ᐃᓐᖏᕈᑎᑦ 4:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓇᓪᓚᖓᓂᐊᕐᐳᖓ ᓯᓂᒡᓗᖓᓗ ᐃᓱᒪᔮᖏᑦᓯᐊᕐᓗᖓ; ᐃᕝᕕᑦ ᑭᓯᕕᑦ ᐊᑕᓃᖅ ᑲᑉᐱᐊᓇᖏᑦᑐᒥᒃ ᐃᓂᖃᕐᑎᒃᑲᕕᖓ.

ᐃᓐᖏᕈᑎᑦ 4:8 Iomraidhean Croise

ᐃᓐᖏᕈᑎᑦ 16:11

ᖃᐅᔨᑎᓐᓂᐊᕐᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓱᐊᕐᑐᒥᒃ ᐱᑕᖃᕐᒪᑦ, ᐊᒡᒐᖕᓂᓗ ᑕᓕᕐᐱᖕᓂ ᖁᕕᐊᓇᕐᑐᖃᕐᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 3:5

ᐃᓐᓇᖓᓪᓗᖓ ᓯᓂᒃᐸᒃᐳᖓ, ᑐᐸᒃᐸᒡᓗᖓᓗ, ᐊᑕᓂᐅᑉ ᑲᒪᒋᑦᓯᐊᕐᒪᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:24

ᐃᖏᒃᑯᕕᑦ ᑲᑉᐱᐊᓱᖕᓂᐊᓐᖏᓚᑎᑦ ᓇᓪᓚᕈᕕᓪᓗ, ᓯᓂᑦᓯᐊᕐᐸᒃᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 9:2

ᐃᓄᐃᑦ ᑖᕐᑐᒥ ᐃᓅᔪᑦ ᖃᐅᒪᔪᕐᔪᐊᒥᒃ ᑕᑯᓯᒪᕗᑦ. ᓄᓇᖃᕐᑐᓪᓗ ᑐᖂᑉ ᑕᕐᕋᓕᓂᖓᓂ, ᒫᓐᓇᓕ ᖃᐅᒪᔪᒧᑦ ᖃᐅᒻᒪᒃᑎᑕᐅᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 34:25

ᐊᖏᖃᑎᒌᒍᑎᓕᐅᕈᒫᕐᐳᖓ ᐸᒡᕕᓴᒃᑕᐅᓇᖏᑦᑐᒥᒃ ᐃᓅᓯᖃᕈᑎᒋᓛᕐᑕᖓᓐᓂᒃ, ᐆᒪᔪᓪᓗ ᐃᕐᓯᓇᕐᑐᑦ ᓄᓇᒥᑦ ᐲᔭᕈᒫᕐᐸᒃᑲ, ᓰᐱᖁᑎᒃᑲ ᐃᓱᒫᓗᒋᔭᖃᖏᓪᓗᑎᒃ ᐃᓄᖃᖏᑦᑐᒦᖃᑦᑕᓛᕐᒪᑕ ᓯᓂᖃᑦᑕᕐᓗᑎᒡᓗ ᓇᐹᕐᑐᓕᖕᓂ.

ᕼᐆᓯᐊᑉ ᐊᒡᓚᖏᑦ 2:18

“ᑕᕝᕙᓂᓗ ᐊᖏᖃᑎᒌᖕᓂᖃᕐᑎᑦᓯᔪᒫᕐᐳᖓ ᐃᓕᑦᓯᓐᓂᒃ ᐃᕐᓯᓇᕐᑐᑦ ᐆᒪᔪᓕᒫᑦ ᓇᑎᕐᓇᒦᑦᑐᑦ, ᑎᖕᒥᐊᓪᓗ ᖃᖓᑕᕙᒃᑐᑦ, ᓄᓇᒥᓗ ᐹᕐᖑᕐᐸᒃᑐᑦ ᐃᓚᒋᓗᒋᑦ; ᐅᓇᑕᐅᑏᓪᓗ ᐲᕐᑎᑦᓱᒫᕐᐸᒃᑲ ᓄᓇᒥᑦ, ᐱᑎᒃᓰᑦ, ᓴᕕᒡᔪᐊᓪᓗ, ᐃᓱᒫᓗᓇᖏᑦᑐᒥ ᑲᑉᐱᐊᓇᖏᑦᑐᒥᓗ ᐃᓂᖃᖁᓪᓗᒋᑦ.

ᒨᓯᓯ ᐱᖓᔪᖏᑦ 26:5

ᓂᕿᒃᓮᑦ ᐱᕈᕐᓯᐊᓯ ᐅᓄᕐᑐᒻᒪᕆᐅᓂᐊᕐᐳᑦ ᓂᐊᖂᔭᒃᓴᓂᒃ ᑲᑎᕐᓱᐃᑎᓪᓗᓯ ᓱᓕ ᕔᓂᒃᓴᓂᒃ ᐱᕈᕐᓰᓇᓱᒋᐊᖃᓕᖃᑦᑕᕐᓂᐊᕐᐳᓯ, ᓂᕿᒃᓴᖃᖃᑦᑕᕐᓂᐊᐳᓯ ᐊᒥᒐᕐᓯᖏᑦᓯᐊᕐᓗᓯ ᐃᕐᓯᓇᑐᖃᖏᑦᓯᐊᕐᑐᒥ ᓄᓇᖃᕐᓂᐊᕆᕗᓯ.

ᒨᓯᓯ ᑕᓪᓕᒪᖏᑦ 12:10

ᑰᖕᒥᒃ ᔪᐊᕐᑕᓂᐅᑉ ᑰᖓᓂᒃ ᐃᑳᕈᑦᓯ, ᐊᑕᓂᐅᑉ ᓄᓇᑖᕐᑎᑦᓱᒫᕐᐹᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ. ᐊᑕᓂᐅᑉ ᓴᐳᑎᓯᒪᔪᒫᕐᐹᓯ ᐊᑭᕋᕐᑐᕐᑎᑦᓯᓐᓂᑦ, ᐃᓱᒫᓗᖏᓪᓗᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:10

ᑖᓐᓇ ᑐᖁᓚᐅᕐᐳᖅ ᐱᑦᔪᑎᒋᓪᓗᑕ ᐃᓅᑎᓪᓗᑕ ᑐᖁᖓᓕᕐᑎᓪᓗᑕᓘᓐᓃᑦ ᐃᓅᖃᑎᖃᕈᓐᓇᕐᓯᔪᒫᖁᓪᓗᑕ ᑖᑦᓱᒥᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:13

ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑎᑎᕋᕆᑦ ᐅᑯᓂᖓ: ᓮᒪᓇᑐᒦᑉᐳᑦ ᐊᑕᓂᖅ ᐱᓪᓗᒍ ᐱᔨᑦᓯᕐᓗᑎᒃ ᑐᖁᔪᑦ.” ᐊᓂᕐᓂᖅ ᐅᖃᕐᐳᖅ, “ᐃᓛᒃ ᑐᓱᓐᓇᒻᒪᕆᒃᐳᑦ, ᑕᕾᕐᓯᕐᓂᐊᓕᕐᒪᑕ ᐱᓇᓱᐊᕐᓂᕆᓯᒪᔭᒥᖕᓂᑦ, ᐱᓂᐊᕐᓂᕆᓯᒪᔭᖏᑕ ᐃᓚᒋᓂᐊᕐᒪᒋᑦ!”