4 ᓂᐱᓐᓄᑦ ᐊᑕᓂᖅ ᓂᓪᓕᐊᕕᒋᕙᕋ, ᖃᖅᑲᒥᓪᓗ ᐃᑦᔪᕐᓁᑦᑐᒥᑦ ᑐᓴᕐᐹᖓ. ᓰᓚ
ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”
ᐃᔨᕐᓯᒪᕕᒃᓴᕆᕙᒋᑦ ᓴᐴᓗᑕᕆᓪᓗᑎᓪᓗ; ᐅᖃᐅᓯᕐᑎᑦ ᓂᕆᐅᒡᕕᒋᕙᒃᑲ.
ᓂᓪᓕᐊᕕᒋᒐᒃᑭᑦ ᑕᕝᕙ ᑭᐅᓚᐅᕐᐸᕐᒪ, ᓯᕘᕋᔪᓐᓃᕐᑎᓪᓗᖓ ᑕᕐᓂᕋᓗ ᓲᖑᓯᑎᓪᓗᒍ.
ᐊᑕᓂᖅ ᓂᓪᓕᐊᕕᒋᔪᒪᕙᕋ, ᑖᓐᓇ ᓂᕐᑐᕐᑕᐅᔪᒃᓴᑐᐊᖅ; ᓴᐳᑎᔭᐅᓂᐊᕐᐳᖓ ᐊᑭᕋᕐᑐᕐᑎᓐᓂᑦ.
“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”
ᒫᓐᓇᓗ ᓂᐊᖁᕋ ᐋᕐᓗᕐᓂᐊᕐᐸᕋ, ᐊᑭᕋᕐᑐᕐᑎᒪ ᐃᓗᒪᔨᒪ ᖁᓛᑦᑎᒍᑦ; ᑍᒤᒻᒪᑦ ᑐᐱᕐᔪᐊᖓᓂ ᑐᓂᕐᕈᑎᒃᓴᓂᒃ ᑐᓂᕐᕈᓯᕐᓂᐊᕐᐳᖓ ᓂᐱᖅᑯᕐᑐᓗᖓ ᖁᕕᐊᓱᖕᓂᕐᒥᒃ: ᐃᓐᖏᕐᓂᐊᕐᐳᖓ ᐃᓛᒃ, ᓂᕐᑐᕈᑎᓂᒃ ᐃᓐᖏᕐᓂᐊᕐᐳᖓ ᐊᑕᓂᕐᒧᑦ.
ᐊᑕᓂᖅ ᓴᓐᖏᔫᑦᔪᑎᒋᕙᕋ ᓴᐴᓗᑕᕆᓪᓗᒍᓗ; ᐆᒻᒪᑎᒪ ᑕᑎᒋᖕᒪᒍ, ᐃᑲᔪᕐᐹᖓᓗ; ᑍᒤᒻᒪᑦ ᐆᒻᒪᑎᒐ ᐊᖏᔪᒥᒃ ᖁᕕᐊᓱᒃᐳᖅ, ᐃᓐᖏᕈᓯᕐᒧᓪᓗ ᖁᔭᒋᔪᒪᕙᕋ.
ᐊᑕᓂᖅ ᕿᓂᓚᐅᕐᐸᕋ, ᑐᓴᓚᐅᕐᐹᖓᓗ, ᓴᐳᑎᓪᓗᖓᓗ ᑲᑉᐱᐊᒋᔭᓐᓂᑦ ᑕᒤᓐᓂᑦ.
ᐅᓇ ᐊᖑᑦ ᐊᔪᕐᑐᖅ ᓂᓪᓕᐊᖕᒪᑦ, ᐊᑕᓂᐅᑉ ᑐᓴᓚᐅᕐᐹ, ᓴᐳᑎᓪᓗᒍᓗ ᐅᖁᒤᒃᓴᐅᑎᖏᓐᓂᑦ ᑕᒤᓐᓂᑦ.
