ᐃᓐᖏᕈᑎᑦ 30:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓂᕐᑐᕈᒪᓪᓗᖓ ᐃᓕᖕᓂᒃ ᓂᐰᑦᑑᖏᓪᓗᖓ. ᐊᑕᓃᖅ ᒎᑎᒐ, ᐃᓱᖃᖏᑦᑐᒧᑦ ᖁᔭᒋᓂᐊᕐᐸᒋᑦ.

ᐃᓐᖏᕈᑎᑦ 30:12 Iomraidhean Croise

ᒨᓯᓯ ᓯᕗᓪᓖᑦ 49:6

ᑖᒃᑯᐊᒃ ᐃᓱᒪᒃᓴᕐᓯᐅᕐᕕᖏᖕᓄᑦ ᐃᓚᐅᔪᒪᓐᖏᓚᖓ ᐆ ᐊᓂᕐᓂᕋᓗ, ᐃᓚᒋᔭᐅᖁᖏᓐᓂᕙᕋ ᐃᓄᒋᐊᒃᑐᖁᑎᖏᓐᓂ; ᓂᓐᖓᐅᒪᓪᓗᑎᒃ ᐊᖑᑎᓂᒃ ᑐᖁᑦᓯᕙᖕᒪᑎᒃ ᐃᒻᒧᒃᓯᐅᒐᐅᓪᓗ ᐊᖑᓴᓪᓗᖏᓐᓂᒃ ᐱᓐᖑᐊᕈᑎᒋᓪᓗᒋᑦ ᓄᑭᖏᓐᓂᒃ ᑭᒃᑐᕋᕐᑎᑦᓯᔪᓐᓇᕐᓱᑎᒃ.

ᐃᔅᑕᐅᑉ ᐊᒡᓚᖏᑦ 8:16

ᔫᑎᓪᓕ ᐅᕿᒡᓕᓚᐅᕐᐳᑦ, ᖁᕕᐊᓱᒡᓗᑎᒡᓗ ᐅᐱᒍᓱᒡᓗᑎᒡᓗ.

ᐃᔅᑕᐅᑉ ᐊᒡᓚᖏᑦ 9:22

ᑕᕝᕙᓂ ᐅᓪᓘᖕᓂ ᔫᑎᑦ ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᒪᑕ, ᑕᖅᑭᒥᓗ ᑕᕝᕙᓂ ᕿᒃᓵᖕᓂᖓᑦ ᒧᒥᒃᑎᑕᐅᓚᐅᕐᒪᑦ ᖁᕕᓱᖕᓂᕐᒧᑦ, ᐅᒡᒍᐊᕐᓂᖓᑦ ᖁᕕᐊᓱᖕᓂᓐᖑᕐᓗᓂ; ᑖᒃᑯᐊᒃ ᐅᓪᓘᒃ ᓂᕆᕕᒡᔪᐊᖃᑎᒌᒃᕕᒃᓴᐅᖕᒪᑎᒃ ᖁᕕᐊᓱᖃᑎᒌᖕᓂᕐᒧᑦ, ᐃᒻᒥᖕᓄᑦ ᓂᕿᒃᓴᑦᓯᐊᖑᓂᕐᐹᓂᒃ ᑐᓂᓯᖃᑦᑕᐅᑎᓗᑎᒃ ᐊᔪᕐᓴᕐᑐᓄᓪᓗ ᓂᕆᔭᒃᓴᓂᒃ ᑐᓂᓯᓗᑎᒃ.

ᐃᓐᖏᕈᑎᑦ 13:6

ᐊᑕᓂᖅ ᐃᓐᖏᕐᕕᒋᔪᒪᕙᕋ, ᐅᕙᓐᓄᑦ ᐱᑦᓯᐊᕐᓯᒪᖕᒪᑦ ᐊᖏᔪᒥᒃ.

