ᐃᓐᖏᕈᑎᑦ 42:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᒎᑎᓐᓄᑦ ᐅᖃᕈᒪᕗᖓ ᕾᕐᑐᕆᔭᓐᓄᑦ, “ᓲᖅ ᐳᐃᒍᕐᐱᖔ? ᓱᖕᒪᓪᓗ ᕿᒃᓵᖏᓇᕐᐳᖓ ᐊᑭᕋᕐᑐᕐᑎᓐᓂᑦ ᐊᑭᕋᕐᑐᕐᑕᐅᓂᕐᒧᑦ?”

ᐃᓐᖏᕈᑎᑦ 42:9 Iomraidhean Croise

ᐃᓐᖏᕈᑎᑦ 13:1

ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ ᐳᐃᒍᕐᓯᒪᓂᐊᕐᐱᖔ? ᖃᓄᕐᓗ ᐊᑯᓂᐅᑎᒋᔪᒥᒃ ᑮᓁᑦ ᐃᔨᕐᓯᒪᓂᐊᕐᐱᐅᒃ ᐅᕙᓐᓂᑦ?

ᐃᓐᖏᕈᑎᑦ 18:2

ᐊᑕᓂᖅ ᕾᕐᑐᕆᕙᕋ, ᓴᐳᑦᔨᔨᒋᓪᓗᒍᓗ; ᒎᑎᒐ ᓴᓐᖏᔫᑦᔪᑎᒐ, ᑖᑦᓱᒥᖓ ᑕᑎᖃᕐᓂᐊᕐᐳᖓ; ᓴᐴᓗᑕᕆᒐᒃᑯ; ᐱᐅᓕᔭᐅᕕᒃᓴᒪᓗ ᓴᒃᑯᒋᖕᒪᒍ, ᕿᒫᕕᒃᓴᕆᒐᒃᑯ ᓵᓚᐅᓂᐊᖏᑦᑐᖅ.

ᐃᓐᖏᕈᑎᑦ 28:1

ᐃᓕᖕᓄᑦ ᓂᓪᓕᐊᕗᖓ, ᐊᑕᓃᖅ ᕾᕐᑐᕆᒐᒃᑭᑦ; ᓂᓪᓕᕐᑍᓕᕝᕕᒋᓂᐊᕐᓇᖓ ᓂᓪᓕᕐᑍᓕᒍᕕᑦ ᐅᕙᓐᓄᑦ, ᑍᒃᑯᐊ ᐃᑎᕐᓵᓗᖕᒧᑦ ᑲᑕᒃᑐᑦ ᐊᑦᔨᒋᓂᐊᕐᐸᒃᑲ.

ᐃᓐᖏᕈᑎᑦ 38:6

ᐅᖁᒤᒃᓴᕐᑐᐊᓘᕗᖓ ᐊᒃᓱᒻᒪᕆᐊᓗᒡᓗ ᐅᑯᖓᓪᓗᖓ; ᕿᒃᓵᒃᑐᐊᓘᓪᓗᖓᓗ ᐅᓪᓗᖅ ᓈᓪᓗᒍ.

ᐃᓐᖏᕈᑎᑦ 43:2

ᒎᑎᐅᒐᕕᑦ ᓴᓐᖏᔫᑦᔪᑎᒐ; ᓱᖕᒪᓪᓕ ᑲᒪᒋᖏᑉᐱᖔ? ᓱᖕᒪᓪᓗ ᕿᒃᓵᒃᐳᖓ ᐊᑭᕋᕐᑐᕐᑎᓐᓂᑦ ᐊᑭᕋᕐᑐᕐᑕᐅᓂᕐᒧᑦ?

ᐃᓐᖏᕈᑎᑦ 55:3

ᐊᑭᕋᕐᑐᕐᑎᒪ ᓂᐱᖏᑦ ᐱᑦᔪᑎᒋᓪᓗᒋᑦ, ᐱᐅᖏᑦᑐᓕᔪᓪᓗ ᐊᑭᕋᕐᑐᕐᓂᖏᑦ ᐱᓪᓗᒋᑦ; ᐅᕙᓐᓄᑦ ᐅᖁᒤᒃᓴᕐᓂᕐᒥᒃ ᐱᑎᑦᓯᖕᒪᑕ, ᓂᓐᖓᐅᒪᓂᕐᒧᑦ ᖀᒥᒋᖕᒪᖓ.

ᐃᓐᖏᕈᑎᑦ 62:2

ᑖᓐᓇᑐᐊᖅ ᕾᕐᑐᕆᒐᒃᑯ ᐱᐅᓕᔨᒋᓪᓗᒍᓗ; ᓴᐳᑦᔨᔨᒋᕙᕋ, ᑕᕝᕙᓐᖓᑦ ᐊᐅᓚᑦᔭᒃᑎᑕᐅᓂᐊᓐᖏᓚᖓ.

