7 ᒫᓐᓇᓕ ᐊᑕᓃᖅ ᓱᓇᒥᒃ ᐅᑕᖅᑭᕗᖔ? ᐃᓕᖕᓂᓪᓕ ᓂᕆᐅᒃᐳᖓ.
ᐊᑕᓃᖅ, ᐱᐅᓕᒃᓯᓃᑦ ᐅᑕᖅᑭᕙᕋ.
ᑕᑯᒋᑦ, ᑖᑦᓱᒪ ᓱᒋᐊᕐᐸᖓ; ᓂᕆᐅᒋᔭᒃᓴᖃᓐᖏᓚᖓ; ᐃᓅᓯᕆᔭᓐᓂᒡᓕ ᓴᐳᓐᓂᐊᕐᓂᐊᕐᐳᖓ ᑖᑦᓱᒧᖓ.
ᐱᕈᕐᓯᐊᑎᑐᑦ ᐱᕈᕐᐳᖅ, ᑐᖁᓕᓗᓂᓗ; ᑕᕐᕋᑎᑐᑦ ᕿᒫᕗᖅ, ᐱᑕᖃᕈᓐᓁᕐᓗᓂᓗ.
ᐊᑕᓃᖅ, ᐱᐅᓕᒃᓯᓃᑦ ᓂᕆᐅᒋᕙᕋ, ᐱᖁᔭᑎᓪᓗ ᐊᑐᖃᑦᑕᕐᓗᒋᑦ.
ᓱᕖᕈᑎᓕᕐᐳᖓ ᐃᓕᖕᓄᑦ ᐱᐅᓕᔭᐅᔪᒪᓂᕐᒧᑦ; ᐅᖃᐅᓯᕐᑎᑦ ᓂᕆᐅᒡᕕᒋᕙᒃᑲ.
ᐊᑕᓃᖅ, ᐅᑕᖅᑭᕙᒋᑦ; ᑭᐅᓂᐊᕐᐳᑎᓪᓗ, ᐊᑕᓃᖅ ᒎᑎᒐ.
ᐃᓗᕕᕐᑎᒃ ᑍᒪᓐᖓᑦ ᐃᓂᒋᓂᐊᕐᐰᑦ ᐃᓱᖃᖏᑦᑐᒧᑦ, ᐃᓂᒋᓂᐊᕐᐰᓪᓗ ᑭᖑᕚᕇᑦ ᓈᓴᒐᒃᓴᐅᖏᑦᑐᑦ ᑎᑭᓪᓗᒋᑦ; ᓄᓇᑎᒡᓗ ᐊᑎᖃᕐᑎᑉᐰᑦ ᓇᖕᒥᓂᖅ ᐊᑎᕐᒥᖕᓂᒃ.
ᐊᖑᓪᓕ ᐱᓂᐊᒐᒃᓴᒥᓂᒃ ᐊᒃᓱᕈᕐᓗᓂ ᐱᓇᓱᐊᓚᐅᕐᑐᖅ ᓯᓚᑐᓂᓂ, ᖃᐅᔨᒪᓂᓂᓗ ᐊᑐᕐᓗᒍ, ᐊᔪᖏᓐᓂᓂᓗ ᐊᑐᕐᓗᒍ; ᑕᒪᕐᒥᒡᓕ ᑕᒪᒃᑯᐊ ᕿᒪᒋᐊᖃᓕᕈᒫᕆᕔᑦ ᐊᖑᒻᒧᑦ ᑖᒃᑯᓂᖓ ᐊᒃᓱᕉᑎᖃᓚᐅᖏᑦᑐᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᖏᔪᒥᒡᓗ ᐱᐅᖏᑦᑐᐊᓘᓪᓗᓂ.
ᐃᓄᑐᐊᕐᑕᖃᕐᐳᖅ ᐃᓅᖃᑎᖃᕋᓂᓗ: ᐃᕐᓂᖃᓐᖏᓚᖅ ᖃᑕᓐᖑᑎᖃᕋᓂᓗ. ᑭᓯᐊᓂ ᐊᒃᓱᕈᕐᓗᓂ ᓴᓇᓂᖓ ᐃᓱᓕᑦᓱᓐᓇᓐᖏᓚᖅ, ᐃᔨᖏᒡᓗ ᐱᖃᕈᒪᓂᕐᒥᒃ ᓈᒻᒪᒃᓯᔪᓐᓇᓐᖏᓛᒃ. ᐊᐱᕆᓚᐅᕐᓯᒪᓐᖏᓚᕐᓕ, “ᑭᓇᒥᒃ ᓴᓇᒍᑦᔨᕗᖓ? ᓇᖕᒥᓂᕐᓗ ᖁᕕᐊᓱᖕᓂᒃᓴᓐᓂᒃ ᐊᓯᐅᔨᑦᓗᖓ?” ᑕᒪᓐᓇ ᑐᑭᖃᓐᖏᓚᖅ ᐱᓂᐊᕐᓂᕐᓗ ᖁᕕᐊᓇᖏᑦᑑᓪᓗᓂ.
ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᔨᕉᓴᓕᒻᒥ, ᓯᒥᐅᓂᒥᒃ ᐊᑎᓕᖕᒥᒃ, ᐃᓅᓯᖃᕐᑐᒥᒃ ᒎᑎᒧᑦ ᓈᒻᒪᒋᔭᐅᔪᒥᒃ ᑐᓂᓯᒪᑦᓯᐊᕐᑑᓪᓗᓂ, ᑖᓐᓇ ᐅᑕᖅᑭᓚᐅᕐᐳᖅ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖓᓐᓂᒃ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᔪᕐᐹ.
ᒎᑎᐅᓪᓕ ᓂᕆᐅᖕᓂᕐᑖᕐᑎᑦᓯᔫᑉ ᐃᓗᒻᒥᕐᑎᓪᓕᓯ ᖁᕕᐊᓱᖕᓂᕐᒥᒃ ᐃᓱᒫᓘᑎᖃᖏᑦᓯᐊᕐᓂᕐᒥᒡᓗ ᑖᑦᓱᒧᖓ ᐅᒃᐱᕐᓂᑦᓯᓐᓄᑦ, ᓂᕆᐅᖕᓂᓯ ᐊᖏᒡᓕᕙᓪᓕᐊᖏᓐᓇᖁᓪᓗᒍ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ.
