ᐃᓐᖏᕈᑎᑦ 39:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓱᓕᔪᒥᒡᓕ ᐃᓄᓕᒫᑦ ᐱᓱᑲᑕᒃᐳᑦ ᑕᕐᕋᑐᐃᓐᓇᕐᑎᑐᑦ; ᐱᔭᒃᓴᖃᕐᓂᕐᒧᓪᓗ ᓄᖅᑲᔪᐃᑦᑑᕗᑦ ᓱᕙᓕᑭᐊᒧᑦ ᐊᒡᓗᐃᑦᔪᑎᓂᒡᓗ ᑲᑎᕐᓱᐃᕗᑦ, ᖃᐅᔨᒪᓇᑎᒃ ᑭᐊ ᐱᓛᕐᒪᖔᒋᑦ.

ᐃᓐᖏᕈᑎᑦ 39:6 Iomraidhean Croise

ᔫᐱᐅᑉ ᐊᒡᓚᖏᑦ 14:1

“ᐃᓄᒃ ᐊᕐᓇᒥᑦ ᐃᕐᓂᐊᖑᓯᒪᔪᖅ ᐅᓪᓗᖃᕐᐳᖅ ᓁᑦᑐᓂᒃ, ᐊᑲᐅᖏᑦᔪᑎᒃᓴᓂᒡᓗ ᑕᑕᓪᓗᓂ.

ᔫᐱᐅᑉ ᐊᒡᓚᖏᑦ 7:16

ᐃᓅᓯᓐᓂᒃ ᓴᐱᓕᕐᐳᖓ; ᐃᓅᖏᓐᓇᕐᓂᐊᖏᓐᓇᒪ. ᑲᒪᒋᔪᓐᓁᓐᖓ, ᐃᓅᓯᕋ ᐊᓂᕐᓂᑐᐃᓐᓇᐅᖕᒪᑦ.

ᔫᐱᐅᑉ ᐊᒡᓚᖏᑦ 7:7

ᐃᖅᑲᐅᒪᓚᐅᕆᑦ ᐃᓅᓯᕋ ᐊᓂᕐᓂᑐᐃᓐᓇᐅᖕᒪᑦ; ᐃᔩᒃᑲᒡᓗ ᐱᐅᔪᒥᒃ ᑕᑯᓚᐅᕐᓯᒪᓂᐊᕈᓐᓃᕐᓗᑎᒃ.

ᐃᓐᖏᕈᑎᑦ 127:2

ᐊᑑᑎᖃᓐᖏᓚᖅ ᐅᓪᓛᒻᒪᕆᒃᑯᑦ ᒪᑭᓪᓗᓯ, ᐅᓐᓄᐊᓘᓕᕐᑎᓪᓗᒍ ᓯᓂᒐᓱᐊᓕᕐᓗᓯ, ᓂᕆᓗᓯᓗ ᓂᕆᔭᒃᓴᑦᓯᓐᓂᒃ ᐃᓱᒪᔮᕐᓗᓯ; ᐊᑕᓂᐅᑉ ᓇᒡᓕᒋᔭᓂ ᑐᓂᓯᕙᖕᒪᒋᑦ ᓯᓂᒃᑎᓪᓗᒋᑦ ᓱᓕ.

ᐃᓐᖏᕈᑎᑦ 144:4

ᐃᓄᒃ ᐊᓂᕐᓂᓕᔮᕐᓇᕐᑐᒥ ᐊᓂᕐᓂᕐᑎᑐᑦ ᑍᒤᑉᐳᖅ, ᐅᓪᓗᖏᓪᓗ ᓄᓇᐅᑉ ᑕᕐᕋᓕᓂᖓᑕ ᐃᖏᕐᕋᓂᖓᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 89:48

ᐃᓄᒃ ᖃᓄᐃᒐᔭᕐᐸ ᑐᖁᓂᐊᖏᑦᑑᓗᓂ ᐃᓅᒐᔭᕐᐸᑦ? ᑭᓇ ᑕᕐᓂᕐᒥᓂᒃ ᐱᐅᓕᓯᔪᓐᓇᕐᐹ ᑐᖁᖓᔪᑦ ᐃᓂᖓᓂᑦ? ᓰᓚ

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:22

ᐃᓄᑦᓯᐊᕙᒃ ᑭᖑᕐᖑᑎᔭᒃᓴᖁᑎᖃᕐᐳᖅ ᕿᑐᕐᖓᒥ ᕿᑐᕐᖓᖏᓐᓄᑦ, ᐊᔪᕐᑐᓕᔫᓪᓕ ᐊᒃᓗᐃᓐᓂᖓ ᐊᑐᐃᓐᓇᕈᕐᑕᐅᕗᖅ ᓇᓛᒎᕐᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:5