ᐃᓐᖏᕈᑎᑦ 145:2

ᖃᐅᑕᒫᑦ ᓂᕐᑐᕐᓂᐊᕐᐸᒋᑦ, ᐊᑏᓪᓗ ᓂᕐᑐᕐᓂᐊᕐᐸᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 16:9

ᑍᒤᒻᒪᑦ ᐆᒻᒪᑎᒐ ᖁᕕᐊᓱᒃᐳᖅ, ᑕᕐᓂᕋᓗ ᐃᖀᕐᑐᕐᓗᓂ; ᑎᒥᒐᓗ ᐃᓂᓪᓚᖓᓂᐊᕐᐳᖅ ᓂᕆᐅᒋᔭᖃᑦᓯᐊᕐᓗᓂ.

ᐃᓐᖏᕈᑎᑦ 44:8

ᒎᑎᒥᒃ ᓂᕐᑑᑎᖃᕐᐳᒍᑦ ᐅᓪᓗᖅ ᓈᓪᓗᒍ, ᐊᑏᓪᓗ ᓂᕐᑐᕐᐸᕗᑦ ᐃᓱᖃᖏᑦᑐᒧᑦ. ᓰᓚ

ᐃᓐᖏᕈᑎᑦ 57:8

ᑕᕐᓃᒃ, ᑐᐸᓕᕆᑦ! ᑐᐸᓕᕆᑦᓯ, ᓂᓪᓕᐊᑦᔪᑎᑦ ᕼᐋᕐᐱ ᓔᕆᓪᓗ! ᐅᓪᓚᒃᑯᑦ ᖃᐅᒻᒪᓕᓵᕐᑐᖅ ᑐᐹᕐᓴᕈᒪᕙᕋ.

ᐃᓐᖏᕈᑎᑦ 71:14

ᐅᕙᖓᓕ ᑍᒪᓐᖓᑦ ᓂᕆᐅᖕᓂᐊᕐᐳᖓ, ᓂᕐᑐᕈᒪᕙᒋᓪᓗ ᑍᒪᓐᖓᑦ ᐊᖏᓕᕙᓪᓕᐊᔪᒥᒃ.

ᐃᓐᖏᕈᑎᑦ 71:23

ᖃᓂᕋ ᕾᒐᓛᕐᓂᐊᕐᐳᖅ ᖁᕕᐊᓱᖕᓂᐊᕐᒧᑦ, ᐃᓕᖕᓄᑦ ᐃᓐᖏᓕᕈᒪ ᓂᕐᑐᕐᓗᑎᑦ; ᑕᕐᓂᓐᓄᓪᓗᑦᑕᐅᖅ ᐱᐅᓕᓚᐅᕐᑕᕐᓄᑦ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᓘᑲᓯᐅᑉ ᐊᒡᓚᖏᑦ 19:40

ᔩᓱᓯᐅᑉ ᑭᐅᕔᑦ, “ᐅᖃᐅᑎᕙᑦᓯ, ᑖᒃᑯᐊ ᓂᐸᖏᕋᓗᐊᕐᐸᑕ, ᒪᒃᑯᐊ ᐅᔭᕅᑦ ᕾᒐᓛᓕᕐᓂᐊᕐᐳᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:20

ᐅᕙᒍᒡᓕ ᓄᖅᑲᐅᑦᔨᔪᓐᓇᓐᖏᓚᒍᒃ ᓇᖕᒥᓂᖅ ᑕᑯᓚᐅᕐᑕᑦᑎᖕᓂᒃ ᑐᓴᓚᐅᕐᑕᑦᑎᖕᓂᒡᓗ ᐅᖃᐅᓯᖃᕐᓗᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:12

ᐅᖃᕐᓗᑎᒃ, “ᐂᒥᓐ! ᓂᕐᑐᕐᑕᐅᓂᖅ ᐱᓐᓇᕐᓇᕐᓂᕐᓗ ᓯᓚᑐᓂᕐᓗ ᖁᔭᒋᔭᐅᓂᕐᓗ ᐅᐱᒋᔭᐅᓂᕐᓗ ᐱᔪᓐᓇᕐᓂᕐᓗ ᐊᔪᒐᖃᖏᓐᓂᕐᓗ ᒎᑎᑦᑎᓐᓄᑦ ᐱᒋᔭᐅᓕᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐂᒥᓐ.”