ᐃᓐᖏᕈᑎᑦ 32:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᓕᐊᓁᒍᓱᒋᑦᓯ ᐊᑕᓂᕐᒥ ᖁᕕᐊᓱᒡᓗᓯᓗ, ᐃᓕᑦᓯ ᐃᓱᐊᕐᑑᔪᓯ; ᕾᒐᓛᕐᓗᓯᓗ ᖁᕕᐊᓱᖕᓂᕐᒧᑦ, ᐃᓕᑦᓯ ᐆᒻᒪᑎᑦᓯᓐᓂ ᓱᓕᑦᓯᐊᕐᑐᓯ!

ᐃᓐᖏᕈᑎᑦ 32:11 Iomraidhean Croise

ᐃᓐᖏᕈᑎᑦ 125:4

ᐊᑕᓃᖅ, ᐱᐅᔪᑦ ᐱᓇᓱᐊᕐᕕᒋᓚᐅᒃᑭᑦ ᐱᐅᔪᒥᒃ, ᐆᒻᒪᑎᒥᒍᓪᓗ ᓈᒻᒪᓈᕐᓯᒪᔪᓂᒃ ᒪᓕᒃᑐᑦ.

ᐃᓐᖏᕈᑎᑦ 32:2

ᓮᒻᒪᕐᑎᑕᐅᕗᖅ ᐃᓄᒃ, ᐊᑕᓂᐅᑉ ᑍᓯᕕᒋᔪᓐᓃᕐᑕᖓ ᐊᔪᕐᓂᖏᓐᓂᒃ, ᐊᓂᕐᓂᖓᓂᓗ ᐅᐃᕕᕐᕆᒃᓯᓂᕐᒥᒃ ᐱᑕᖃᕈᓐᓃᕐᑐᖅ.

ᐃᓐᖏᕈᑎᑦ 33:1

ᐊᑕᓂᕐᒥᒃ ᖁᕕᐊᓲᑎᖃᕆᑦᓯ, ᐃᓕᑦᓯ ᐃᓱᐊᕐᑐᓕᔪᓯ! ᓂᕐᑐᐃᓂᖅ ᓱᓕᑦᓯᐊᕐᑐᓂᑦ ᐱᔪᖅ ᐱᐅᔪᐊᓘᖕᒪᑦ.

ᐃᓐᖏᕈᑎᑦ 5:11

ᐃᓕᖕᓂᒡᓕ ᑕᑎᖃᕐᑐᓕᒫᑦ ᖁᕕᐊᓱᒡᓕᑦ; ᓂᐱᖃᓕᕐᓕᑦ ᖁᕕᐊᓱᖕᓂᕐᒥᒃ, ᐃᕝᕕᑦ ᓴᐳᑎᒐᕕᒋᑦ; ᐊᑎᕐᓂᒃ ᓇᒡᓕᒍᓱᒃᑐᑦ ᐃᓕᖕᓂᒃ ᖁᕕᐊᓲᑎᖃᓕᕐᓕᑦ.

ᐃᓐᖏᕈᑎᑦ 64:10

ᐃᓱᐊᕐᑐᓪᓕ ᖁᕕᐊᓲᑎᖃᕐᓕᑦ ᐊᑕᓂᕐᒥᒃ, ᕿᒫᕝᕕᒋᓗᒍᓗ! ᐃᓅᑦᓯᐊᕋᓱᒃᑐᓕᒫᑦ ᐆᒻᒪᑎᒥᒍᑦ ᓂᕐᑐᐃᓕᕐᓕᑦ.

ᐃᓐᖏᕈᑎᑦ 68:3

ᐃᓱᐊᕐᑐᓪᓕ ᖁᕕᐊᓱᒡᓕᑦ; ᐊᓕᐊᓁᒍᓱᒡᓕᑦ ᒎᑎᐅᑉ ᓵᖓᓂ; ᐃᓛᒃ, ᐊᒃᓱᐊᓗᒃ ᐊᓕᐊᓁᒍᓱᒻᒪᕆᒡᓕᑦ.

ᐃᓐᖏᕈᑎᑦ 7:10

ᓴᐳᑦᔭᐅᓂᕋ ᒎᑎᒥᑦ ᐱᕗᖅ; ᑖᑦᓱᒪ ᐆᒻᒪᑏᑦ ᓱᓕᔪᑦ ᓴᐳᑎᖕᒪᒋᑦ.

ᐃᓐᖏᕈᑎᑦ 97:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ; ᓄᓇᕐᔪᐊᖅ ᖁᕕᐊᓲᑎᖃᓕᕐᓕ; ᕿᑭᕐᑍᓪᓗ ᐅᓄᕐᑐᑦ ᖁᕕᐊᓱᓕᕐᓕᑦ!

ᐃᓐᖏᕈᑎᑦ 97:12

ᐊᑕᓂᕐᒥ ᖁᕕᐊᓱᒋᑦᓯ ᐃᓕᑦᓯ ᐃᓱᐊᕐᑐᓕᔪᓯ, ᐊᑎᖓᓗ ᐃᑦᔪᕐᓁᑦᑐᖅ ᖁᔭᒋᓯᐅᒃ!

