ᐃᓐᖏᕈᑎᑦ 40:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓈᓴᒐᒃᓴᐅᖏᑦᑐᑦ ᐱᐅᖏᑦᑐᑦ ᐊᕙᓗᓯᒪᕚᖓ; ᐱᐅᖏᑦᑐᓕᓂᕐᒪᓗ ᓵᓚᒋᓯᒪᖕᒪᖓ, ᖁᒻᒧᓪᓘᓐᓃᑦ ᑕᑯᓴᕈᓐᓁᓪᓕᓪᓗᖓ; ᐅᓄᕐᓂᕐᓴᐅᖕᒪᑕ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᑍᒤᒻᒪᑦ ᐆᒻᒪᑎᒐ ᐊᔪᓕᕐᐳᖅ.

ᐃᓐᖏᕈᑎᑦ 40:12 Iomraidhean Croise

ᒨᓯᓯ ᓯᕗᓪᓖᑦ 42:28

ᐃᓚᒥᓄᓪᓗ ᐅᖃᕐᐳᖅ, “ᑮᓇᐅᔭᒃᑲ ᐅᑎᕐᑎᑕᐅᓐᓂᕐᐳᑦ; ᑕᑯᒋᑦ ᐃᒃᐱᐊᕐᔪᖁᑎᒪ ᐹᖓᓃᑉᐳᑦ!” ᑕᕝᕙ ᑲᑉᐱᐊᓱᓕᕐᐳᑦ ᖁᐊᕐᓵᖓᓕᕐᓗᑎᒡᓗ, ᓴᔪᓕᕐᓗᑎᒡᓗ ᐃᒻᒥᖕᓄᑦ ᐅᖃᖃᑦᑕᐅᑎᓕᕐᐳᑦ, ᐅᖃᕐᓗᑎᒃ, “ᒎᑏᓐᓇ ᖃᓄᐃᓕᐅᓕᕐᑐᖅ ᐅᕙᑦᑎᓐᓄᑦ?”

ᐃᓐᖏᕈᑎᑦ 116:3

ᑐᖂᑉ ᕿᓚᕈᑎᖏᑕ ᐊᕙᑎᓐᓂᑦ ᕿᓚᒃᓱᓚᐅᕐᐹᖓ, ᑲᑉᐱᐊᓇᕐᑐᕕᐅᑉ ᐋᓐᓂᐊᓇᕐᓂᖓᑕ ᑎᒍᒥᐊᓚᐅᕐᐹᖓ; ᐃᓱᒪᔮᕐᓇᕐᑐᒧᑦ ᕿᒃᓵᖕᓇᕐᑐᒧᓪᓗ ᑎᑭᐅᑎᓚᐅᕐᐳᖓ.

ᐃᓐᖏᕈᑎᑦ 19:12

ᑭᓇᓕ ᑕᒻᒪᕐᓂᖏᓐᓂᒃ ᖃᐅᔨᒪᕚ? ᓴᓗᒻᒪᕐᓴᓚᐅᓐᖓ ᑕᒻᒪᕐᓂᕐᓂᑦ ᐃᔨᕐᓯᒪᔪᓂᑦ.

ᐃᓐᖏᕈᑎᑦ 38:4

ᐸᓯᔭᒃᓴᐅᓂᕐᒪ ᓵᓚᒋᓯᒪᖕᒪᖓ ᐊᒡᔭᒐᒃᓴᑐᑦ ᐅᖁᒤᓗᐊᕐᑐᑎᑐᑦ.

ᐃᓐᖏᕈᑎᑦ 61:8

ᑍᒤᑉᐸᑦ ᑕᕝᕙ ᐊᑏᑦ ᓂᕐᑐᕐᓗᒍ ᐃᓐᖏᕈᑎᒋᔪᒪᕙᕋ ᐃᓱᖃᖏᑦᑐᒧᑦ, ᐊᖏᒻᒪᕆᒍᑎᒋᓯᒪᔭᒃᑲᓗ ᑐᓂᓗᒋᑦ ᑲᔪᓯᑎᓐᓂᐊᕐᐸᒃᑲ ᖃᐅᑕᒫᑦ.

ᐃᓐᖏᕈᑎᑦ 69:4

ᐅᕙᓐᓂᒃ ᐆᒥᓱᒃᑐᑦ ᐱᑦᔪᑎᒃᓴᖃᕋᑎᒃ ᐅᓄᕐᓂᕐᓴᐅᕗᑦ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᐊᔪᖏᑦᑐᕐᔪᐊᖑᕗᑦ ᐅᕙᓐᓂᒃ ᑐᖁᑦᓯᔪᒪᔪᑦ, ᓱᓕᖏᑦᑐᒧᑦ ᐊᑭᕋᕐᑐᕐᑎᒋᕙᒃᑲ. ᓱᓇᒥᒃ ᑎᒡᓕᓚᐅᕐᓇᖓ, ᐅᑎᕐᑎᑦᓯᔭᕆᐊᖃᕐᐳᖓ?

ᐃᓐᖏᕈᑎᑦ 73:26

ᑎᒥᒐ ᐆᒻᒪᑎᒐᓗ ᐊᔪᓕᓕᕋᓗᐊᕐᐴᒃ, ᒎᑎᓕ ᐆᒻᒪᑎᒪ ᓴᓐᖏᔫᑦᔪᑎᒋᕚ ᐱᔪᓐᓇᐅᑎᒋᓪᓗᒍᓗ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 53:6

ᐃᓘᓐᓇᑕ ᓰᐱᑎᑐᑦ ᐊᕝᕗᑎᔪᑎᑐᑦ ᑍᒤᓯᒪᒐᑦᑕ; ᑕᒪᑦᑕ ᐊᑐᓂᑦ ᐱᔪᒪᔭᑐᐃᓐᓇᑦᑎᓐᓂᒃ ᐊᑐᓕᕐᓗᑕ, ᐊᑕᓂᐅᓪᓕ ᐱᐅᖏᓐᓂᕗᑦ ᑕᒪᑦᑕ ᑖᑦᓱᒧᖓ ᐱᑎᓚᐅᕐᐰᑦ.

ᓘᑲᓯᐅᑉ ᐊᒡᓚᖏᑦ 21:26

ᐃᓄᐃᑦ ᓄᑭᖃᕈᓐᓃᕈᒫᕐᐳᑦ ᑲᑉᐱᐊᓱᖕᓂᕐᒧᑦ ᐅᑕᖅᑭᓂᕐᒧᓪᓗ ᓄᓇᕐᔪᐊᕐᒧᑦ ᑎᑭᑉᐸᓪᓕᐊᔪᑦ ᐱᓪᓗᒋᑦ; ᕿᓚᐅᑉ ᐱᔪᓐᓇᕐᓂᖏᑦ ᐊᐅᓚᑕᐅᔪᒫᕐᒪᑕ.

ᐄᑉᕈᐃᓄᑦ 4:15

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᖏᓐᓇᑦᑕ ᐃᓚᑦᓱᒍᓱᒍᓐᓇᖏᑦᑐᒥᒃ ᓴᓐᖐᓐᓂᑦᑎᓐᓂᒃ, ᐃᓘᓐᓈᒍᓪᓕ ᖃᓄᑐᐃᓐᓇᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓯᒪᕗᖅ ᐅᕙᑦᑎᑐᑦ, ᐊᔪᕐᑐᓕᓚᐅᕋᓂᓕ.

ᐲᑦᑐᕉᓯ ᓯᕗᓪᓖᑦ 3:18

᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;