2 ᓂᓪᓕᐊᓚᐅᖏᓐᓇᒪ ᓂᐱᖃᕐᓇᖓᓗ, ᓂᐱᖃᓚᐅᖏᓐᓇᒪ ᐱᐅᔪᓂᒡᓘᓐᓃᑦ ᐅᖃᓚᐅᕐᓇᖓ; ᕿᒃᓵᖕᓂᕋᓕ ᐊᖏᓂᕐᓴᐅᓕᓚᐅᕐᐳᖅ.
ᐊᑕᓃᖅ ᐊᔪᕆᕐᑐᓚᐅᓐᖓ, ᐊᑐᕐᑕᐅᖁᔭᕐᐱᑦ ᑐᑭᖏᓐᓂᒃ; ᑕᕝᕙ ᒪᓕᖕᓂᐊᕐᐸᒃᑲ ᐃᓅᓯᕐᒪ ᓈᓂᖓᓄᑦ.
ᑐᑭᓯᔪᓐᓇᕐᑎᓚᐅᓐᖓ, ᐱᖁᔭᕐᓂᒃ ᒪᓕᒍᓐᓇᕐᓯᖁᓪᓗᖓ; ᑕᕝᕙ ᐊᑐᓕᕐᓂᐊᕐᐸᒃᑲ ᐆᒻᒪᒻᒧᑦ ᐊᑕᖏᕐᑐᒧᑦ.
ᐊᑕᓃᖅ, ᖃᓂᕋ ᖃᐅᔨᓴᕐᑎᑖᕐᑎᓚᐅᕈᒃ, ᖃᓂᕐᒪ ᓯᓈᖓᑕ ᐅᒃᑯᐊᖓ ᖃᐅᔨᓴᕐᑕᐅᖏᓐᓇᖁᓪᓗᒍ.
ᐱᐅᖏᑦᑐᖅ ᕿᒪᒍᒃ, ᐱᐅᔪᒥᒃ ᐱᓇᓱᐊᓕᕆᑦ; ᓮᒪᑦᓯᐊᕐᓂᖅ ᐱᓇᓱᐊᕈᒃ, ᒪᓕᒡᓗᒍᓗ.
ᐅᖁᒤᒃᓴᕐᑎᑕᐅᓚᐅᕐᐳᖅ, ᐋᓐᓂᐊᑎᑕᐅᓪᓗᓂᓗ, ᖃᓂᓂᓕ ᐂᑦᑕᓚᐅᓐᖏᓛ; ᓰᐱᐅᑉ ᓄᕐᕋᖓᑐᑦ ᑐᖁᑕᐅᕝᕕᒃᓴᒥᓄᑦ ᐋᑕᐅᔪᑎᑐᑦ, ᓰᐱᑎᑐᓪᓗ ᕿᐅᕐᑍᔨᒥᓂᒃ ᒪᓂᒻᒥᑐᐃᓐᓇᕐᑐᑎᑐᑦ ᓂᓪᓕᓚᐅᕋᓂ, ᖃᓂᓂᓘᓐᓃᑦ ᐂᑦᑕᓚᐅᓐᖏᓛ.
“ᐃᑦᔪᕐᓁᑦᑐᒥᒃ ᑐᓂᓯᓂᐊᕋᓯ ᕿᒻᒥᓄᑦ; ᓴᐸᖓᖁᑎᓯᓗ ᐊᑭᑐᔪᑦ ᐃᒋᓐᓂᐊᕐᓇᒋᑦ ᑰᒃᑰᓰᑦ ᓯᕗᓂᖓᓐᓄᑦ, ᑖᒃᑯᓇᓐᖓᑦ ᑐᓪᓕᕋᕐᑕᐅᑐᐃᓐᓇᕋᔭᕐᒪᑕ ᐃᓕᖕᓄᓪᓗ ᓵᓪᓗᑎᒃ ᐹᔭᐅᑐᐃᓐᓇᕆᐊᖃᕋᕕᑦ.”
ᐅᕙᒍᒡᓕ ᓄᖅᑲᐅᑦᔨᔪᓐᓇᓐᖏᓚᒍᒃ ᓇᖕᒥᓂᖅ ᑕᑯᓚᐅᕐᑕᑦᑎᖕᓂᒃ ᑐᓴᓚᐅᕐᑕᑦᑎᖕᓂᒡᓗ ᐅᖃᐅᓯᖃᕐᓗᑕ.”