ᐊᒃᓱᐃᓕᕐᓂᖅ ᐃᔨᖕᓄᑦ ᑕᑯᒐᕕᐅᒃ, ᑕᕝᕔᓐᓇᖅ ᐊᓯᐅᕗᖅ; ᐊᒃᓱᐃᓐᓂᖅ ᐃᓴᕈᖃᕐᑐᑎᑐᑦ ᑎᖏᔪᑐᑦ ᑍᒤᒻᒪᑦ; ᓇᒃᑐᕋᓕᒃᑐᑦ ᕿᓚᖕᒧᑦ ᑎᖏᔪᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:24

ᐊᒃᓱᐃᓐᓃᑦ ᐃᓱᖃᖏᑦᑑᓐᖏᓚᑦ; ᐊᖓᔪᖅᑳᕐᔪᐊᑉ ᓂᐊᖂᑎᖓ ᑭᖑᕚᕇᓄᑦ ᑲᔪᓯᓂᐊᓐᖏᓚᖅ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:14

ᖃᐅᔨᓯᒪᕙᒃᑲ ᑕᒪᕐᒥᒃ ᓯᕿᓂᐅᑉ ᐊᑖᓂ ᐱᓇᓱᐊᕐᑕᐅᔪᑦ; ᑐᑭᓯᕙᒃᑲ ᓱᕙᓕᑭᐊᖑᖕᒪᑕ, ᓲᕐᓗ ᐊᓄᕆᒥᒃ ᐊᓐᖑᑎᓇᓱᐊᕐᑐᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:10

ᑍᒤᒻᒪᑦ ᐃᓱᒪᔮᕈᑎᑎᑦ ᐲᔭᒃᑭᑦ ᐆᒻᒪᑎᖕᓂᑦ, ᑎᒥᖕᓂᓪᓗ ᐱᐅᖏᑦᑐᓕᓃᑦ ᐲᔭᕐᓗᒋᑦ, ᐃᓅᓱᒃᑑᓃᑦ ᓴᓐᖏᔫᓃᓪᓗ ᓱᕙᓕᑭᐊᖑᖕᒪᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13

ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:8

“ᑐᑭᖃᖏᑦᓚᖅ, ᐃᓛᒃ ᑐᑭᖃᖏᑦᓚᖅ,” ᐊᔪᕆᕐᑐᐃᔪᖅ ᐅᖃᕐᐳᖅ. “ᓱᓇᑐᐃᓐᓁᑦ ᑐᑭᖃᓐᖕᒋᓚᑦ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26

ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:8

ᑲᑎᕐᓱᐃᓚᐅᕐᐳᖓᓗ ᐅᓄᕐᑐᓂᒃ ᓯᐅᓪᕕᕆᓂᒃ ᒎᓗᓂᒡᓗ, ᐊᖓᔪᖅᑳᕐᔪᐊᑦ ᓄᓇᓕᒡᔪᐊᓪᓗ ᑮᓇᐅᔭᖁᑎᖏᓐᓂᒃ; ᐃᓐᖏᕐᑎᓂᒃ ᑲᑎᕐᓱᐃᓚᐅᕐᐳᖓ, ᑕᒤᓐᓂᒃ ᐊᖑᑎᓂᒃ ᐊᕐᓇᓂᒡᓗ, ᐊᕐᓇᖁᑎᖃᓚᐅᕐᐳᖓᓗ ᐅᓄᕐᑐᓂᒃ, ᐊᖑᑎᑦ ᖁᕕᐊᒋᔭᖏᓐᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:14

ᑖᒃᑯᐊ ᐊᒃᓱᐃᑦᔪᑎᑦ ᐊᓯᐅᕗᑦ ᐱᖃᕐᑑᑉ ᑕᒻᒪᕐᓂᖓᓄᑦ; ᐃᕐᓂᕐᑖᕈᓂᓗ ᕿᑐᕐᖓᖓ ᓱᓇᒥᒃ ᐱᒃᓴᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 55:2

ᓱᖕᒪᑦ ᑮᓇᐅᔭᕐᑑᑎᖃᕋᓱᐊᕐᐱᓰ ᓂᐊᖂᔭᐅᖏᑦᑐᓂᒃ? ᓱᖕᒪᓪᓗ ᐊᒃᓱᕈᕈᑎᖃᕐᐱᓰ ᓈᒻᒪᒃᓯᑦᔪᑎᒋᓂᐊᓐᖏᑕᑦᓯᓐᓂᒃ? ᓈᓚᑦᓯᐊᓚᐅᕐᓯᓐᖓ, ᓂᕆᓗᓯᓗ ᐱᐅᔪᒥᒃ, ᑕᕐᓂᓯ ᓈᒻᒪᒃᓯᑦᓯᐊᖁᓪᓗᒍ ᖁᐃᒃᓯᓐᓇᕐᑐᒥᒃ.

