5 ᐃᓐᓇᖓᓪᓗᖓ ᓯᓂᒃᐸᒃᐳᖓ, ᑐᐸᒃᐸᒡᓗᖓᓗ, ᐊᑕᓂᐅᑉ ᑲᒪᒋᑦᓯᐊᕐᒪᖓ.
ᐊᑑᑎᖃᓐᖏᓚᖅ ᐅᓪᓛᒻᒪᕆᒃᑯᑦ ᒪᑭᓪᓗᓯ, ᐅᓐᓄᐊᓘᓕᕐᑎᓪᓗᒍ ᓯᓂᒐᓱᐊᓕᕐᓗᓯ, ᓂᕆᓗᓯᓗ ᓂᕆᔭᒃᓴᑦᓯᓐᓂᒃ ᐃᓱᒪᔮᕐᓗᓯ; ᐊᑕᓂᐅᑉ ᓇᒡᓕᒋᔭᓂ ᑐᓂᓯᕙᖕᒪᒋᑦ ᓯᓂᒃᑎᓪᓗᒋᑦ ᓱᓕ.
ᑕᕝᕗᖓ ᑕᑯᓴᕐᒪᑕ ᑮᓇᖏᑦ ᖃᐅᒻᒪᒃᐳᑦ, ᑮᓇᖏᓪᓗ ᑲᓐᖑᓱᒃᑎᑕᐅᓚᐅᓐᖏᓚᑦ.
ᓇᓪᓚᖓᓂᐊᕐᐳᖓ ᓯᓂᒡᓗᖓᓗ ᐃᓱᒪᔮᖏᑦᓯᐊᕐᓗᖓ; ᐃᕝᕕᑦ ᑭᓯᕕᑦ ᐊᑕᓃᖅ ᑲᑉᐱᐊᓇᖏᑦᑐᒥᒃ ᐃᓂᖃᕐᑎᒃᑲᕕᖓ.
ᑕᕐᓂᕗᑦ ᐃᓅᔪᑦ ᐃᓂᖓᓃᑎᒻᒪᒋᑦ, ᐃᑎᒐᕗᓪᓗ ᖁᐃᔭᕿᑎᓚᐅᖏᒻᒪᒋᑦ.
ᐊᑕᓂᕐᒥᒃ ᓯᕘᕋᔪᑦ ᓴᐱᖏᓐᓂᕐᒥᒃ ᑎᒍᒥᐊᕐᐳᑦ, ᕿᑐᕐᖓᖏᓪᓗ ᕿᒫᕕᒃᓴᖃᕐᓂᐊᕐᐳᑦ.
ᐊᑕᓂᐅᑉ ᐊᑎᖓ ᓇᐸᔪᕐᔪᐊᑎᑑᕐᐳᖅ ᐊᑕᕐᓇᕐᓂᖃᖏᑦᑐᖅ, ᐃᓱᐊᕐᑐᑦ ᕿᒫᕕᒋᕙᒃᐹᑦ ᐱᔭᐅᓇᕐᑐᖃᖏᒻᒪᑦ.
ᐃᖏᒃᑯᕕᑦ ᑲᑉᐱᐊᓱᖕᓂᐊᓐᖏᓚᑎᑦ ᓇᓪᓚᕈᕕᓪᓗ, ᓯᓂᑦᓯᐊᕐᐸᒃᓗᑎᑦ.
ᐊᑕᓃᖅ ᓮᒪᓇᕐᑐᒦᑦᓮᓐᓇᕐᑎᑦᓯᕗᑎᑦ, ᓱᖁᓯᔪᐃᑦᑑᓪᓗᑎᒃ ᐃᓱᒪᖏᑦ ᐃᓕᖕᓃᑦᓮᓐᓇᕐᑐᓂᒃ, ᐃᓕᖕᓂᒃ ᑕᑎᖃᕐᓂᕐᒥᖕᓄᑦ.
“ᓄᓇᓯ ᐅᓇᑕᕐᕕᐅᖃᑕᕐᓂᐊᓐᖏᓚᖅ, ᓯᓂᖃᑦᑕᕐᓂᐊᕐᐳᓯᓗ ᓱᓇᒥ ᑲᑉᐱᐊᓱᖏᓪᓗᓯ. ᓂᕐᔪᑎᑦ ᐃᕐᓯᓇᕐᑐᑦ ᓄᓇᑦᓯᓐᓂᑦ ᐊᐅᓪᓚᕐᑎᓐᓂᐊᕐᐸᒃᑲ, ᑕᒫᓂᓗ ᐅᓇᑕᕐᑐᖃᖃᑦᑕᕐᓂᐊᓐᖏᓚᖅ.
ᐅᓐᓄᖕᒥ ᑕᑉᕙᓂ ᐃᕉᑕᓯᐅᑉ ᖃᐅᒃᐸᑦ ᐊᓂᑎᑦᓱᒪᓕᕐᑎᓪᓗᓂᐅᒃ, ᐲᑦᑐᕉᓯ ᐅᓇᑕᕐᑐᒃᓵᒃ ᒪᕐᕉᒃ ᐊᑯᓐᓂᖓᓂ ᓯᓂᓚᐅᕐᐳᖅ, ᐊᕐᓵᕐᑑᔭᓄᑦ ᐊᑦᑐᖏᕐᓯᒪᓪᓗᓂ ᑖᒃᑯᖕᓅᖓ, ᖃᐅᔨᓴᕐᑏᒃ ᑎᒍᔭᐅᓯᒪᕕᐅᑉ ᐃᑎᕐᕕᖓᑕ ᐊᕙᑎᖏᖕᓃᓪᓗᑎᒃ;
