᐳᑦ. ᔫᑕᐅᓪᓗ ᐃᓄᖏᑦ ᓂᓪᓕᕐᒪᑕ, ᒎᑎᐅᑉ ᔨᕈᐳᐊᒻ ᓵᓚᒋᕚ ᐃᓴᕆᐊᓕᒥᐅᓕᒫᓪᓗ ᐊᐰᔭᐅᑉ ᔫᑕᐅᓪᓗ ᓵᖏᓐᓂ.

ᐃᓐᖏᕈᑎᑦ 106:47

ᐱᐅᓕᓚᐅᕐᑎᒍᑦ, ᐊᑕᓃᖅ ᒎᑎᕗᑦ, ᑲᑎᕐᓱᓚᐅᕐᑎᒍᓪᓗ ᐃᓅᖃᑎᒌᒡᔪᐊᑦ ᐊᑯᕐᖓᓐᓂᑦ, ᐊᑎᕐᓂᒃ ᐃᑦᔪᕐᓁᑦᑐᒥᒃ ᖁᔭᓕᑦᔪᑎᖃᓕᖁᓪᓗᑕ, ᓂᕐᑐᐃᓕᖁᓪᓗᑕᓗ ᓂᕐᑐᕐᑕᐅᔪᒃᓴᐅᓃᑦ ᒪᓕᒡᓗᒍ.

ᐃᓐᖏᕈᑎᑦ 42:1

ᓲᕐᓗ ᑐᒃᑐ ᓂᓪᓕᐊᖕᒪᑦ ᑰᒐᓛᒥᑦ ᐃᒥᕈᒃᓗᓂ, ᑍᒫᒃᑕᐅᖅ ᑕᕐᓂᕋ ᓂᓪᓕᐊᒋᕗᖅ ᐃᓕᖕᓄᑦ, ᒎᑏ.

ᐃᓐᖏᕈᑎᑦ 46:1

ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.

ᐃᓐᖏᕈᑎᑦ 47:5

ᒎᑎ ᖁᒻᒧᐊᒃᐳᖅ ᖁᕕᐊᓱᖕᓂᕐᒧᑦ ᓂᐱᖅᑯᕐᑐᓪᓗᑎᒃ ᓂᓪᓕᐊᑎᓪᓗᒋᑦ, ᐊᑕᓂᖅ ᑎᑦᑐᓚᐅᑎᑦ ᓂᓪᓕᐊᑎᑕᐅᔪᑦ ᐊᑯᕐᖓᓐᓂ.

ᐃᓐᖏᕈᑎᑦ 98:4

ᓄᓇᕐᔪᐊᕐᒥᐅᓕᒫᖑᔪᓯ ᐊᑕᓂᖅ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ; ᐃᓐᖏᕆᑦᓯ ᖁᕕᐊᓱᖕᓂᕐᒧᑦ ᓂᐱᖅᑯᕐᑐᓗᓯ ᓂᕐᑐᐃᓗᓯᓗ!

ᐃᓐᖏᕈᑎᑦ 98:8

ᑰᑦ ᐃᖏᕐᕋᓂᖏᑦ ᐸᑦᑕᒃᑐᕐᓕᑦ; ᖃᖅᑬᑦ ᐊᑕᐅᑦᓯᒃᑯᑦ ᐃᓐᖏᕐᓕᑦ ᖁᕕᐊᓱᒡᓗᑎᒃ ᐊᑕᓂᐅᑉ ᓵᖓᓂ,

ᐂᓮᐊᓯᐅᑉ ᐊᒡᓚᖏᑦ 55:12

ᖁᕕᐊᓱᒡᓗᓯ ᐊᓂᓕᕈᒫᕐᐳᓯ, ᑕᓯᐅᕐᑕᐅᓗᓯᓗ ᓮᒪᓂᕐᒧᑦ; ᖃᖅᑳᓗᐃᑦ ᐱᖑᐃᓪᓗ ᐃᓐᖏᕐᓯᔪᒫᕐᐳᑦ ᓵᑦᓯᓐᓂ, ᓇᐹᕐᑐᐃᓪᓗ ᐸᑦᑕᒃᑐᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 31:7

ᐃᒫᒃ ᐊᑕᓂᖅ ᐅᖃᕐᐳᖅ, “ᔧᑯᒃᑯᑦ ᖁᕕᐊᓲᑎᒋᓗᒋᑦ ᐃᓐᖏᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᑦᔪᑎᒋᓯᐅᒃ ᐃᓅᖃᑎᒌᒡᔪᐊᓂᑦ ᐱᒻᒪᕆᐅᓂᕐᐹᖑᓂᖏᑦ ᐱᑦᔪᑎᒋᓗᒋᑦ, ᓂᕐᑐᐃᓂᓯ ᑐᓴᕐᑕᐅᑎᓯᐅᒃ, ᐅᖃᕐᓗᓯᓗ, ‘ᐊᑕᓃᖅ ᐃᓄᖁᑎᑎᑦ ᐱᐅᓕᒃᑭᑦ ᐃᓴᕆᐊᓕᒥᐅᑦ ᐊᒥᐊᒃᑯᒋᔭᖏᑦ.’

ᔨᐸᓁᐊᐅᑉ ᐊᒡᓚᖏᑦ 3:14

ᐃᓐᖏᕆᑦ, ᓮᐅᓂᐅᑉ ᐸᓂᖓ! ᕾᒐᓛᕆᑦ ᐃᓴᕆᐊᓖ! ᖁᕕᐊᓱᒋᑦ ᓯᕆᓗᑎᓪᓗ ᐆᒻᒪᑎᒃᑯᑦ ᐃᓗᖏᕐᑐᕐᓗᑎᑦ, ᔨᕉᓴᓕᐅᑉ ᐸᓂᖓ!

ᓴᑲᕅᐊᐅᑉ ᐊᒡᓚᖏᑦ 4:7

ᐊᒡᕕᐊᕐᑐᑦ ᖃᖅᑳᓗᒃᑎᑐᑦ ᐊᖏᑎᒋᔪᑦ ᔨᕈᐸᐱᐅᓕᐅᑉ ᓵᖓᓂ ᐊᓯᐅᓂᐊᕐᐳᑦ. ᑐᒃᓯᐊᕐᕕᒡᔪᐊᖅ ᓴᓇᒃᑲᓐᓂᕐᓂᐊᕐᐸᑦ, ᐅᔭᕋᒃ ᑭᖑᓪᓕᕐᐹᖅ ᐃᓕᒍᕕᐅᒃ, ᐃᓄᐃᑦ ᓂᐱᖅᑯᕐᑐᓗᑎᒃ ᓂᓪᓕᐊᔪᒫᕐᐳᑦ, ‘ᐱᐅᔪᐊᓗᒃ, ᐱᐅᔪᐊᓗᒃ!’”

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᓴᒧᐃᓕ ᓯᕗᓪᓖᑦ 10:24

ᓴᒧᐃᓕᐅᓪᓗ ᐃᓄᓕᒫᑦ ᐅᖃᐅᑎᕔᑦ, “ᑕᑯᕕᓯᐅᑉ ᑖᓐᓇ ᐊᑕᓂᐅᑉ ᓂᕈᐊᕐᑕᖓ, ᑖᓐᓇ ᐊᑦᔨᒋᔭᐅᓐᖏᓚᖅ ᐃᓄᓕᒫᓂᑦ.” ᐃᓄᓕᒫᓪᓗ ᕾᒐᓛᓕᕐᐳᑦ ᐅᖃᕐᓗᑎᒃ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”