1 ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.
ᐂᑉᕋᕼᐋᒻᓗ ᑖᓐᓇ ᓇᔪᕐᑕᓂ ᐊᑦᓯᕐᐹ, ᐊᑕᓂᖅ ᐱᒃᓴᖃᕐᑎᑦᓯᓂᐊᕐᐳᖅ; ᐅᓪᓗᒥᒧᑦ ᑎᑭᓪᓗᒍ ᐅᖃᐅᓯᐅᕙᓕᕐᐳᖅ, “ᐊᑕᓂᐅᑉ ᖃᖅᑲᖁᑎᖓᓂ ᐱᒃᓴᖃᕐᑎᑕᐅᓇᕐᐳᖅ.”
ᓴᑲᕅᐊ, ᐊᔧ-ᐃᐅᓪ, ᓯᒥᕋᒫᑎ, ᔨᕼᐃᐅᓪ, ᐆᓐᓂ, ᐃᓔᐊᑉ, ᒫ-ᐊᓯᐊ, ᐱᓁᐊᓗ, ᓄᖃᕐᑎᓕᖕᓂᒃ ᕼᐊᕐᐱᓂᒃ ᐊᑐᑦᑐᒃᓴᐅᓪᓗᑎᒃ ᐊᓚᒨᑎ ᒪᓕᒡᓗᒍ;
ᐃᓕᑦᓯ ᐊᔪᕐᓴᕐᑐᑦ ᐱᓂᐊᕐᓂᖏᑦ ᒥᑕᐅᑎᒋᕙᓯ, ᑖᒃᑯᐊᓕ ᒎᑎ ᕿᒫᕕᒋᕚᑦ.
ᐊᑕᓃᖅ ᐃᓕᖕᓄᑦ ᓂᓪᓕᐊᕗᖓ; ᐅᖃᕐᓗᖓ, ᐃᕝᕕᑦ ᕿᒫᕕᒃᓴᕆᕙᒋᑦ, ᐃᕝᕕᑐᐊᖅ ᐱᔪᒪᔭᑐᐊᕆᕙᒋᑦ ᐃᓅᔪᑦ ᓄᓇᖓᓐᓂ.
ᐊᑕᓂᖅ ᖃᓂᑉᐳᖅ ᑕᒤᓐᓄᑦ ᓂᓪᓕᐊᕕᒋᔨᒥᓄᑦ, ᐃᓗᖏᕐᑐᕐᓗᑎᒃ ᓱᓕᔪᒥᒃ ᓂᓪᓕᐊᔪᓄᑦ ᑖᑦᓱᒧᖓ.
ᓲᕐᓗ ᑐᒃᑐ ᓂᓪᓕᐊᖕᒪᑦ ᑰᒐᓛᒥᑦ ᐃᒥᕈᒃᓗᓂ, ᑍᒫᒃᑕᐅᖅ ᑕᕐᓂᕋ ᓂᓪᓕᐊᒋᕗᖅ ᐃᓕᖕᓄᑦ, ᒎᑏ.
ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ
ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ
ᐊᑕᓂᖅ ᐊᖏᔫᕗᖅ, ᐊᖏᔪᒥᒡᓗ ᓂᕐᑐᕐᑕᐅᒋᐊᓕᒃ ᒎᑎᑦᑕ ᐃᒡᓗᒐᓴᒡᔪᐊᖁᑎᖏᓐᓂ, ᖃᖅᑲᖁᑎᖓᓂ ᐃᑦᔪᕐᓁᑦᑐᒥ.
ᖁᕕᐊᓱᖕᓂᕐᒧᑦ ᕾᒐᓛᕆᑦᓯ ᒎᑎᒧᑦ, ᓄᓇᕐᔪᐊᕐᒥᐅᓕᒫᖑᔪᓯ!
ᑐᐱᖅ ᐃᓂᒋᔧᑦ ᑕᑯᒥᓇᕐᑐᕐᔪᐊᖑᕗᖅ, ᕿᓚᖕᒥᐅᒐᓴᕐᔪᐃᑦ ᐊᑕᓂᖓᑦ!
