11 ᓰᐱᑎᑐᑦ ᓂᕿᒃᓴᑎᑐᑦ ᑐᓂᓚᐅᕐᐸᑦᑎᒍᑦ, ᓯᐊᒻᒪᕐᑎᓪᓗᑕᓗ ᐃᓅᖃᑎᒌᒡᔪᐊᓄᑦ.
ᕼᐆᓯᐊ ᐊᕐᕌᒍᓂᒃ 9ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᒥᐊᕆᐊᒥᐅᑦ ᓵᓚᒋᒐᒥᒋᑦ ᑎᒍᓚᐅᕐᐰᑦ ᐃᓄᖏᑦ ᐊᐅᓪᓚᕈᑎᓪᓗᓂᒋᑦ ᓄᓇᑖᕐᑎᑉᐰᑦ ᐊᓯᕆᐊᑉ ᓄᓇᓕᖏᑦᑕ ᐃᓚᖏᓐᓂ ᕼᐋᓚᒥᒃ, ᐃᓚᖏᓪᓗ ᕼᐂᐸᒥ ᑰᑉ ᓯᓈᓃᑦᑐᒥ ᒎᔭᓂᐅᑉ ᓄᓇᖓᓂ, ᐃᓚᖏᓪᓗ ᒥᑏᔅᒥᐅᑦ ᐃᒡᓗᒐᓴᖏᓐᓂ.
ᑭᖑᕚᖏᑦ ᓯᐊᒻᒪᕐᑎᑦᓱᒪᓪᓗᒋᑦ ᐃᓅᖃᑎᒌᒡᔪᐊᓄᑦ, ᓄᓇᓄᓪᓗ ᓇᒧᑐᐃᓐᓇᖅ ᓯᐊᒻᒪᕐᑎᑦᓱᒪᓪᓗᒋᑦ.
ᐱᐅᖏᑦᑐᓕᔪᑦ ᑍᒪᓐᖓᑦ ᑐᑭᓯᓂᐊᓐᖏᓛᑦ? ᑖᒃᑯᐊ ᐃᓄᖁᑎᓐᓂᒃ ᓂᕆᔪᑦ ᓂᐊᖂᔭᒥᒃ ᓂᕆᔪᑎᑐᑦ, ᐊᑕᓂᕐᒧᓪᓗ ᓂᓪᓕᐊᓇᑎᒃ.
ᒎᑏ, ᖁᔭᓈᕐᓯᒪᒐᑦᑎᒍᑦ; ᓯᖁᒥᓯᒪᒐᑦᑎᒍᓪᓗ, ᓂᓐᖓᓚᐅᕋᕕᑦ, ᐅᑎᕐᑎᓚᐅᕐᒥᑎᒍᑦ!
ᐅᕙᓐᓂᒡᓕ ᖃᐅᔨᒪᕗᑎᑦ, ᐊᑕᓃᖅ, ᐊᑐᕐᑕᓕᒫᒃᑲ ᑕᑯᓐᓇᕋᕕᒋᑦ, ᖃᓄᕐᓗ ᐃᓕᖕᓂᒃ ᐃᓱᒪᖃᕐᒪᖔᕐᒪ ᖃᐅᔨᓴᕈᓐᓇᕐᓗᑎᑦ. ᐱᐅᖏᑦᑐᓕᔪᑦ ᓴᓂᕐᕙᓚᐅᒃᑭᑦ ᓰᐱᑎᑐᑦ ᓴᓂᕐᕙᒃᑕᐅᓯᒪᔪᑎᑐᑦ ᐅᓪᓗᒧᑦ ᑐᖁᑕᐅᓂᒃᓴᖏᓐᓄᑦ.
ᑕᑯᒋᑦ, ᑲᑎᕐᓱᕈᒫᕆᕙᒃᑲ ᓄᓇᓕᖕᓂᑦ ᓂᓐᖓᕕᒡᔪᐊᕐᓂᓐᓄᑦ ᐊᐅᓪᓚᕐᑎᑕᐅᕕᒋᓚᐅᕐᑕᖏᓐᓂᑦ, ᑕᒪᐅᖓᓗ ᐅᑎᕐᑎᑦᓱᒫᕐᐸᒃᑲ, ᐃᓅᓯᖃᓕᕐᑎᓪᓗᒋᑦ ᐃᓂᓪᓚᖓᑦᓯᐊᕐᓇᕐᑐᒥᒃ.
ᐰᕐᓯᔩᑦ ᕿᓂᑦᓯᐊᓲᖑᖕᒪᑕ ᓰᐱᖁᑎᖏᑕ ᐃᓚᖏᓐᓂᒃ ᓇᒧᑐᐃᓐᓇᖅ ᓯᐊᒻᒪᕐᑐᖃᕐᑎᓪᓗᒍ, ᑍᒫᒃᑕᐅᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ; ᓴᐳᑎᔪᒫᕐᐸᒃᑲ ᓇᓂᓕᒫᖅ ᓯᐊᒻᒪᕐᓯᒪᕕᒋᓚᐅᕐᑕᖏᓐᓂᑦ ᐅᓪᓗᖅ ᓄᕗᔭᑎᓪᓗᒍ ᑖᕐᑑᑎᓪᓗᒍᓗ.
ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”
ᑎᑎᕋᕐᓯᒪᖕᒪᑦ: “ᐱᑦᔪᑎᒋᓪᓗᑎᑦ ᐅᓪᓗᖅ ᓈᓪᓗᒍ ᑐᖁᒦᑎᑕᐅᕗᒍᑦ; ᓰᐱᑎᑐᑦ ᑐᖁᑕᐅᔭᕐᑐᕐᑐᑎᑐᑦ ᐱᔭᐅᓪᓗᑕ.”
“ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.
ᐊᑕᓂᐅᑉ ᓯᐊᒻᒪᕐᑎᓐᓂᐊᕐᐹᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ, ᐅᓄᖏᑦᑐᓯᒍᓪᓕ ᐊᒥᐊᒃᑰᓂᐊᕐᐳᓯ.
ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ, ᑎᒡᓕᒃᑎᓄᑦ ᐱᓕᕆᐊᖑᑎᓚᐅᕐᐰᑦ ᑎᒡᓕᒐᕐᕕᐅᑎᓪᓗᒋᓪᓗ; ᐊᑭᕋᖏᓐᓄᓪᓗ ᐊᕙᑎᖏᓐᓃᑦᑐᓄᑦ ᓵᓚᒋᔭᐅᑎᓚᐅᕐᐰᑦ, ᑍᒤᒻᒪᑦ ᐊᑭᕋᒥᖕᓂᒃ ᓵᓚᖃᕈᓐᓁᓪᓕᓚᐅᕐᐳᑦ.
