ᐃᓐᖏᕈᑎᑦ 41:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᐅᑉ ᓴᐳᑎᓯᒪᓂᐊᕐᒪᒍ ᐆᒪᑎᓐᓂᐊᕐᓗᒍᓗ; ᓮᒻᒪᕐᑎᓐᓂᐊᕐᐹᓗ ᓄᓇᒥ; ᐊᑭᕋᕐᑐᕐᑎᖏᑕᓗ ᐃᓱᒪᒋᔭᖏᓐᓄᑦ ᑐᓂᓂᐊᓐᖏᓛ.

ᐃᓐᖏᕈᑎᑦ 41:2 Iomraidhean Croise

ᐃᓐᖏᕈᑎᑦ 27:12

ᐊᑭᕋᕐᑐᕐᑎᒪ ᐱᔪᒪᔭᖏᓐᓄᑦ ᑐᓂᓂᐊᕐᓇᖓ; ᓴᒡᓗᓪᓗᑎᒃ ᐸᓯᒃᓯᓇᓱᒃᑐᑦ ᐊᑭᕋᕐᑐᕐᒪᖓ, ᐊᓂᕐᓵᕐᑐᕐᒪᑕ ᑲᑉᐱᐊᓱᒃᑎᑦᓯᔪᒪᓂᕐᒥᒃ.

ᐃᓐᖏᕈᑎᑦ 33:19

ᑕᕐᓂᕐᒥᖕᓂᒃ ᓴᐳᑎᔭᐅᖁᔨᔪᑦ ᑐᖁᒥᑦ, ᑖᑦᓱᒧᖓᓗ ᐃᓅᑎᑕᐅᔪᒪᓪᓗᑎᒃ ᑳᖕᓇᕐᑐᕐᔪᐊᒥ.

ᐃᓐᖏᕈᑎᑦ 37:22

ᐊᑕᓂᐅᑉ ᓮᒻᒪᕐᑎᑕᖏᑦ ᓄᓇᒥᒃ ᑭᖑᕐᖑᑦᔨᔪᒫᕐᐳᑦ, ᓮᒻᒪᕐᑎᖏᑕᖏᓪᓕ ᐊᕕᑕᐅᔪᒫᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:17

ᐊᖑᑦ ᓂᑲᒍᓱᖕᓂᖃᑦᓯᐊᕐᑐᖅ ᐃᓅᑦᓯᐊᕈᑎᒃᓴᓕᐅᕐᐳᖅ ᐃᒻᒥᓄᑦ, ᐊᑦᑕᕆᔭᖃᖏᑦᑐᕐᓕ ᑎᒥᒥᓄᑦ ᐃᓱᐊᖏᑦᔪᑎᒃᓴᓕᐅᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:21

ᓯᓚᖅᑲᑎᒥᓂᒃ ᓇᕐᕈᔪᖅ ᐊᔪᕐᑐᓕᕗᖅ, ᐊᒃᓗᔪᓂᒡᓕ ᓂᑲᒍᓱᒃᑐᖅ ᑖᓐᓇ ᖁᕕᐊᓱᒃᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:17

ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:20

ᑐᓂᓯᖃᑦᑕᕐᓗᓂᓗ ᐊᔪᕐᓴᕐᑐᓄᑦ ᐱᔭᕆᐊᓕᖕᓄᓪᓗ, ᐄᓛᒃ, ᓇᖕᒥᓂᖅ ᐊᒡᒐᖕᒥᓄᑦ ᓴᓇᓪᓗᓂ ᐃᑲᔪᕐᑕᐅᔭᕆᐊᓕᖕᓂᒃ ᐃᑲᔪᖃᑦᑕᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 39:17

ᐅᕙᖓᓕ ᐅᓪᓗᖅ ᑍᓐᓇ ᓇᓪᓕᐅᑎᒃᐸᑦ ᓴᐳᑎᔪᒪᕙᒋᑦ, ᐊᑕᓂᖅ ᐅᖃᕐᐳᖅ, ᑲᑉᐱᐊᒋᔭᕐᓄᑦ ᑎᒍᔭᐅᔪᒫᓐᖏᓚᑎᑦ.

ᒨᓯᓯ ᑕᓪᓕᒪᖏᑦ 14:29

ᓕᕔᑉ ᑭᖑᕚᖓ, ᑖᓐᓇ ᓇᖕᒥᓂᕐᑕᕐᓯᒪᖏᒻᒪᑦ ᓄᓇᖁᑎᒃᓴᒥᓂᒃ, ᓄᓇᖃᑎᑐᖃᕆᓐᖏᑕᓯ ᐱᖃᑕᐅᔭᕆᐊᖃᕆᕗᑦ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᖃᑎᒋᔭᓯ. ᑖᒃᑯᐊᓗ ᕾᔪᒃᓴᐅᕗᑦ ᓂᕆᓗᑎᒃ ᐊᕿᐊᑦᑐᕐᓗᑎᒡᓗ; ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᖃᓄᓕᒫᖅ ᐱᓇᓱᐊᕐᓂᕆᔭᑦᓯᓐᓂ.”

ᑎᒧᑎᒧᑦ ᓯᕗᓪᓖᑦ 4:8

ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.

ᕉᑎᐅᑉ ᐅᓂᒃᑲᐅᓯᓂᖓ 2:19

ᓁᐅᒥᐅᓪᓗ ᐊᐱᕆᕚ, “ᓇᑭᓄᑯᐊ ᓂᐊᖂᔭᒃᓮᑦ ᐅᓪᓗᒥ ᑲᑎᑕᕕᓂᕐᑏᑦ? ᑭᐊᓗ ᐱᕈᕐᓰᕕᖁᑎᖓᓂᑦ ᑲᑎᑦᓯᔪᓐᓇᕐᑎᑕᐅᓐᓂᕐᐲᑦ? ᐱᕈᕐᓰᕕᖁᑎᓕᒃ ᑍᓐᓇ ᒎᑎᒧᑦ ᐱᑦᓯᐊᕐᕕᐅᖁᕙᕋ ᐃᓕᖕᓂᒃ ᐱᔪᓐᓇᕐᑎᑦᓯᓚᐅᕐᑐᖅ.” ᕉᑎᐅᓪᓕ ᓴᑭᓂ ᓁᐅᒥ ᐅᖃᐅᑎᕚ ᑲᑎᑦᓯᓚᐅᕐᓂᕋᕐᓗᓂ ᐳᐊᓯᐅᑉ ᐱᕈᕐᓰᕕᖁᑎᖓᓂᑦ.