ᐃᓐᖏᕈᑎᑦ 33:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᖅ ᓂᕐᑐᕐᓯᐅᒃ ᓂᓪᓕᐊᑦᔪᑎᓄᑦ ᕼᐊᕐᐱᓄᑦ; ᑐᓴᕐᓂᕋᕕᒋᓯᐅᒃ ᓂᓪᓕᐊᑎᑦᓯᑦᔪᑎᓄᑦ ᖁᓕᓂᒃ ᓄᖃᕐᑎᓕᖕᓄᑦ.

ᐃᓐᖏᕈᑎᑦ 33:2 Iomraidhean Croise

ᓴᒧᐃᓕ ᐂᑉᐸᖏᑦ 6:5

ᑍᕕᑎᒃᑯᑦ ᐃᓴᕆᐊᓕᒥᐅᓕᒫᓪᓗ ᑖᓂᓯᓚᐅᕐᐳᑦ ᐃᓐᖏᕐᓗᑎᒡᓗ ᐱᔪᓐᓇᕐᓂᓕᒫᑎᒃ ᐊᑐᕐᓗᒍ, ᐊᑕᓂᕐᒥᒃ ᐅᐱᒍᓱᖕᓂᕐᒧᑦ ᓂᓪᓕᐊᑎᑦᓯᓚᐅᕐᐳᑦ ᕼᐊᕐᐱᓂᒃ, ᓄᖃᕐᑎᓕᖕᓂᒡᓗ, ᐊᓇᐅᓪᓚᒐᕐᓂᒃ, ᐊᕕᓗᕋᐅᑎᓂᒃ, ᓯᕙᓂᕈᑎᓂᒡᓗ.

ᑯᕉᓂᑲ ᓯᕗᓪᓖᑦ 15:16

ᑍᕕᑎᐅᑉ ᓕᕔᑏᑦ ᓯᕗᓕᕐᑎᖏᑦ ᐅᖃᐅᑎᒋᕔᑦ ᐃᓚᒋᔭᒥᖕᓂᑦ ᑎᓕᓯᖁᓪᓗᒋᑦ ᐃᓐᖏᕐᑎᒃᓴᓂᒃ ᑖᒃᑯᐊ ᓂᑦᔭᐅᓯᔭᖁᓪᓗᒋᑦ ᓄᖃᕐᑎᓕᖕᓄᑦ, ᕼᐅᕐᐱᓄᑦ, ᑯᑭᑦᑕᐸᐅᑎᓄᓪᓗ ᓯᕙᓂᕋᐅᑎᓄᓪᓗ, ᓂᐱᖅᑯᕐᑐᓗᑎᒃ ᖁᕕᐊᓱᒡᓗᑎᒃ ᓂᓪᓕᐊᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 15:28

ᑕᕝᕙ ᐃᓴᕆᐊᓕᒥᐅᓕᒫᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᔨᕉᓴᓕᒧᐊᕈᑎᓕᓚᐅᕐᐹᑦ ᖁᕕᐊᓱᖕᓂᕐᒧ ᕾᒐᓛᕐᓗᑎᒃ, ᑎᑦᑐᓛᕐᓗᑎᒃ, ᓱᐴᒐᕐᓗᑎᒃ, ᓯᕙᓂᕋᐅᑎᓂᒡᓗ ᓂᓪᓕᐊᑎᑦᓯᓪᓗᑎᒃ, ᓄᖃᕐᑎᓕᖕᓄᑦ ᕼᐊᕐᐱᓄᓪᓗ ᓂᑦᔭᐅᓯᔭᕐᓗᑎᒃ ᓂᐱᖅᑯᕐᑐᓪᓗᑎᒃ.

ᑯᕉᓂᑲ ᓯᕗᓪᓖᑦ 25:3

ᔨᑐᑕᓐᒥᑦ ᐱᔪᑦ, ᔨᑐᑕᐅᑉ ᐃᕐᓂᖏᑦ: ᒋᑕᓔᐊ, ᔨᕆ, ᔨᓮᐊ, ᓯᒥ-ᐂ, ᕼᐊᓴᐰᐊ, ᒪᑎᑍᐊᓗ, ᐱᖓᓲᔪᕐᑐᑦ, ᐊᑖᑕᒥᓂᒃ ᔨᑐᑕᓐᒥᒃ ᐊᐅᓚᑦᓯᔨᖃᕐᐳᑦ, ᒎᑎᐅᑉ ᐅᖃᕐᑕᐅᖁᔭᖏᓐᓂᒃ ᐅᖃᓪᓚᓚᐅᕐᐳᑦ ᓄᖃᕐᑎᓕᖕᓄᑦ ᖁᔭᓕᓂᒃᑯᑦ ᓂᕐᑐᐃᓂᒃᑯᓪᓗ ᐊᑕᓂᕐᒥᒃ.