ᐃᓐᖏᕈᑎᑦ 98:4

ᓄᓇᕐᔪᐊᕐᒥᐅᓕᒫᖑᔪᓯ ᐊᑕᓂᖅ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ; ᐃᓐᖏᕆᑦᓯ ᖁᕕᐊᓱᖕᓂᕐᒧᑦ ᓂᐱᖅᑯᕐᑐᓗᓯ ᓂᕐᑐᐃᓗᓯᓗ!

ᓴᑲᕅᐊᐅᑉ ᐊᒡᓚᖏᑦ 4:7

ᐊᒡᕕᐊᕐᑐᑦ ᖃᖅᑳᓗᒃᑎᑐᑦ ᐊᖏᑎᒋᔪᑦ ᔨᕈᐸᐱᐅᓕᐅᑉ ᓵᖓᓂ ᐊᓯᐅᓂᐊᕐᐳᑦ. ᑐᒃᓯᐊᕐᕕᒡᔪᐊᖅ ᓴᓇᒃᑲᓐᓂᕐᓂᐊᕐᐸᑦ, ᐅᔭᕋᒃ ᑭᖑᓪᓕᕐᐹᖅ ᐃᓕᒍᕕᐅᒃ, ᐃᓄᐃᑦ ᓂᐱᖅᑯᕐᑐᓗᑎᒃ ᓂᓪᓕᐊᔪᒫᕐᐳᑦ, ‘ᐱᐅᔪᐊᓗᒃ, ᐱᐅᔪᐊᓗᒃ!’”

ᕉᒪᒥᐅᓄᑦ 5:11

ᑕᒪᓐᓇᑐᐊᖑᓐᖏᓚᕐᓕ, ᒎᑎᒥᒡᓕ ᖁᕕᐊᓲᑎᖃᕐᐳᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ, ᑖᑦᓱᒨᓇ ᒫᓐᓇ ᐅᑎᕐᑎᑕᐅᓯᒪᓕᕋᑦᑕ ᒎᑎᒧᑦ.

ᒨᓯᓯ ᑕᓪᓕᒪᖏᑦ 12:12

ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.

ᐱᓕᐱᒥᐅᓄᑦ 3:1

ᑭᖑᓪᓕᕐᐹᒥᒡᓕ ᐅᒃᐱᕐᑑᖃᑎᒃᑲ, ᖁᕕᐊᓱᒋᑦᓯ ᐊᑕᓂᕐᒥ. ᑎᑎᕋᐅᓯᕆᓚᐅᕐᑕᓐᓂᒃ ᑖᒃᑯᓂᖓᑦᓮᓐᓇᖅ ᑎᑎᕋᕋᓗᐊᕈᒪ ᖃᓄᐃᒃᓴᓐᖏᓚᖓ, ᓴᐳᑎᔭᐅᑦᔪᑎᒋᒃᑲᓐᓂᕐᓂᐊᕋᑦᓯᐅᒃ.

ᐱᓕᐱᒥᐅᓄᑦ 3:3

ᐅᕙᒍᑦ ᓱᓕᔪᒥᒃ ᑭᐱᔭᐅᓯᒪᕗᒍᑦ, ᒎᑎᒥᒃ ᐱᔨᑦᓯᕐᑐᒍᑦ ᐊᓂᕐᓂᒃᑯᑦ, ᖁᕕᐊᓲᑎᖃᕐᓗᑕᓗ ᔩᓱᓯ ᙭ᔅᑑᓯᒥ, ᑎᒥᐅᑉ ᐱᐅᓯᖓᓂᒃ ᑕᑎᖃᕐᒥᓇᑕ.

ᐱᓕᐱᒥᐅᓄᑦ 4:4

ᖁᕕᐊᓱᑦᓮᓐᓇᕆᑦᓯ ᐊᑕᓂᕐᒥ; ᐅᖃᒃᑲᓐᓂᕐᐳᖓ ᖁᕕᐊᓱᒋᑦᓯ.

ᓴᒧᐃᓕ ᓯᕗᓪᓖᑦ 2:1

ᕼᐋᓇ ᑐᒃᓯᐊᓚᐅᕐᐳᖅ ᐅᖃᕐᓗᓂ: “ᐊᑕᓂᐅᑉ ᐆᒻᒪᑎᒐ ᑕᑕᑎᑉᐹ ᖁᕕᐊᓱᖕᓂᕐᒥᒃ; ᐱᔪᓐᓇᕐᓂᕋ ᐊᑕᓂᐅᑉ ᖁᕝᕙᕐᑎᑉᐹ. ᐊᑭᕋᕐᑐᕐᑎᒃᑲ ᖁᖓᑦᔪᑎᒋᔪᓐᓇᓕᕐᐸᒃᑲ; ᖁᕕᐊᓱᒻᒪᕆᓕᕐᐳᖓ ᒎᑎᐅᑉ ᐱᐅᓕᓚᐅᕐᒪᖓ!