ᐃᓐᖏᕈᑎᑦ 77:9

ᒎᑎ ᓂᑲᒍᓱᒋᐊᒃᓴᖅ ᐳᐃᒍᕐᓯᒪᓕᕐᐹ? ᓂᓐᖓᐅᒪᓂᕐᒥᓄᑦ ᓇᒡᓕᒍᓱᖕᓂᓂ ᓄᖅᑲᕐᑎᓯᒪᓕᕐᐸᐅᒃ? ᓰᓚ

ᐃᓐᖏᕈᑎᑦ 78:35

ᐃᖅᑬᓕᕐᓗᑎᒡᓗ ᒎᑎ ᕾᕐᑐᕆᒐᒥᑦᔪᒃ, ᒎᑎ ᖁᑦᓯᖕᓂᕐᐹᖑᔪᖅ ᓴᐳᑦᔨᔨᒋᒐᒥᑦᔪᒃ.

ᐃᓐᖏᕈᑎᑦ 88:9

ᐃᔩᒃᑲᒃ ᑕᐅᑐᑦᓯᐊᕈᓐᓃᓕᕐᐴᒃ ᕿᒃᓵᖕᓂᕐᒧᑦ. ᐊᑕᓃᖅ, ᖃᐅᑕᒫᑦ ᓂᓪᓕᐊᕕᒋᕙᒋᑦ; ᐊᒡᒐᒃᑲ ᐃᓵᖓᕙᒃᑲ ᐃᓕᖕᓄᑦ.

ᐃᓐᖏᕈᑎᑦ 92:3

ᓂᓪᓕᐊᔪᓐᓇᕐᑐᓂᒃ ᐊᑐᕐᓗᓂ ᑯᑭᑦᑕᐸᐅᑎᓂᒃ ᓄᖃᕐᑎᓕᖕᓂᒃ, ᑯᑭᑦᑕᐸᐅᑎᐅᔭᓂᒡᓗ ᕼᐋᕐᐱᓂᒃ, ᓂᐱᑦᓯᐊᕆᒃᑐᓂᒡᓗ ᑯᑭᑦᑕᐹᓂᒃ ᓔᕆᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:1

ᓱᓕ ᖃᐅᔨᓇᓱᐊᒃᑲᓐᓂᓚᐅᕐᐳᖓ, ᑕᑯᓚᐅᕐᐳᖓᓗ ᐅᖁᒤᒃᓴᕐᑎᑕᐅᓂᕐᓂᒃ ᐊᑐᕐᑕᐅᔪᓂᒃ ᓯᕿᓂᐅᑉ ᐊᑖᓂ: ᑕᑯᒋᑦ ᐅᖁᒤᒃᓴᕐᑎᑕᐅᔪᑦ ᖁᕝᕕᖏᑦ, ᒪᓂᒍᐃᔨᒃᓴᖃᓐᖏᓚᓪᓕ; ᐅᖁᒤᒃᓴᕐᑎᑦᓯᔨᖏᑦ ᐊᖏᔪᒥᒃ ᐱᔪᓐᓇᕐᓂᖃᕐᐳᑦ, ᑖᒃᑯᐊᓕ ᒪᓂᒍᐃᔨᒃᓴᖃᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 40:27

ᔧᑰ ᓱᖕᒪᓪᓕ ᐅᖃᕐᐸᒃᐱᑦ, ᐃᓴᕆᐊᓪ, ᐅᖃᕐᓗᑎᑦ, “ᐱᓂᐊᕐᓂᓐᓂᒃ ᐊᑕᓂᖅ ᐃᕐᕈᑎᓯᒪᕙᕋ, ᐱᔭᕆᐊᖃᕐᑕᒃᑲᓗ ᑲᒪᒋᔭᐅᓇᑎᒃ ᒎᑎᓐᓄᑦ?”

ᐂᓮᐊᓯᐅᑉ ᐊᒡᓚᖏᑦ 49:15

“ᐊᕐᓇᐅᑉ ᕿᑐᕐᖓᓂ ᐊᒫᒪᒃᑎᑕᓂ ᐳᐃᒍᕈᓐᓇᕐᐸᐅᒃ? ᐃᕐᓂᐊᕆᓚᐅᕐᑕᓂ ᓇᒡᓕᒋᖏᑦᓱᓐᓇᕐᐸᐅᒃ? ᐊᒡᓛᑦ ᐳᐃᒍᑐᐃᓇᕆᐊᖃᕐᐳᑦ, ᐅᕙᖓᓕ ᐳᐃᒍᕐᓂᐊᓐᖏᓚᒋᑦ.