ᓘᑲᓯᐅᑉ ᐊᒡᓚᖏᑦ 12:26

ᑍᒫᒃ ᒥᑭᑎᒋᔪᒥᒃ ᐊᔪᕈᑦᓯ, ᓱᖕᒪᑦ ᐊᓯᖏᑦ ᐃᓱᒪᔮᕈᑎᒋᕕᓯᐅᒃ?

ᓘᑲᓯᐅᑉ ᐊᒡᓚᖏᑦ 12:29

“ᑍᒤᒻᒪᑦ ᐃᓱᒪᔮᕐᓂᐊᕋᓯ ᓱᓇᒥᒃ ᓂᕿᒃᓴᖃᕐᓂᐊᕐᒪᖔᑦᓯ ᐃᒥᒃᓴᖃᕐᓂᐊᕐᒪᖔᑦᓯᓘᓐᓃᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:31

ᓯᓚᕐᔪᐊᕐᒥᐅᓪᓗ ᐱᒋᔭᖏᓐᓂᒃ ᐱᓇᓱᐊᕈᑎᖃᕐᑐᑦ ᑕᒪᒃᑯᓄᖓ ᐱᓇᓱᐊᖏᑦᑐᑎᑐᑦ ᑍᒤᓕᕐᓕᑦ. ᓯᓚᕐᔪᐊᑉ ᒫᓐᓇ ᐱᐅᓯᖓ ᐊᓂᒍᕐᐸᓪᓕᐊᓕᕐᒪᑦ.

ᔧᒥᓯᐅᑉ ᐊᒡᓚᖏᑦ 4:14

ᖃᐅᔨᒪᓐᖏᓚᓯᓕ ᖃᐅᒃᐸᐅᓛᕐᑐᒥᒃ, ᐃᓅᓯᓯ ᖃᓄᐃᑦᑑᓛᕐᒪᖔᑦ? ᐳᔪᕐᑎᑐᑦ ᑍᒤᑉᐳᖅ ᓴᖅᑭᑬᓐᓇᕐᓗᓂ ᑕᕝᕔᓐᓇᕐᓗ ᐊᓯᐅᕗᖅ.

ᔧᒥᓯᐅᑉ ᐊᒡᓚᖏᑦ 5:3

ᒎᓗᓯ ᓯᐅᓪᕕᕆᓯᓗ ᒪᓐᖏᕐᑐᕆᕗᑦ, ᒪᓐᖏᕐᑐᕆᓂᖏᓪᓗ ᓇᓗᓁᒃᑯᑕᐅᓂᐊᕐᐳᑦ ᐱᒋᐊᕐᑕᐅᑦᔪᑎᒃᓴᑦᓯᓐᓄᑦ ᑎᒥᓯᓗ ᓂᕆᔭᐅᔪᒫᕐᐳᖅ ᐃᑯᒪᐅᑉ ᓄᖒᑦᓯᓂᖓᑐᑦ. ᑕᒪᑦᔭ ᑲᑎᕐᓱᕐᓯᒪᔭᓯ ᐊᔪᕐᓴᖏᑦᔪᑎᒋᓯᒋᒃ ᐅᓪᓗᐃᑦ ᑭᖑᓪᓕᖏᓐᓂ.

ᐲᑦᑐᕉᓯ ᓯᕗᓪᓖᑦ 1:24

ᐊᒡᓔᑦ ᐅᖃᕐᒪᑕ, “ᐃᓄᓕᒫᑦ ᐃᕕᒃᓱᒐᕐᑎᑐᑦ ᑍᒤᑉᐳᑦ, ᑕᑯᒥᓇᕐᓂᖏᓪᓗ ᓄᓇᕋᕐᑎᑐᑦ ᑍᒤᑦᑑᓪᓗᑎᒃ; ᐃᕕᒃᓱᒃᑲᑦ ᐸᓂᓕᕐᐳᑦ ᐱᕈᕐᑐᓪᓗ ᑐᖁᓕᓪᓗᑎᒃ.

ᐲᑦᑐᕉᓯ ᓯᕗᓪᓖᑦ 5:7

ᐃᓱᒫᓗᒍᑎᓕᒫᓯ ᑖᑦᓱᒧᖓ ᐱᑎᓯᒋᒃ, ᑖᑦᓱᒪ ᑲᒪᒋᑦᓯᐊᕈᒪᖕᒪᓯ.