ᐃᓐᖏᕈᑎᑦ 45:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᖃᕐᔪᑎᑦ ᐃᐱᒃᑑᕗᑦ ᐆᒻᒪᑎᒧᑦ ᐊᖓᔪᖅᑳᕐᔪᐊᑉ ᐊᑭᕋᖏᓐᓄᑦ; ᐃᓄᐃᑦ ᐅᕐᕈᕗᑦ ᐱᔪᓐᓇᕐᓂᕐᓄᑦ.

ᐃᓐᖏᕈᑎᑦ 45:5 Iomraidhean Croise

ᐃᓐᖏᕈᑎᑦ 21:12

ᑍᒤᒻᒪᑦ ᕿᒫᑎᓐᓂᐊᕋᕕᒋᑦ; ᐅᕐᓕᕐᑐᕐᓂᐊᕋᕕᒋᓪᓗ ᐱᑎᒃᓰᑦ ᕿᓗᓯᒪᓗᒍ ᑮᓇᖏᓐᓄᑦ.

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐃᓐᖏᕈᑎᑦ 38:2

ᖃᕐᔪᕕᑦ ᑭᓪᓕᖕᒪᖓ ᐃᑎᔪᒧᑦ, ᐊᒡᒐᒃᐱᓪᓗ ᐊᒻᒧᑦ ᓇᕿᒻᒪᖓ.

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᒨᓯᓯ ᓯᑕᒪᖏᑦ 24:8

ᒎᑎᐅᑉ ᐊᓂᑎᑉᐹ ᐄᑦᔨᑉᑎᒥᑦ; ᓴᓐᖏᓂᖃᕐᒪᑦ ᐃᒻᒧᒃᓯᐅᒐᕐᑐᑦ ᓄᔪᐊᕐᑐᑐᑦ; ᐃᓅᖃᑎᒌᒡᔪᐊᑦ ᓄᖑᑦᓱᒫᕐᐰᑦ, ᐊᑭᕋᕐᑐᕐᑎᓂ; ᓴᐅᓂᖏᑦ ᓯᖁᒥᑦᓱᒫᕐᐰᑦ ᖃᕐᔪᒥᓄᓪᓗ ᐳᑐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:37

ᐃᓄᐃᑦ ᑕᒪᑐᒥᖓ ᑐᓴᕋᒥᒃ ᐆᒻᒪᑎᒥᒍᑦ ᐊᒃᑐᕐᑕᐅᕗᑦ, ᐲᑦᑐᕉᓯᒧᑦ ᐋᐴᓯᑕᓕᖕᓄᓪᓗ ᐅᖃᓕᕐᓗᑎᒃ, “ᐃᓅᖃᑎᕗᑦ ᖃᓄᕐᓕ ᐱᓂᐊᓕᕐᐱᑖ?”

ᐋᐴᓯᑕᓖᑦ ᐱᓂᐊᕐᓂᖏᑦ 2:41

ᑕᕝᕙ ᐊᒥᓱᑦ ᐅᖃᐅᓯᖏᓐᓂᒃ ᐅᒃᐱᓕᕐᑐᑦ ᐹᑉᑎᑕᐅᕗᑦ, ᐅᓪᓗᒥ ᑕᕝᕙᓂ ᐅᒃᐱᕐᑐᓄᑦ ᐃᓚᓕᐅᑎᔪᑦ 3,000 ᖃᓂᒋᔮᓃᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:4

ᐊᒥᓱᑦ ᐅᖃᐅᓯᕐᓂᒃ ᑐᓴᕐᑐᑦ ᐅᒃᐱᓕᓚᐅᕐᐳᑦ; ᐅᒃᐱᕐᑐᓪᓗ ᐅᓄᕐᓂᖏᑦ 5,000 ᖃᓂᒋᔭᖓᓃᓕᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:14

ᐊᑕᓂᕐᒧᑦ ᐅᒃᐱᓕᕐᑐᑦ ᐊᒥᓱᑦ ᑖᒃᑯᓄᖓ ᐃᓚᓕᐅᑎᕙᓪᓕᐊᓚᐅᕐᐳᑦ ᐊᖑᑎᑦ ᐊᕐᓁᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 5:33

ᑕᒪᓐᓇ ᑐᓴᕋᒥᑦᔪᒃ ᓂᓐᖓᕕᒡᔪᐊᕐᐳᑦ ᑐᖁᑦᓯᔪᒪᓕᕐᓗᑎᒃ ᑖᒃᑯᓂᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 6:7

ᒎᑎᐅᑉ ᐅᖃᐅᓯᖏᑦ ᐅᒃᐱᕆᔭᐅᓕᕐᐸᓪᓕᐊᕗᑦ; ᐃᓕᓐᓂᐊᕐᑎᑦ ᔨᕉᓴᓕᒻᒥ ᐅᓄᕐᑐᐊᓘᓕᓚᐅᕐᐳᑦ ᐃᓚᕙᓪᓕᐊᓪᓗᑎᒃ, ᑐᓂᕐᕈᓯᕐᑎᑦᓯᔨᑦ ᐊᒥᓱᑦ ᓈᓚᒡᓗᑎᒃ ᐅᒃᐱᓕᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:54

ᑲᑎᒪᔨᕐᔪᐊᑦ ᓯᑎᐹᓇᓯᒥᒃ ᓈᓚᒃᑐᑦ ᑕᒪᑐᒥᖓ ᑐᓴᕋᒥᒃ ᓂᓐᖓᒃᑐᐊᓘᕗᑦ, ᓂᓐᖓᐅᒪᓂᕐᒧᑦ ᑮᒻᒥᓕᕐᓗᑎᒃ ᑖᑦᓱᒧᖓ.