11 ᖃᐅᔨᒪᕗᖓᓕ ᖁᕕᐊᒋᑦᓯᐊᕋᕕᖓ, ᐊᑭᕋᕐᑐᕐᑎᒃᑲ ᓵᓚᖃᕈᓐᓇᖏᒻᒪᑕ ᐅᕙᓐᓂᒃ.
ᐊᑕᓂᖅ ᓂᕐᑐᕐᑕᐅᓕ, ᐅᕙᑦᑎᓐᓂᒃ ᐂᑦᑑᑎᖃᓚᐅᖏᒻᒪᑦ ᓵᓚᐅᓗᑕ ᑕᒧᐊᔭᐅᖁᓪᓗᑕ ᑖᒃᑯᓄᖓ.
ᐊᑭᕋᑐᕐᑎᒐ ᐅᖃᓕᖁᓇᒍ, “ᐅᓇ ᓵᓚᒋᓚᐅᕐᑕᕋ.” ᐅᕙᓐᓂᒡᓗ ᐅᖁᒤᒃᓴᕐᑎᑦᓯᔪᑦ ᖁᕕᐊᓲᑎᖃᖁᓇᒋᑦ ᐅᕐᕈᒍᒪ.
ᐊᑕᓂᐅᓪᓕ ᓯᕘᕋᒋᔨᓂ ᖁᕕᐊᒋᕔᑦ, ᑖᑦᓱᒪ ᓇᒡᓕᖕᓂᖓᓂᒃ ᓱᖁᓯᔪᐃᑦᑐᒥᒃ ᓂᕆᐅᒋᔭᒃᓴᖃᕐᑐᑦ.
ᒎᑏᒃ, ᐃᕝᕕᑦ ᑕᑎᒋᕙᒋᑦ, ᑲᓐᖑᓱᒃᑎᑕᐅᖁᓂᐊᕐᓇᖓ, ᐊᑭᕋᕐᑐᕐᑎᒃᑲ ᐅᕙᓐᓂᒃ ᓵᓚᖃᕐᑎᓐᓂᐊᕐᓇᒋᑦ.
ᐊᑭᕋᕐᑐᕐᑎᒪ ᐊᒡᒐᖏᓐᓄᑦ ᑐᓂᓚᐅᖏᓐᓇᕕᖓ: ᐃᑎᒐᒃᑲ ᐃᓕᒐᕕᒋᑦ ᐱᕕᑐᔪᒧᑦ.
ᐃᓱᒪᖁᓇᒋᑦ, “ᐋᕼᐊ, ᑍᒤᑦᑐᕆᔭᕗᑦ ᐊᓱᐃᓛᖑᕗᖅ!” ᐃᒫᒡᓗ ᐅᖃᖁᓇᒋᑦ, “ᓵᓚᒋᓯᒪᕙᕗᑦ.”
ᐊᑕᓃᖅ ᓇᓗᓁᕐᓯᕕᒋᓚᐅᓐᖓ ᖁᓚᕐᓇᖏᑦᑐᒥᒃ ᐱᐅᓂᕆᔭᕐᓂᒃ; ᐅᕙᓐᓂᒃ ᐆᒥᓱᒃᑐᑦ ᑕᑯᒍᑎᒃ ᑲᓐᖑᓱᓕᖁᓪᓗᒋᑦ ᐃᓕᖕᓄᑦ ᐊᑕᓃᖅ, ᓮᒻᒪᕐᑎᑕᐅᓯᒪᓂᓐᓂᒃ ᐃᑲᔪᕐᑕᐅᓯᒪᓂᓐᓂᒡᓗ.
ᐊᑕᓂᖅ ᐃᓐᖏᕐᕕᒋᓯᐅᒃ, ᓂᕐᑐᕐᓗᒍᓗ ᐊᑕᓂᖅ, ᓴᐳᑦᔨᔪᓐᓇᕐᒪᑦ ᐃᑲᔪᕐᑕᐅᔭᕆᐊᓕᖕᓂᒃ ᐱᐅᖏᑦᑐᓕᔪᑦ ᐱᓇᓱᐊᕐᓂᖏᓐᓂᑦ.
ᑕᕝᕙᓂ ᐱᔪᓐᓇᕐᓃᑦ ᐊᖓᔪᖅᑲᐅᕖᓪᓗ ᐱᔪᓐᓇᕐᓃᕈᑎᓚᐅᕐᐰᑦ, ᓯᓚᕐᔪᐊᕐᒥᐅᓄᓪᓗ ᑲᓐᖑᓇᕐᓯᑎᓪᓗᒋᑦ, ᓵᓚᒋᓚᐅᕐᐰᑦ ᓴᓐᓂᖓᔪᓕᖕᒥ.
