ᐃᓐᖏᕈᑎᑦ 39:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᑕᓃᖅ ᑐᒃᓯᐊᕐᓂᕋ ᑐᓴᓚᐅᕈᒃ, ᓂᓪᓕᐊᓂᕋᓗ ᓯᐅᑎᖕᓄᑦ ᐱᓕ; ᓂᐰᑦᑑᓂᐊᕐᓇᒃ ᖁᕝᕕᐅᕐᓂᒃᑲ ᐱᓪᓗᒋᑦ. ᐃᓕᖕᓂ ᐃᓂᖃᕋᒪ ᓄᓇᖃᕐᑐᑐᖃᐅᓇᖓ, ᑕᒫᓂᕐᒥᐅᑕᑐᖃᐅᖏᓐᓇᒪ, ᓯᕗᓕᕕᓂᑦᑐᑦ.

ᐃᓐᖏᕈᑎᑦ 39:12 Iomraidhean Croise

ᒨᓯᓯ ᓯᕗᓪᓖᑦ 21:34

ᐂᑉᕋᕼᐋᒻᓗ ᑕᕝᕙᓃᓚᐅᕐᐳᖅ ᐱᓕᔅᑍᓂᒥ ᐅᓪᓗᓂᒃ ᐅᓄᕐᑐᓂᒃ.

ᒨᓯᓯ ᓯᕗᓪᓖᑦ 47:9

ᔧᑯᓗ ᐅᖃᕐᐳᖅ ᐰᕉᒧᑦ, “130ᓂᒃ ᐊᕐᕌᒍᖃᓕᕐᐳᖓ; ᐃᓅᓯᓐᓂ ᐱᐅᖏᑦᑐᓂᒃ ᐊᑐᕐᓯᒪᕗᖓ, ᓯᕗᓕᕐᒪᓗ ᐃᓅᓯᕆᓚᐅᕐᑕᖏᑕ ᓴᓂᐊᓂ ᐊᕐᕌᒍᒃᑲ ᖃᑦᓰᓐᓇᐅᓂᕐᓴᒻᒪᕆᐅᕗᑦ.”

ᓴᒧᐃᓕ ᐂᑉᐸᖏᑦ 16:12

ᐊᑕᓂᐅᑉ ᖁᕕᐊᓱᖏᓐᓂᓐᓂᒃ ᖃᐅᔨᒍᓂᖓ, ᐊᑭᓕᕐᓂᐊᕐᐹᖓ ᐱᐅᔪᒥᒃ ᐅᓪᓗᒥ ᓇᕐᕈᓇᕐᑎᑕᐅᓂᕋ ᐲᖔᕐᓗᓂᐅᒃ.”

ᐊᑕᓃᑦ ᐂᑉᐸᖏᑦ 20:5

“ᐅᑎᕆᑦ ᕼᐃᓯᑬᐊ ᐅᖃᐅᑎᓗᒍ ᐊᐅᓚᑦᓯᔨᐅᔪᖅ ᐃᓄᖁᑎᓐᓂᒃ ᐅᖃᐅᑎᓗᒍ ᐊᑕᓂᖅ ᓯᕗᓕᕕᓂᕐᐱᑦ ᑍᕕᑎᐅᑉ ᒎᑎᖓ, ᐅᖃᕐᐳᖅ: ᑐᒃᓯᐊᕐᓃᑦ ᑐᓴᕐᐸᕋ, ᖁᕕᐅᕐᓂᑎᓪᓗ ᑕᑯᕙᒃᑲ; ᑕᑯᒋᑦ, ᐋᖅᑭᖕᓂᐊᕐᐸᒋᑦ; ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᐊᑕᓂᐅᑉ ᐃᒡᓗᖓᓄᐊᕐᓂᐊᕐᐳᑎᑦ.

ᑯᕉᓂᑲ ᓯᕗᓪᓖᑦ 29:15

ᑐᔪᕐᒥᐊᑎᑐᑦ ᑍᒤᑉᐳᒍ ᓵᖕᓂ, ᓂᐅᕐᕈᐊᑎᑑᕐᐳᒍᓪᓗ, ᓯᕗᓕᑦᑎᑐᑦ; ᐅᓪᓗᕗᑦ ᓄᓇᒥ ᑕᕐᕋᑎᑐᑦ ᑍᒤᑉᐳᑦ, ᓇᔪᐃᓐᓇᒐᒃᓴᕐᑕᖃᕋᓂᓗ.

ᔫᐱᐅᑉ ᐊᒡᓚᖏᑦ 13:28

ᓄᖑᑕᒃᓴᐅᓕᕐᐳᖓ ᕿᔪᒃᑎᑐᑦ ᐊᐅᓂᕐᑎᑐᑦ, ᐅᓕᒡᔪᐊᑎᑐᓪᓗ ᓂᐊᖁᕙᓗᖕᓄᑦ ᖃᓪᓗᓈᕐᑕᕐᑐᓲᓄᑦ ᓂᕆᔭᐅᓯᒪᔪᑎᑐᑦ.”

ᔫᐱᐅᑉ ᐊᒡᓚᖏᑦ 16:20

ᐱᖃᓐᓇᕆᔭᒪ ᓱᐊᒃᐹᖓ; ᐃᔩᒃᑲᒃ ᖁᕝᕕᐅᕐᐴᒃ ᒎᑎᒧᑦ.

ᐃᓐᖏᕈᑎᑦ 102:1

ᐊᑕᓃᖅ, ᑐᒃᓯᐊᕐᓂᕋ ᑐᓴᓚᐅᕈᒃ, ᓂᓪᓕᐊᓂᕋ ᐃᓕᖕᓄᑦ ᑎᑭᐅᑎᓚᐅᕐᓕ!

