ᐃᓐᖏᕈᑎᑦ 43:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᒎᑎᐅᒐᕕᑦ ᓴᓐᖏᔫᑦᔪᑎᒐ; ᓱᖕᒪᓪᓕ ᑲᒪᒋᖏᑉᐱᖔ? ᓱᖕᒪᓪᓗ ᕿᒃᓵᒃᐳᖓ ᐊᑭᕋᕐᑐᕐᑎᓐᓂᑦ ᐊᑭᕋᕐᑐᕐᑕᐅᓂᕐᒧᑦ?

ᐃᓐᖏᕈᑎᑦ 43:2 Iomraidhean Croise

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 140:7

ᐊᑕᓃᖅ, ᐊᑕᓂᕋ, ᓴᐳᑦᔨᔨᒐ ᓲᖑᔪᕐᔪᐊᖑᔪᖅ, ᓂᐊᖁᕋ ᐅᓕᒃᓯᒪᓚᐅᕐᐸᑦ ᐅᓇᑕᕐᓂᐅᑉ ᓇᓪᓕᐅᓐᓂᖓᓂ.

ᐃᓐᖏᕈᑎᑦ 28:7

ᐊᑕᓂᖅ ᓴᓐᖏᔫᑦᔪᑎᒋᕙᕋ ᓴᐴᓗᑕᕆᓪᓗᒍᓗ; ᐆᒻᒪᑎᒪ ᑕᑎᒋᖕᒪᒍ, ᐃᑲᔪᕐᐹᖓᓗ; ᑍᒤᒻᒪᑦ ᐆᒻᒪᑎᒐ ᐊᖏᔪᒥᒃ ᖁᕕᐊᓱᒃᐳᖅ, ᐃᓐᖏᕈᓯᕐᒧᓪᓗ ᖁᔭᒋᔪᒪᕙᕋ.

ᐃᓐᖏᕈᑎᑦ 31:4

ᓄᓱᓚᐅᓐᖓ ᓄᓗᐊᓂᑦ ᐅᕙᓐᓄᑦ ᐃᓕᓯᒪᔪᓂᑦ, ᖃᐅᔨᑎᓐᓇᖓ ᒪᓂᔭᐅᓚᐅᕐᑐᓂᑦ ᐅᕙᓐᓄᑦ, ᐃᕝᕕᑦ ᓴᐳᑦᔨᔨᒋᒐᒃᑭᑦ.

ᐃᓐᖏᕈᑎᑦ 42:10

ᓴᐅᓂᒃᑲ ᐋᓐᓂᐊᕗᑦ, ᐊᑭᕋᕐᑐᕐᑎᒪ ᐱᓕᕆᐊᕆᖕᒪᖓ, ᐅᓪᓗᖅ ᓈᓪᓗᒍ ᐊᐱᕐᓱᕐᒪᖓ, “ᒎᑏᓪᓕ ᓇᐅᒃ?”

ᐃᓐᖏᕈᑎᑦ 42:9

ᒎᑎᓐᓄᑦ ᐅᖃᕈᒪᕗᖓ ᕾᕐᑐᕆᔭᓐᓄᑦ, “ᓲᖅ ᐳᐃᒍᕐᐱᖔ? ᓱᖕᒪᓪᓗ ᕿᒃᓵᖏᓇᕐᐳᖓ ᐊᑭᕋᕐᑐᕐᑎᓐᓂᑦ ᐊᑭᕋᕐᑐᕐᑕᐅᓂᕐᒧᑦ?”

ᐃᓐᖏᕈᑎᑦ 44:9

ᑭᓯᐊᓂ ᓇᕐᕈᒋᓯᒪᒐᑦᑎᒍᑦ, ᑲᓐᖑᓇᕐᑐᒦᑎᓪᓗᑕᓗ, ᐅᓇᑕᕐᑐᒃᓴᖁᑎᕗᓪᓗ ᐅᓇᑕᕆᐊᕌᖓᑕ ᐃᓚᒋᓐᖏᓚᑎᑦ.

ᐃᓐᖏᕈᑎᑦ 71:9

ᐃᒃᓯᓐᓇᕐᑍᓕᓐᖓ ᐃᓄᑐᖃᐅᓕᕐᓂᓐᓄᑦ; ᕿᒪᒃᑍᓕᓐᖓ ᑎᒥᒐ ᓄᑭᑭᑦᑑᓕᕐᐸᑦ.