ᖃᐅᒪᓃᑦ ᑎᓕᓚᐅᕈᒃ ᓱᓕᑦᓯᐊᕐᓃᓪᓗ! ᑖᒃᑯᐊ ᑕᓯᐅᕐᓕᖓ; ᑖᒃᑯᐊ ᑎᑭᑎᓪᓕᖓ ᖃᖅᑲᖁᑎᖕᓄᑦ ᐃᑦᔪᕐᓁᑦᑐᒧᑦ ᑐᐱᕐᔪᐊᖁᑎᖕᓄᓪᓗ ᑐᒃᓯᐊᕐᕕᒡᔪᐊᒧᑦ.
ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”
ᑍᒪᓐᖓᓕᒫᖅ ᑕᑎᒋᓯᐅᒃ, ᐃᓅᔪᓯ; ᐆᒻᒪᑎᒥᐅᑕᓯ ᓈᕕᓯᒋᒃ ᓵᖓᓄᑦ; ᒎᑎ ᕿᒫᕕᒃᓴᕆᒐᑦᑎᒍ. ᓰᓚ
ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᐃᓕᖕᓂᒃ ᑕᑎᖃᕐᑐᖅ.
ᑍᑦᓱᒪᓂ ᑕᑯᑎᑦᔪᑎᒃᑯᑦ ᐅᖃᓪᓚᖃᑦᑕᓚᐅᕐᐳᑎᑦ ᐃᑦᔪᕐᓁᑦᑐᖁᑎᖕᓄᑦ, ᐅᖃᕐᓗᑎᑦ: “ᐃᑲᔪᕐᑕᐅᑦᔪᑎᒃᓴᒥᒃ ᐋᖅᑭᒃᓯᓚᐅᕐᐳᖓ ᐱᔪᓐᓇᕐᓂᖃᕐᑐᒧᑦ, ᐃᓄᒋᐊᒃᑐᕐᔪᐊᓂᓪᓗ ᓂᕈᐊᕐᓯᒪᔭᕋ ᐊᖏᔪᕈᕐᑎᓚᐅᕐᐸᕋ.
ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.
ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ, ᑐᒃᓯᐊᕐᕕᒋᓗᒍᓗ ᖃᖅᑲᒥ ᐃᑦᔪᕐᓁᑦᑐᖁᑎᖓᓂ; ᐊᑕᓂᖅ ᒎᑎᕗᑦ ᐃᑦᔪᕐᓁᑦᑑᖕᒪᑦ.
ᓯᓚᑐᑎᑦᓯᓂᖅ ᑲᑎᕐᓱᐊᕆᓪᓗᒍ ᐃᓂᑖᕐᑎᑉᐹ ᐱᓇᓱᐊᑦᓯᐊᕐᑐᓂ, ᓴᐴᓗᑕᐅᕗᖅ ᐃᓅᓯᖃᕐᑐᓄᑦ ᐱᐅᔪᒥᒃ ᑲᔪᓯᑦᓯᐊᕐᑐᓄᑦ.
ᐅᖃᓚᐅᕐᑎᓐᓇᒋᑦ ᓱᓕ ᑭᐅᖃᑦᑕᕈᒫᕐᐸᒃᑲ, ᐅᖃᕇᕐᑎᓐᓇᒋᑦ ᓱᓕ ᑐᓴᖃᑦᑕᕈᒫᕐᐸᒃᑲ.
ᐊᔪᐃᓐᓇᕐᓗᖓ ᕿᓄᓕᕋᒪ ᑐᓴᕐᑕᐅᔪᒪᓪᓗᖓ ᑐᓴᕈᓐᓇᓚᐅᕐᐳᑎᑦ.
“ᑐᒃᓯᐊᕆᑦᓯ, ᑐᓂᓯᕕᐅᒐᔭᕐᐳᓯ ᑕᕝᕙ; ᕿᓂᕆᑦᓯ, ᓇᓂᓯᒐᔭᕐᐳᓯ ᑕᕝᕙ; ᑎᒡᓗᒃᑐᕆᑦᓯ ᒪᑐᐃᕈᑦᔭᐅᒐᔭᕐᐳᓯ ᑕᕝᕙ.
ᐃᓚᓯ ᐃᓗᐊᖏᑦᔪᑎᖃᕐᐹ? ᑖᓐᓇ ᑐᒃᓯᐊᕐᓕ. ᐃᓚᓯ ᖁᕕᐊᓱᒃᐹ? ᑖᓐᓇ ᐃᓐᖏᕐᓕ ᓂᕐᑐᐃᓗᓂ.
