4 ᐊᖓᔪᖅᑳᔪᐊᕆᕙᒋᑦ, ᒎᑎᒋᓪᓗᑎᓪᓗ; ᓵᓚᖃᐅᑦᔨᕗᑎᓪᓗ ᔧᑯᒥᒃ.
ᐃᓄᖁᑎᒥᓄᑦ ᐱᔪᓐᓇᕐᓂᓂ ᓴᖅᑭᑎᓯᒪᕚ ᐱᓇᓱᐊᕐᓂᕐᒥᒍᑦ, ᑐᓂᓯᕕᒋᓪᓗᒋᑦ ᐃᓅᖃᑎᒌᒡᔪᐊᑦ ᓄᓇᖏᓐᓂᒃ ᑭᖑᕐᖑᑦᔨᖁᓪᓗᒋᑦ.
ᐃᓴᕆᐊᓕᒥᐅᑦ ᓴᓇᔨᒋᓚᐅᕐᑕᑎᒃ ᖁᕕᐊᓲᑎᒋᓕᑦᔪᒃ, ᓮᐅᓂᐅᑉ ᕿᑐᕐᖓᖏᑕ ᐊᖓᔪᖅᑳᕐᔪᐊᑎᒃ ᓯᕆᑦᔪᑎᒋᓕᑦᔪᒃ!
ᐊᑕᓂᐅᑉ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐅᓪᓘᑎᓪᓗᒍ ᑐᓂᓂᐊᕐᐹ; ᐅᓐᓄᐊᒥᓗ ᐃᓐᖏᕈᓯᖓ ᐃᓗᓐᓃᓐᓂᐊᕐᐳᖅ, ᑐᒃᓯᐊᕐᓂᐅᓗᓂ ᐃᓅᓯᕐᒪ ᒎᑎᖓᓄᑦ.
ᒎᑎ, ᐊᖓᔪᖅᑳᕐᔪᐊᕆᕙᕋ ᑍᑦᓱᒪᓂᑐᖄᓗᖕᓂᑦ, ᐱᓇᓱᐊᕐᑐᖅ ᐱᐅᓕᔭᐅᓂᕐᒥᒃ ᓄᓇᕐᔪᐊᑉ ᐊᑯᕐᖓᓂ.
ᐊᑕᓂᖅ ᓴᐴᓗᑕᕆᒐᑦᑎᒍ, ᐃᓴᕆᐊᓕᒥᓗ ᐃᑦᔪᕐᓁᑦᑑᔪᖅ ᐊᖓᔪᖅᑳᕐᔪᐊᕆᕙᕗᑦ.
ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐱᔪᓐᓇᕐᓂᕐᔪᐊᖃᕐᐳᑦ, ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐊᑭᕋᕐᑐᕐᑎᓂᒃ ᓯᖁᒥᑦᑎᕗᑦ.
ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.
ᔩᓱᓯᐅᑉ ᐅᐸᒃᓗᒍ ᐊᒡᒐᖏᑎᒍᑦ ᑎᒍᓪᓗᒍ ᐃᖏᑎᑉᐹ, ᐆᑎᕐᓇᕐᑐᒧᑦ ᕿᒪᒃᑕᐅᕗᖅ; ᑖᑦᓱᒪ ᓂᕆᑎᓕᕐᐰᑦ.
ᔩᓱᓯᐅᑉ ᓇᓪᓕᒋᓕᕐᐹ, ᐃᓴᒃᓗᒍ ᐊᒃᑐᕐᓗᓂᐅᒃ, ᐅᖃᐅᑎᕚ, “ᐱᔪᒪᕗᖓ, ᐸᕐᑎᕈᓐᓃᕆᑦ.”
ᔩᓱᓯ ᖃᐅᔨᒐᒥ ᐃᓄᒐᓴᒡᔪᐊᑦ ᑐᐊᕕᕐᓗᑎᒃ ᕾᕙᓪᓕᐊᓕᕐᒪᑕ, ᐊᓂᕐᓂᕐᓗᒃ ᐃᓂᕐᑎᕐᐹ, ᐅᖃᐅᑎᓪᓗᒍ, “ᐊᓂᕐᓂᕐᓘᒃ ᑐᓵᖏᑦᑐᑎᑦ ᐅᖃᕈᓐᓇᖏᑦᑐᑎᓪᓗ, ᐱᖁᕙᒋᑦ, ᑕᕝᕙᓐᖓᑦ ᓄᑲᑉᐱᐊᒥᑦ ᐊᓂᒋᑦ, ᑕᕝᕗᖓᓗ ᐃᑎᒃᑲᓐᓂᕐᓂᐊᕈᓐᓃᕐᓗᑎᑦ.”
ᐃᖅᑲᐅᒪᔪᒃᓴᐅᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓐᓇᕐᑐᓂᒃ ᓇᖕᒥᓂᖅ ᑕᑯᖃᑦᑕᓚᐅᕐᑕᑦᓯᓐᓂᒃ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ, ᐱᔪᓐᓇᕐᓂᕐᔪᐊᕐᒧᑦ ᐊᔪᖏᓐᓂᕐᔪᐊᕐᒧᓪᓗ ᐊᑕᓂᐅᑉ ᒎᑎᑦᓯ ᐊᓂᑎᓚᐅᕐᒪᓯ ᕿᓚᕈᑦᔮᕐᑕᐅᔪᑎᑐᑦ. ᑍᒫᑦᓮᓐᓇᕐᑕᐅᖅ ᐄᑦᔨᑉᑎᒥᐅᓂᒃ ᓄᖒᑦᓯᓚᐅᕐᓂᕐᒥᑐᑦ, ᑖᒃᑯᐊ ᐱᓇᓱᐊᕐᕕᒋᔪᓐᓇᕆᕔᑦ ᒫᓐᓇ ᓯᕘᕋᒋᔭᓯ.
ᐊᑕᓂᐅᓪᓕ ᓇᒡᓕᒋᕚᓯ, ᐊᖏᕈᑎᒋᓚᐅᕐᑕᓂᓗ ᓯᕗᓕᕕᓂᑦᓯᓐᓄᑦ ᑲᔪᓯᑎᑦᑐᒪᓯᒪᕚ. ᑍᒤᒻᒪᑦ ᑕᕝᕙ ᐱᐅᓕᓚᐅᕐᐹᓯ ᐱᔪᓐᓇᕐᓂᕐᔪᐊᒥᓄᑦ ᐃᓖᔭᕆᔭᐅᓂᕐᒥᓪᓗ ᐲᕐᑎᓪᓗᓂᓯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓂᑦ.
ᑖᒃᑯᐊᓕ ᐅᐃᒪᔮᕐᑎᓚᐅᕐᐸᒃᑲ ᓯᖏᓚᐅᕐᐸᒃᑲᓗ ᐃᓕᑦᓯ ᓵᖓᓂ, ᐊᒧᕅᑎᒥᐅᑦ ᐊᖓᔪᖅᑳᕐᔪᐊᖏᒃ ᒪᕐᕉᒃ; ᓴᕕᒡᔪᐊᓯᓕ ᖃᕐᔪᓯᓗ ᐊᑐᓚᐅᓐᖏᓚᑦ ᑖᒃᑯᓄᖓ.
