ᐃᓐᖏᕈᑎᑦ 33:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓐᖏᐅᑎᒥᒃ ᐊᑕᓂᖅ ᓄᑖᒥᒃ ᐃᓐᖏᕐᕕᒋᓯᐅᒃ; ᐊᔪᖏᑦᓯᐊᕐᓗᓯ ᓂᑦᔭᐅᓯᔭᕆᑦᓯ ᕾᒐᓛᕐᓗᓯ ᖁᕕᐊᓱᖕᓂᕐᒧᑦ.

ᐃᓐᖏᕈᑎᑦ 33:3 Iomraidhean Croise

ᑯᕉᓂᑲ ᓯᕗᓪᓖᑦ 13:8

ᑍᕕᑎᒃᑯᑦ ᐃᓴᕆᐊᓕᒥᐅᓕᒫᓪᓗ ᖁᕕᐊᓱᒃᑐᐊᓘᓪᓗᑎᒃ ᑖᓂᓯᓚᐅᕐᐳᑦ ᒎᑎᐅᑉ ᓵᖓᓂ ᐱᔪᓐᓇᕐᓂᓕᒫᑎᒃ ᐊᑐᕐᓗᒋᑦ, ᐃᓐᖏᕐᓗᑎᒃ ᕼᐊᕐᐱᓄᑦ ᑯᑭᑦᑕᐸᐅᑎᓄᓪᓗ ᕿᓚᐅᑎᓄᑦ ᓯᕙᓂᐅᑎᓄᓪᓗ ᑎᑦᑐᓚᐅᑎᓄᓪᓗ.

ᑯᕉᓂᑲ ᓯᕗᓪᓖᑦ 15:22

ᓯᓇᓁᐊ, ᓯᕗᓕᕐᑎᐅᔪᖅ ᓕᕔᑎᓄᑦ ᓂᑦᔭᐅᓯᔭᕐᓂᕐᒧᑦ, ᑖᓐᓇ ᐊᐅᓚᑦᓯᔪᒃᓴᐅᕗᖅ ᓯᕗᓕᕐᓗᓂ ᓂᓪᓕᐊᔪᓂᒃ, ᑕᒪᑐᒥᖓ ᖃᐅᔨᒪᖕᒪᑦ;

ᑯᕉᓂᑲ ᓯᕗᓪᓖᑦ 25:7

ᑖᒃᑯᐊ ᐅᓄᕐᓂᖏᑦ ᐃᓚᒋᔭᑎᒃ ᐃᓚᒋᓪᓗᒋᑦ, ᐊᔪᕆᕐᑐᕐᑕᐅᓯᒪᔪᑦ ᐊᑕᓂᕐᒧᑦ ᐃᓐᖏᕐᑎᐅᖁᓪᓗᒋᑦ, ᐱᔪᓐᓇᑦᓯᐊᕐᑐᐃᓐᓁᑦ, 288ᖑᕗᑦ.

ᑯᕉᓂᑲ ᐂᑉᐸᖏᑦ 34:12

ᐊᖑᑏᓪᓗ ᓴᓇᓚᐅᕐᐳᑦ ᑲᔪᓯᑦᓯᐊᕐᓗᑎᒃ. ᐊᖓᔪᖅᑳᖃᕐᐳᑦ ᐅᑯᓂᖓ ᔭᕼᐊᑕᒥᒃ ᐅᐸᑍᐊᒥᒡᓗ ᓕᕔᑎᐅᔫᖕᓂᒃ, ᒥᕋᕆᐅᑉ ᐃᕐᓂᖏᖕᓂᒃ, ᓴᑲᕅᐊᓗ ᒥᓱᓚᒻᓗ ᑯᕼᐋᑍᑎᐅᑉ ᑭᖑᕚᖏᓐᓂᑦ ᐱᔫᒃ ᑲᒪᔨᐅᓚᐅᕐᐳᑦ. ᓕᕔᑏᓪᓗ ᐊᓯᖏᑦ, ᐱᔪᓐᓇᑦᓯᐊᕐᑐᑦ ᓂᑦᔭᐅᓯᔭᐅᑎᓂᒃ,

ᐃᓐᖏᕈᑎᑦ 144:9

ᐃᓕᖕᓄᑦ ᒎᑏ, ᐃᓐᖏᕈᓯᕐᒥᒃ ᓄᑖᒥᒃ ᐃᓐᖏᕐᓂᐊᕐᐳᖓ; ᑯᑭᑦᑕᐸᐅᑎᐅᔭᓂᒃ ᖁᓕᓂᒃ ᓄᖃᕐᑎᓕᖕᓂᒃ ᐊᑐᕐᓗᖓ ᐃᓐᖏᕐᕕᒋᓂᐊᕐᐸᒋᑦ ᓂᕐᑐᕐᓗᑎᑦ.

