4 ᐸᓯᔭᒃᓴᐅᓂᕐᒪ ᓵᓚᒋᓯᒪᖕᒪᖓ ᐊᒡᔭᒐᒃᓴᑐᑦ ᐅᖁᒤᓗᐊᕐᑐᑎᑐᑦ.
ᐅᖃᕐᓗᖓᓗ: “ᒎᑏᒃ, ᑲᓐᖑᓱᓗᐊᕐᐳᖓ ᐃᓕᕋᓱᒃᓗᖓᓗ ᐃᓕᖕᓄᑦ ᐋᕐᓗᕆᐊᒃᓴᖅ ᒎᑎᒐ, ᓵᖕᓂ ᐊᔪᕐᓂᕗᑦ ᐳᕐᑐᓂᕐᓴᐅᓕᕐᒪᑕ ᓂᐊᖁᑦᑎᓐᓂᑦ; ᐸᓯᔭᒃᓴᐅᓂᕗᓪᓗ ᐊᓪᓛᑦ ᑎᑭᐅᑎᕗᑦ ᕿᓚᖕᒧᑦ.
ᒎᑎ ᐋᖅᑭᒋᐊᕐᓯᕙᒃᑭᕗᖅ ᐃᓄᒃ ᖃᓂᒪᓂᒃᑰᕐᑎᓪᓗᒍ, ᑎᒥᖓᓗ ᐋᓐᓂᐊᓂᕐᒧᑦ ᑎᑭᑕᐅᑎᓪᓗᒍ;
ᓯᓔᑦᑐᑦ ᐅᖁᒤᑦᑐᒦᑎᑉᐳᑦ ᐊᔪᕐᑐᓕᓂᕐᒥᖕᓄᑦ, ᐱᐅᖏᑦᑐᓕᓂᕐᒥᒡᓗ ᐃᓅᓂᕐᒥᖕᓄᑦ ᐋᓐᓂᐊᓇᕐᑐᒦᑎᑉᐳᑦ.
ᓈᓴᒐᒃᓴᐅᖏᑦᑐᑦ ᐱᐅᖏᑦᑐᑦ ᐊᕙᓗᓯᒪᕚᖓ; ᐱᐅᖏᑦᑐᓕᓂᕐᒪᓗ ᓵᓚᒋᓯᒪᖕᒪᖓ, ᖁᒻᒧᓪᓘᓐᓃᑦ ᑕᑯᓴᕈᓐᓁᓪᓕᓪᓗᖓ; ᐅᓄᕐᓂᕐᓴᐅᖕᒪᑕ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᑍᒤᒻᒪᑦ ᐆᒻᒪᑎᒐ ᐊᔪᓕᕐᐳᖅ.
ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.
ᐊᔪᕐᑐᓕᓂᒃᑲ ᑲᑎᑎᓪᓗᓂᒋᑦ ᓇᖕᒪᐅᑎᓐᖑᕐᑎᑉᐰᑦ, ᐊᒡᒐᖕᒥᓄᑦ ᓄᕕᕐᓴᕐᓗᓂᒋᑦ ᖁᖓᓯᓐᓄᑦ ᑲᐅᑎᑉᐰᑦ. ᐊᑕᓂᐅᑉ ᓄᑭᖏᕈᑎᑎᒻᒪᖓ ᐊᑭᕋᕐᑐᕐᑎᓐᓄᑦ ᐱᔭᐅᕗᖓ.
ᓂᕿ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑕᐅᓯᒪᔪᖅ ᐅᓪᓘᑉ ᐱᖓᔪᐊᓐᓂ ᓂᕆᔭᐅᒃᐸᑦ, ᑐᓂᕐᕈᑕᐅᓂᖓ ᐃᓚᓕᐅᕐᑕᐅᓂᐊᓐᖏᓚᖅ. ᑐᓂᕐᕈᓯᕐᑐᕕᓂᐅᓪᓗ ᑐᓂᕐᕈᓯᕐᓂᖓ ᐊᑐᕈᓐᓁᕐᓂᐊᕐᐳᖅ ᑍᒤᑦᑐᖅ ᐃᑦᔪᕐᓇᕐᓯᖕᒪᑦ, ᑍᒤᑦᑐᒥᒡᓗ ᓂᕆᔪᖅ ᐸᓯᔭᒃᓴᕈᕐᓂᐊᕐᐳᖅ ᑐᓂᕐᕈᓯᕐᑐᕕᓂᐅᑉ ᐸᓯᔭᒃᓴᐅᑦᔪᑎᖓᓂᒃ.
“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ.
ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.
