9 ᐅᖃᕐᒪᑦ, ᓱᓇᑐᐃᓐᓁᑦ ᐱᔭᕇᓚᐅᕐᐳᑦ; ᐱᖁᔨᖕᒪᓪᓗ, ᐱᑕᖃᓕᓚᐅᕐᐳᑦ.
ᐱᒋᐊᕐᓂᕐᒥ ᒎᑎ ᐱᓐᖑᕐᑎᑦᓯᓚᐅᕐᐳᖅ ᕿᓚᖕᓂᒃ ᓄᓇᕐᔪᐊᕐᒥᒡᓗ.
ᒎᑎᓗ ᐅᖃᕐᐳᖅ, “ᖃᐅᒪᔪᖃᕐᓕ” ᖃᐅᒪᔪᒥᒡᓗ ᓴᖅᑭᑦᑐᖃᕐᐳᖅ.
ᐊᑕᓂᐅᑉ ᐅᖃᐅᓯᖓᒍᑦ ᕿᓔᑦ ᓴᓇᔭᐅᓚᐅᕐᐳᑦ, ᑕᒪᕐᒥᒡᓗ ᕿᓚᖕᒥ ᑕᑯᒃᓴᐅᔪᑦ ᐅᓪᓗᕆᐊᑦ ᖃᓂᖓᑕ ᐊᓂᕐᓂᖓᓄᑦ ᓴᖅᑭᓚᐅᕐᐳᑦ.
ᓇᓗᓁᕐᓯᓂᑎᑦ ᑎᑎᕋᕐᓯᒪᔪᑦ ᓱᓕᑦᓯᐊᕐᐳᑦ; ᐃᑦᔪᕐᓁᓐᓂᕕᑦ ᐃᒡᓗᖁᑏᑦ ᐱᓐᓇᕐᓇᕈᑎᒋᕚ, ᐊᑕᓃᖅ, ᐃᓱᖃᖏᑦᑐᒧᑦ.
ᐅᖃᐅᓯᕆᔭᑦᑎᓐᓂᒃ ᐊᑑᑎᔪᓐᓇᕋᔭᓐᖏᓚᒍᑦ ᐊᑕᓂᐅᑉ ᑍᒤᑎᖏᑉᐸᒍ.
ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.
ᐅᒃᐱᕐᓂᑯᑦ ᑐᑭᓯᕗᒍᑦ ᓯᓚᕐᔪᐊᖅ ᐱᓐᖑᕐᑎᑕᐅᓯᒪᖕᒪᑦ ᒎᑎᐅᑉ ᐅᖃᐅᓯᖓᓄᑦ, ᑕᑯᒃᓴᐅᔪᑦ ᐱᓐᖑᕐᑎᑕᐅᓯᒪᖕᒪᑕ ᑕᑯᒃᓴᐅᖏᑦᑐᒥᑦ.
“ᓂᕐᑐᒐᒃᓴᑑᕗᑎᑦ, ᐊᑕᓂᕗᑦ ᒎᑎᕗᓪᓗ, ᐅᐱᒋᔭᒃᓴᑑᕗᑎᑦ, ᐱᔪᓐᓇᕐᓂᖃᕐᑐᑑᓪᓗᑎᓪᓗ. ᐱᓐᖑᕐᑎᑦᑎᓯᒪᒐᕕᑦ ᓱᓇᓕᒫᓂᒃ, ᐱᖁᔨᓂᒃᑯᓪᓗ ᓴᖅᑭᓯᒪᕗᑦ ᐱᓐᖑᕐᑎᑕᐅᓪᓗᑎᒡᓗ.”