ᐊᑕᓃᖅ, ᓄᓇᖁᑏᑦ ᓮᒻᒪᕐᑎᓯᒪᓚᐅᕐᐸᑦ; ᐊᐅᓪᓚᕈᑦᔭᐅᓯᒪᔪᓪᓗ ᔧᑯᒃᑯᓐᓂᑦ ᐅᑎᕐᑎᓚᐅᕐᐸᑎᑦ.
ᖃᖅᑲᒥ ᐃᑦᔪᕐᓁᑦᑐᒥ ᐃᒡᓗᒐᓴᒡᔪᐊᑦ ᑐᓐᖓᕕᓕᐅᕐᑕᐅᓯᒪᕗᑦ;
ᐊᑕᓂᖅ ᕿᒫᕕᒃᓴᐅᓂᐊᕆᕗᖅ ᐅᖁᒤᒃᓴᕐᑎᑕᐅᔪᓄᑦ; ᕿᒫᕕᒃᓴᐅᕗᖅ ᐅᖁᒤᑦᑐᖃᕐᑎᓪᓗᒍ.
ᐊᑕᓂᕐᒥᒃ ᓯᕘᕋᔪᑦ ᓴᐱᖏᓐᓂᕐᒥᒃ ᑎᒍᒥᐊᕐᐳᑦ, ᕿᑐᕐᖓᖏᓪᓗ ᕿᒫᕕᒃᓴᖃᕐᓂᐊᕐᐳᑦ.
ᐊᑕᓂᐅᑉ ᐊᑎᖓ ᓇᐸᔪᕐᔪᐊᑎᑑᕐᐳᖅ ᐊᑕᕐᓇᕐᓂᖃᖏᑦᑐᖅ, ᐃᓱᐊᕐᑐᑦ ᕿᒫᕕᒋᕙᒃᐹᑦ ᐱᔭᐅᓇᕐᑐᖃᖏᒻᒪᑦ.
“ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ ᐅᔭᖅᑲᓄᑦ ᒥᓪᓗᕐᑐᑎᑦ ᓇᓚᐅᑦᑍᔪᓂᒃ! ᐅᓄᕐᑐᐃᕐᓱᕐᓗᖓ ᐃᓄᒋᔭᑎᑦ ᐃᕿᑦᓱᒪᑲᑦᑕᓚᐅᕋᓗᐊᕐᐸᒃᑲ ᓲᕐᓗ ᐊᕿᒡᒋᐅᔭᐅᑉ ᕿᑐᕐᖓᓂ ᐃᓴᕈᕐᒥ ᐊᑖᓄᑦ ᑲᑎᑎᑕᖏᑎᑐᑦ, ᑍᒤᑕᐅᔪᒪᓚᐅᓐᖏᓚᓯᓕ!
“ᐃᓅᖃᑎᒌᒡᔪᐊᓂᒃ ᐊᓯᖏᓐᓂᒃ, ᐊᔪᖏᑦᑐᕐᔪᐊᖑᒐᓗᐊᕐᐸᑕ, ᒎᑎᖃᕐᑐᖃᓐᖏᓚᖅ ᑭᓐᖒᒪᓇᓕᕐᑎᓪᓗᒍ ᑍᒫᒃ ᖃᓂᑦᑑᔪᓐᓇᕐᑎᒋᔪᒥᒃ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑍᒫᒃ ᑲᒪᑦᓯᐊᕐᓂᕆᔭᖓᑎᑐᑦ. ᑐᒃᓯᐊᕐᕕᒋᔭᕌᖓᑦᑎᒍᓗ ᐃᑲᔪᕐᑕᐅᔪᒪᓪᓗᑕ ᑭᐅᖃᑦᑕᕐᓂᕆᔭᖓᑎᑐᑦ ᑍᒤᑦᑐᒥᒃ.
ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ.