ᐃᓐᖏᕈᑎᑦ 77:7

ᐊᑕᓂᐅᑉ ᑲᒪᒋᓂᐊᕈᓐᓃᕐᐹᑎᒍᑦ ᐃᓱᖃᖏᑦᑐᒧᑦ? ᖃᖓᓕᒫᕐᓗ ᐱᐅᒃᓴᕐᓂᐊᕈᓐᓃᕐᐹ ᐅᕙᑦᑎᓐᓂᒃ?

ᐃᓐᖏᕈᑎᑦ 88:15

ᐋᓐᓂᐊᑖᕐᓯᒪᕗᖓ ᑐᖁᑐᐃᓐᓇᕆᐊᖃᓕᕐᓗᖓ ᐃᓅᓱᒃᑑᓪᓗᖓ ᓱᓕ, ᑲᑉᐱᐊᓇᕐᑐᒦᑎᑦᓯᓃᑦ ᐃᓗᖏᕐᑐᕈᑎᒋᕙᕋ; ᐃᑲᔪᕐᑎᒃᓴᖃᕐᓇᖓᓗ.

ᐃᓐᖏᕈᑎᑦ 94:14

ᐊᑕᓂᐅᑉ ᐃᓄᖁᑎᓂ ᕿᒪᖕᓂᐊᖏᒻᒪᒋᑦ; ᑭᖑᕐᖑᑦᔨᔪᒃᓴᖁᑎᓂᓗ ᖁᔭᓈᕐᓂᐊᕐᓇᒋᑦ.

ᒨᓯᓯ ᐂᑉᐸᖏᑦ 15:2

ᐊᑕᓂᖅ ᐱᔪᓐᓇᐅᑎᒋᕙᕋ ᐃᓐᖏᕈᑎᒋᓪᓗᒍᓗ, ᐱᐅᓕᔨᒋᓕᕐᓗᒍᓗ; ᑖᓐᓇ ᒎᑎᒋᕙᕋ, ᓂᕐᑐᕐᓂᐊᕐᐸᕋᓗ, ᐊᑖᑕᒪ ᒎᑎᖓ, ᑖᓐᓇ ᐊᖏᔪᕈᕐᑎᓐᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 40:31

ᐊᑕᓂᕐᒥᒡᓕ ᐅᑕᖅᑭᔪᑦ, ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᔪᒫᕐᐳᑦ, ᐃᓴᕈᕐᒥᖕᓄᑦ ᑎᖏᔪᒫᕐᐳᑦ ᓇᒃᑐᕋᓕᒃᑎᑐᑦ, ᐅᓪᓚᒃᓯᔪᒫᕐᐳᑦ ᑕᖃᓂᐊᕈᓐᓃᕐᓗᑎᒃ, ᐱᓱᓕᕈᒫᕐᐳᑦ ᓅᑮᕈᑎᓂᐊᕈᓐᓃᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 45:24

ᐅᖃᕐᑐᒃᓴᐅᕗᑦ, ‘ᐊᑕᓂᒃᑯᑦ ᑭᓯᐊᓂ ᓇᓛᒎᕐᓂᕐᑕᖃᕐᐳᖅ ᐱᔪᓐᓇᕐᓂᕐᑕᖃᕐᓗᓂᓗ. ᑖᑦᓱᒧᖓ ᐃᓄᓕᒫᑦ ᐅᐸᒍᑎᔪᒫᕐᐳᑦ, ᐃᓘᓐᓇᑦᓯᐊᖏᓪᓗ ᑖᑦᓱᒥᖓ ᐊᑭᕋᕐᑐᕐᑐᑦ ᑲᓐᖑᓱᒃᑎᑕᐅᔪᒫᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 10:12

ᓄᑭᖃᕐᑎᑦᓱᒪᕙᒃᑲ ᐊᑕᓂᕐᒥ; ᐱᓱᒍᒫᕐᐳᑦ ᑖᑦᓱᒪ ᐊᑎᖓᓂ.” ᑍᒫᒃ ᐊᑕᓂᖅ ᐅᖃᕐᐳᖅ.

ᐃᐱᓯᒥᐅᓄᑦ 6:10

ᑭᖑᓪᓕᕐᐹᒥᒡᓕ, ᓴᓐᖏᔫᒋᑦᓯ ᐊᑕᓂᕐᒥ ᐊᔪᒐᖃᖏᓐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.

ᐱᓕᐱᒥᐅᓄᑦ 4:13

ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.