ᐃᓐᖏᕈᑎᑦ 116:3

ᑐᖂᑉ ᕿᓚᕈᑎᖏᑕ ᐊᕙᑎᓐᓂᑦ ᕿᓚᒃᓱᓚᐅᕐᐹᖓ, ᑲᑉᐱᐊᓇᕐᑐᕕᐅᑉ ᐋᓐᓂᐊᓇᕐᓂᖓᑕ ᑎᒍᒥᐊᓚᐅᕐᐹᖓ; ᐃᓱᒪᔮᕐᓇᕐᑐᒧᑦ ᕿᒃᓵᖕᓇᕐᑐᒧᓪᓗ ᑎᑭᐅᑎᓚᐅᕐᐳᖓ.

ᐃᓐᖏᕈᑎᑦ 119:19

ᓄᓇᒥ ᓂᐅᕐᕈᐊᖑᑐᐃᓐᓇᕋᒪ; ᐱᖁᔭᑎᑦ ᐃᔨᕐᓯᒪᓂᐊᕐᓇᒋᑦ ᐅᕙᓐᓄᑦ.

ᐃᓐᖏᕈᑎᑦ 119:54

ᐊᑐᕐᑕᐅᖁᔭᑎᑦ ᐃᓐᖏᕈᑎᒋᖃᑦᑕᓚᐅᕐᐸᒃᑲ ᑕᕝᕙᓂ ᐃᓅᓯᓐᓂ ᐃᖏᕐᕋᓂᕆᔭᓐᓂ.

ᐃᓐᖏᕈᑎᑦ 56:8

ᕿᒫᖃᑦᑕᕐᓂᕐᒪ ᖃᑦᓯᐅᓂᖏᓐᓂᒃ ᖃᐅᔨᒪᕗᑎᑦ; ᖁᕝᕕᒃᑲ ᐊᓕᒍᖁᑎᖕᓄᑦ ᐴᒃᑭᑦ; ᐊᒡᓚᖁᑎᖕᓂ ᑎᑎᕋᕐᓯᒪᓐᖏᓛᑦ?

ᐃᓐᖏᕈᑎᑦ 90:9

ᐅᓪᓗᕗᑦ ᑕᒪᕐᒥᒃ ᓄᖑᓕᕐᐳᑦ ᓂᓐᖓᐅᒪᓂᕐᓄᑦ, ᐊᕐᕌᒍᕗᑦ ᐃᓱᓕᓕᕐᐳᑦ ᐅᓂᒃᑳᕐᑐᐊᑎᑐᑦ.

ᒨᓯᓯ ᐱᖓᔪᖏᑦ 25:23

“ᓄᓇ ᐱᑖᕆᔭᐅᓪᓚᕆᒡᓗᓂ ᓂᐅᕐᕈᑎᒋᔭᐅᔭᕆᐊᖃᓐᖏᓚᖅ, ᓄᓇᒥᒃ ᓇᖕᒥᓂᖃᖏᓐᓇᑦᓯ, ᒎᑎᐅᑉ ᐱᒋᖕᒪᒍ, ᐃᓕᑦᓯᓗ ᑕᒫᓂ ᓂᐅᕐᕈᐊᑎᑐᑦ ᐃᓱᒪᓇᕋᑦᓯ ᒎᑎᐅᑉ ᐱᖓᓂᒃ ᐊᑐᕐᑐᐊᕐᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:6

ᑕᕝᕙ ᑍᒪᓐᖓᑦ ᓴᐱᓕᓐᖏᓚᒍᑦ; ᖃᐅᔨᒪᒐᑦᑕ ᑎᒥᑦᑎᓐᓃᑎᓪᓗᑕ ᐊᑕᓂᐅᑉ ᐊᖏᕐᕋᖓᓂᑦ ᐊᕝᕗᑎᓯᒪᒐᑦᑕ.

ᐄᑉᕈᐃᓄᑦ 11:13

ᑍᒃᑯᐊᓕᒫᑦ ᐅᒃᐱᕐᓂᒃᑰᕐᓗᑎᒃ ᑐᖁᓚᐅᕐᐳᑦ, ᐊᖏᕈᑕᐅᓯᒪᔪᒥᒃ ᐱᓚᐅᕋᑎᒃ, ᐅᖓᓯᒋᔮᓂᓪᓕ ᑭᓯᐊᓂ ᑕᑯᓐᓇᓚᐅᕐᐹᑦ ᖁᕕᐊᓲᑎᒋᓪᓗᒍᓗ, ᓇᓗᓁᕐᓯᓚᐅᕐᐳᓪᓗ ᑕᒫᓂᒥᐅᑕᐅᖏᓐᓂᕐᒥᖕᓂᒃ ᓄᓇᒋᓐᖏᑕᒥᓃᓐᓂᕐᒥᓂᒡᓗ ᑕᕝᕙᓂ ᓄᓇᕐᔪᐊᕐᒥ.

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᐲᑦᑐᕉᓯ ᓯᕗᓪᓖᑦ 1:17

ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᕐᑐᐃᓲᖅ ᐊᑐᓂᑦ ᐱᓂᐊᕐᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ.

ᐲᑦᑐᕉᓯ ᓯᕗᓪᓖᑦ 2:11

ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᕐᑍᓕᓯᐅᒃ ᑕᒪᒃᑯᐊ ᑕᕐᓂᑦᓯᓐᓂᒃ ᓵᓚᖃᕈᒪᖕᒪᑕ.