ᐃᓐᖏᕈᑎᑦ 40:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓐᖏᐅᑎᒥᒡᓗ ᓄᑖᒥᒃ ᖃᓂᓐᓄᑦ ᐃᓕᓯᕗᖅ, ᒎᑎᕗᑦ ᓂᕐᑐᕐᓗᒍ. ᐅᓄᕐᑐᑦ ᖃᐅᔨᓂᐊᕐᐹᑦ ᓯᕘᕋᓗᑎᒡᓗ, ᐊᑕᓂᕐᒥᒡᓗ ᑕᑎᖃᓕᕐᓗᑎᒃ.

ᐃᓐᖏᕈᑎᑦ 40:3 Iomraidhean Croise

ᐃᓐᖏᕈᑎᑦ 119:133

ᐃᓅᓯᕋ ᒪᓕᑦᓯᐊᕐᑎᒍᒃ ᐅᖃᐅᓯᕐᓂᒃ, ᐊᔪᕐᑐᓕᓂᕐᓄᑦ ᓇᓪᓕᐊᓐᓄᓪᓘᓐᓃᑦ ᐊᐅᓚᑕᐅᓕᖁᓇᖓ.

ᐃᓐᖏᕈᑎᑦ 142:7

ᑎᒍᔭᐅᓯᒪᕕᖕᒥᑦ ᐊᓂᑎᓚᐅᓐᖓ, ᐊᑎᕐᓄᑦ ᖁᔭᓕᔪᓐᓇᖁᓪᓗᖓ! ᑕᕝᕙ ᐃᓱᐊᕐᑐᓄᑦ ᐊᕙᓗᔭᐅᓂᐊᕐᐳᖓ; ᐃᓛᒃ ᐱᑦᓯᐊᕐᕕᒋᓂᐊᕋᕕᖓ.

ᐃᓐᖏᕈᑎᑦ 144:9

ᐃᓕᖕᓄᑦ ᒎᑏ, ᐃᓐᖏᕈᓯᕐᒥᒃ ᓄᑖᒥᒃ ᐃᓐᖏᕐᓂᐊᕐᐳᖓ; ᑯᑭᑦᑕᐸᐅᑎᐅᔭᓂᒃ ᖁᓕᓂᒃ ᓄᖃᕐᑎᓕᖕᓂᒃ ᐊᑐᕐᓗᖓ ᐃᓐᖏᕐᕕᒋᓂᐊᕐᐸᒋᑦ ᓂᕐᑐᕐᓗᑎᑦ.

ᐃᓐᖏᕈᑎᑦ 27:5

ᐅᓪᓗᒥᒃ ᐃᓱᐊᖏᑦᑐᖃᓕᕐᐸᑦ, ᐃᒡᓗᒥᓂ ᓴᐳᑎᓯᒪᓂᐊᕐᐹᖓ; ᑐᐱᕐᔪᐊᖁᑎᒥᓂ ᐃᔨᕐᓯᒪᓂᐊᕐᐹᖓ ᐳᕐᑐᔪᒧᐊᕐᑎᓪᓗᖓᓗ ᕾᕐᑐᒧᑦ.

ᐃᓐᖏᕈᑎᑦ 33:3

ᐃᓐᖏᐅᑎᒥᒃ ᐊᑕᓂᖅ ᓄᑖᒥᒃ ᐃᓐᖏᕐᕕᒋᓯᐅᒃ; ᐊᔪᖏᑦᓯᐊᕐᓗᓯ ᓂᑦᔭᐅᓯᔭᕆᑦᓯ ᕾᒐᓛᕐᓗᓯ ᖁᕕᐊᓱᖕᓂᕐᒧᑦ.

ᐃᓐᖏᕈᑎᑦ 35:27

ᓱᓕᓂᕐᒪᓕ ᓇᓗᓁᕐᑕᐅᓂᖓᓂᒃ ᖁᕕᐊᓲᑎᑲᕐᑐᑦ, ᓂᐱᖅᑯᕐᑐᓗᑎᒃ ᖁᕕᐊᓱᒡᓕᑦ ᓯᕆᓗᑎᒡᓗ; ᑍᒪᓐᖓᓪᓗ ᓂᓪᓕᐊᓗᑎᒃ, “ᐊᑕᓂᖅ ᐊᖏᔪᕈᕐᑎᑕᐅᓕ, ᐱᔨᒥ ᖃᓄᐃᖏᑦᓯᐊᕐᓂᖓᓂᒃ ᖁᕕᐊᓲᑎᖃᕐᑐᖅ.”

ᐃᓐᖏᕈᑎᑦ 37:23

ᐊᖑᑎᐅᑉ ᐃᓱᐊᕐᑑᑉ ᐊᓪᓗᕐᓂᖏᑦ ᐊᑕᓂᐅᑉ ᐋᖅᑭᒃᓯᒪᕔᑦ, ᐊᖅᑯᑎᓂᓗ ᖁᕕᐊᒋᕚ.

ᐃᓐᖏᕈᑎᑦ 52:6

ᐃᓱᐊᕐᑐᑦ ᐊᒡᓛᑦ ᑕᑯᔪᒫᕆᕗᑦ ᓯᕘᕋᓗᑎᒡᓗ, ᐃᒡᓚᐅᑎᒋᔪᒫᕐᐹᑎᑦ ᐅᖃᕐᓗᑎᒃ,

ᐃᓐᖏᕈᑎᑦ 69:3

ᑕᖃᓯᒪᓕᕐᐳᖓ ᕿᐊᓂᕐᒧᑦ; ᐃᒡᒋᐊᕋᓗ ᐸᓂᓕᕐᓗᓂ. ᐃᔩᒃᑲᒃ ᐅᐃᑕᓂᖅ ᐊᔪᓕᕐᒪᑎᒃ, ᒎᑎᓐᓂᒃ ᕿᓂᕐᓂᕐᒧᑦ.

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 4:4

ᐊᒥᓱᑦ ᐅᖃᐅᓯᕐᓂᒃ ᑐᓴᕐᑐᑦ ᐅᒃᐱᓕᓚᐅᕐᐳᑦ; ᐅᒃᐱᕐᑐᓪᓗ ᐅᓄᕐᓂᖏᑦ 5,000 ᖃᓂᒋᔭᖓᓃᓕᓚᐅᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:3

ᐃᓐᖏᕐᐳᓪᓗ ᐃᓐᖏᕈᒻᒥᒃ ᓄᑖᒥᒃ ᐃᒃᓯᕙᐅᑕᕐᔪᐊᑉ ᓵᖓᓂ ᐆᒪᔪᓪᓗ ᓯᑕᒪᑦ ᐊᖓᔪᖅᑳᖑᔪᓪᓗ ᓵᖏᓐᓂ. 144,000 ᐊᓯᖏᓐᓄᑦ ᐃᓕᑕᐅᔪᓐᓇᖏᑦᑐᒥᒃ ᐃᓐᖏᕐᐳᑦ ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᔪᑦ ᓄᓇᕐᔪᐊᕐᒥᑦ.