ᐃᓐᖏᕈᑎᑦ 149:1

ᐊᑕᓂᖅ ᓂᕐᑐᕐᑕᐅᓕ! ᐊᑕᓂᖅ ᐃᓐᖏᕐᕕᒋᓯᐅᒃ ᐃᓐᖏᕈᓯᕐᒧᑦ ᓄᑖᒧᑦ, ᓂᕐᑐᕐᑕᐅᑎᓪᓗᒍ ᐃᑦᔪᕐᓁᑦᑐᖁᑎᖏᑕ ᑲᑎᒪᕕᖏᓐᓂ!

ᐃᓐᖏᕈᑎᑦ 40:3

ᐃᓐᖏᐅᑎᒥᒡᓗ ᓄᑖᒥᒃ ᖃᓂᓐᓄᑦ ᐃᓕᓯᕗᖅ, ᒎᑎᕗᑦ ᓂᕐᑐᕐᓗᒍ. ᐅᓄᕐᑐᑦ ᖃᐅᔨᓂᐊᕐᐹᑦ ᓯᕘᕋᓗᑎᒡᓗ, ᐊᑕᓂᕐᒥᒡᓗ ᑕᑎᖃᓕᕐᓗᑎᒃ.

ᐃᓐᖏᕈᑎᑦ 40:4

ᖁᕕᐊᓱᑦᓯᐊᕐᐳᖅ ᐃᓄᒃ ᐊᑕᓂᕐᒥᒃ ᑕᑎᖃᓕᕐᑐᖅ, ᐱᐅᔪᕆᔪᓂᒡᓗ ᐅᐱᒋᔭᖃᖏᑦᑐᖅ, ᓴᖑᕙᒃᑐᓂᒡᓗ ᒎᑎᐅᖏᑦᑐᓄᑦ ᐅᐱᒍᓱᖏᑦᑐᖅ.

ᐃᓐᖏᕈᑎᑦ 96:1

ᐃᓐᖏᕈᓯᕐᒥᒃ ᓄᑖᒥᒃ ᐊᑕᓂᖅ ᐃᓐᖏᕐᕕᒋᓯᐅᒃ; ᓄᓇᕐᔪᐊᕐᒥᐅᓕᒫᑦ ᐊᑕᓂᖅ ᐃᓐᖏᕐᕕᒋᓯᐅᒃ!

ᐃᓐᖏᕈᑎᑦ 98:1

ᐃᓐᖏᕈᓯᕐᒥᒃ ᓄᑖᒥᒃ ᐊᑕᓂᖅ ᐃᓐᖏᕐᕕᒋᓯᐅᒃ; ᑖᓐᓇ ᐊᖏᔪᒥᒃ ᑲᒪᓇᕐᑐᓕᓯᒪᖕᒪᑦ! ᑕᓕᕐᒥᓄᑦ ᑕᓕᕐᐱᖕᒥᓄᓪᓗ ᐃᑦᔪᕐᓁᑦᑐᒧᑦ ᓵᓚᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 42:10

“ᐊᑕᓂᕐᒧᑦ ᐃᓐᖏᕆᑦᓯ ᐃᓐᖏᕈᒻᒥᒃ ᓄᑖᒥᒃ, ᓂᕐᑐᕐᓯᐅᒃ ᓄᓇᕐᔪᐊᑉ ᑭᒡᓕᖏᓐᓂᑦ! ᐃᒪᕕᒃ ᐃᒃᑑᓕᔮᕐᓕ ᑕᕝᕙᓂᒥᐅᑕᓕᒫᓪᓗ, ᐃᒪᐅᑉ ᑭᒡᓕᖓᓂᒥᐅᑦ ᑕᒫᓂᓗ ᓄᓇᖃᕐᑐᓯ ᓂᕐᑐᐃᖃᑕᐅᒋᑦᓯ.

ᐃᐱᓯᒥᐅᓄᑦ 5:19

ᑍᕕᑎᐅᑉ ᐃᓐᖏᕈᑎᖏᓐᓂᒃ ᐱᓯᕐᓂᒡᓗ ᐊᓂᕐᓂᒃᑯᓪᓗ ᐃᓐᖏᕐᓂᕐᓂᒃ ᐅᖃᖃᑎᒌᖃᑦᑕᕆᑦᓯ, ᐃᓐᖏᕐᓗᓯ ᓂᑦᔭᐅᓯᔭᕆᑦᓯ ᐊᑕᓂᕐᒧᑦ ᐆᒻᒪᑎᑦᓯᒍᑦ ᓂᕐᑐᐃᓗᓯ.

ᑯᓘᓯᐊᒥᐅᓄᑦ 3:16

᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:3

ᐃᓐᖏᕐᐳᓪᓗ ᐃᓐᖏᕈᒻᒥᒃ ᓄᑖᒥᒃ ᐃᒃᓯᕙᐅᑕᕐᔪᐊᑉ ᓵᖓᓂ ᐆᒪᔪᓪᓗ ᓯᑕᒪᑦ ᐊᖓᔪᖅᑳᖑᔪᓪᓗ ᓵᖏᓐᓂ. 144,000 ᐊᓯᖏᓐᓄᑦ ᐃᓕᑕᐅᔪᓐᓇᖏᑦᑐᒥᒃ ᐃᓐᖏᕐᐳᑦ ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᔪᑦ ᓄᓇᕐᔪᐊᕐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.