ᑯᕉᓂᑲ ᓯᕗᓪᓖᑦ 25:6

ᑖᒃᑯᐊᓕᒫᑦ ᐊᑖᑕᒥᖕᓂᒃ ᐊᐅᓚᑦᓯᔨᖃᕐᐳᑦ ᓂᑦᔭᐅᓯᔭᕐᓂᕐᒥᒃ ᐊᑕᓂᐅᑉ ᐃᒡᓗᖓᓂ, ᓯᕙᓂᕋᐅᑎᓄᑦ, ᕼᐊᕐᐱᓄᑦ, ᓄᖃᕐᑎᓕᖕᓄᓪᓗ ᐱᔨᑦᓯᕐᓗᑎᒃ ᒎᑎᐅᑉ ᐃᒡᓗᖓᓂ. ᐊᓴᐸ, ᔨᑐᑕᓐ, ᕼᐃᒪᓐᓗ ᐊᖓᔪᖅᑳᕐᔪᐊᑉ ᑕᒪᑐᒥᖓ ᐱᖁᓚᐅᕐᒪᒋᑦ.

ᐃᓐᖏᕈᑎᑦ 144:9

ᐃᓕᖕᓄᑦ ᒎᑏ, ᐃᓐᖏᕈᓯᕐᒥᒃ ᓄᑖᒥᒃ ᐃᓐᖏᕐᓂᐊᕐᐳᖓ; ᑯᑭᑦᑕᐸᐅᑎᐅᔭᓂᒃ ᖁᓕᓂᒃ ᓄᖃᕐᑎᓕᖕᓂᒃ ᐊᑐᕐᓗᖓ ᐃᓐᖏᕐᕕᒋᓂᐊᕐᐸᒋᑦ ᓂᕐᑐᕐᓗᑎᑦ.

ᐃᓐᖏᕈᑎᑦ 149:3

ᐊᑎᖓ ᓂᕐᑐᕋᒃᓴᕆᕚᑦ ᑖᓂᓯᕐᓗᑎᒃ, ᓂᓪᓕᐊᔫᕐᕕᒋᓗᒍ ᕿᓚᐅᑎᐅᔭᓄᑦ ᑯᑭᑦᑕᐸᐅᑎᐅᔭᓄᓪᓗ.

ᐃᓐᖏᕈᑎᑦ 71:22

ᓱᓕ ᕼᐊᕐᐱᒧᑦ ᓂᕐᑐᕈᒪᕙᒋᑦ ᓱᖁᓯᔪᐃᑦᑑᓃᑦ ᐱᓪᓗᒍ, ᒎᑎᒋᒐᒃᑭᑦ; ᐃᓐᖏᕈᒪᕗᖓ ᐃᓕᖕᓄᑦ ᓂᕐᑐᕐᓗᑎᑦ ᑯᑭᑦᑕᐸᐅᑎᐅᔭᒥᒃ ᐊᑐᕐᓗᖓ, ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᒋᖕᒪᑎᑦ.

ᐃᓐᖏᕈᑎᑦ 92:3

ᓂᓪᓕᐊᔪᓐᓇᕐᑐᓂᒃ ᐊᑐᕐᓗᓂ ᑯᑭᑦᑕᐸᐅᑎᓂᒃ ᓄᖃᕐᑎᓕᖕᓂᒃ, ᑯᑭᑦᑕᐸᐅᑎᐅᔭᓂᒡᓗ ᕼᐋᕐᐱᓂᒃ, ᓂᐱᑦᓯᐊᕆᒃᑐᓂᒡᓗ ᑯᑭᑦᑕᐹᓂᒃ ᓔᕆᓂᒃ.

ᐃᓐᖏᕈᑎᑦ 92:4

ᐊᑕᓃᖅ ᐱᓇᓱᐊᕐᓂᕐᓄᑦ ᖁᕕᐊᓱᒃᑎᓐᓇᕕᖓ, ᐱᓇᓱᐊᕐᓯᒪᓃᑦ ᐱᑦᔪᑎᒋᓗᒍ ᐃᓐᖏᕐᓂᐊᕐᐳᖓ ᖁᕕᐊᓱᒡᓗᖓ.

ᒨᓯᓯ ᐂᑉᐸᖏᑦ 15:20

ᑕᕝᕙ ᒥᕆᐊᒻ, ᐊᕐᓇᖅ ᒎᑎᒧᑦ ᐅᖃᕐᑎᐅᔪᖅ, ᐂᕉᓂᐅᑉ ᓇᔭᖓ, ᐊᕕᓗᕋᐅᑎᒥᒃ ᑎᒍᓯᓪᓗᓂ; ᐊᕐᓇᓕᒫᓄᑦ ᒪᓕᒃᑕᐅᓪᓗᓂ ᐊᕕᓗᕋᐅᑎᖃᕐᓗᑎᒃ ᑖᓂᓯᓕᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:2

ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐃᒪᕐᔪᐃᑦ ᐃᒃᑑᓕᔮᕐᓂᖏᑎᑐᑦ ᑍᒤᑦᑐᒥᒃ ᑲᓪᓕᕐᑐᑎᑐᓪᓗ ᓂᐱᕐᔪᐊᖃᕐᐳᖅ; ᓂᐱᓗ ᑐᓴᕐᑕᕋ ᕼᐊᕐᐱᑦ ᑯᑭᑦᑕᐸᐅᑎᐅᔧᑦ ᓂᓪᓕᐊᑎᑕᐅᓂᖏᑎᑐᑦ ᑐᓴᕐᓴᐅᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8

ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;