ᐃᓐᖏᕈᑎᑦ 29:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑕᓂᐅᑉ ᓂᐱᖓ ᐱᔪᓐᓇᕐᓂᕐᔪᐊᖃᕐᐳᖅ; ᐊᑕᓂᐅᑉ ᓂᐱᖓ ᑕᑕᑉᐳᖅ ᐊᖓᔪᖅᑳᕐᔪᐊᖑᓂᖓᑕ ᐅᐱᓐᓇᕐᓂᖓᓂᒃ.

ᐃᓐᖏᕈᑎᑦ 29:4 Iomraidhean Croise

ᐃᓐᖏᕈᑎᑦ 33:9

ᐅᖃᕐᒪᑦ, ᓱᓇᑐᐃᓐᓁᑦ ᐱᔭᕇᓚᐅᕐᐳᑦ; ᐱᖁᔨᖕᒪᓪᓗ, ᐱᑕᖃᓕᓚᐅᕐᐳᑦ.

ᐃᓐᖏᕈᑎᑦ 68:33

ᕿᓔᑦ ᕿᓚᖏᓐᓂ ᐃᑭᒪᔪᒧᑦ, ᑍᒪᓐᖓᓂᓴᐅᔪᒧᑦ! ᑕᑯᒋᑦ, ᓂᓪᓕᐊᕗᖅ ᐃᒃᑐᑑᕐᑐᒥᒃ, ᐊᔪᖏᑦᑐᕐᔪᐊᕐᒥᒃ ᓂᐱᖃᕐᓗᓂ.

ᐃᓐᖏᕈᑎᑦ 68:34

ᒎᑎᐅᑉ ᓴᓐᖏᓂᖓ ᐅᖃᐅᓯᕆᓯᐅᒃ; ᐊᖓᔪᖅᑳᕐᔪᐊᖑᓂᕐᒧᑦ ᐅᐱᓐᓇᕐᓂᖓ ᐃᓴᕆᐊᓪ ᖁᓛᓃᑉᐳᖅ, ᓴᓐᖏᓂᖓᓗ ᓄᕗᔭᓃᓪᓗᓂ.

ᐃᓐᖏᕈᑎᑦ 93:4

ᐊᑕᓂᖅ ᖁᑦᓯᒃᑐᒦᑦᑐᖅ ᐊᔪᖏᓐᓂᕐᓴᕐᔪᐊᖑᕗᖅ ᐃᒪᕕᖕᓂᑦ, ᐊᔪᒐᖃᖏᓐᓂᕐᓴᐅᕗᖅ ᐃᒪᕕᐅᑉ ᐃᖏᐅᓕᕐᔪᐊᖏᑕ ᓂᐱᖏᓐᓂᑦ, ᐃᖏᐅᓕᒡᔪᐊᓪᓗ ᐃᒃᑑᓕᔮᕐᓂᖏᓐᓂᑦ ᐊᔪᖏᓐᓂᕐᓴᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 66:6

ᓈᓚᒋᑦᓯ, ᓂᐱᐊᓗᖕᓂᒃ ᐃᒡᓗᒐᓴᒡᔪᐊᓂᑦ ᑐᓵᕗᓯ, ᓂᓪᓕᐊᔪᓂᒃ ᑐᒃᓯᐊᕐᕕᒡᔪᐊᒥ! ᐊᑕᓂᐅᑉ ᓂᐱᒋᕚ, ᐊᑭᕋᕐᑐᕐᑎᒥᓂᒃ ᐊᑭᓂᐊᕐᕙᓪᓛᓂᖓ!

ᐃᓯᑭᐊᓕᐅᑉ ᐊᒡᓚᖏᑦ 10:5

ᓯᕈᐱᒻᓗ ᐃᓴᕈᕐᓱᕐᓂᖏᑦ ᑐᓴᕐᓴᐅᕗᑦ ᑐᒃᓯᐊᕐᕕᒡᔪᐊᑉ ᓯᓚᑖᓄᑦ ᑎᑭᓪᓗᒍ, ᒎᑎᐅᑉ ᐊᔪᒐᖃᖏᑦᑑᑉ ᐅᖃᓪᓚᖕᓂᖓᑕ ᓂᐱᕐᔪᐊᖓᑐᑦ.

ᐂᒨᓯᐅᑉ ᐊᒡᓚᖏᑦ 1:2

ᐅᖃᕐᐳᕐᓗ, “ᐊᑕᓂᖅ ᓂᐱᖅᑯᕐᑐᓪᓗᓂ ᓂᓪᓕᐊᕗᖅ ᓮᐅᓂᒥᑦ, ᓂᐱᕐᔪᐊᖓᓗ ᑐᓴᕐᓴᐅᕗᑦ ᔨᕉᓴᓕᒥᑦ; ᓰᐱᓕᕆᔩᑦ ᐊᒡᓛᑦ ᓂᕿᒃᓴᖁᑎᖏᑦ ᑐᖁᓕᑎᑕᐅᕗᑦ, ᖃᖅᑲᐅᓪᓗ ᑳᕐᒥᐅᑉ ᖄᖓ ᑐᖁᓕᓕᕐᓗᓂ.”

ᓘᑲᓯᐅᑉ ᐊᒡᓚᖏᑦ 4:36

ᐃᓄᓕᒫᑦ ᑲᒪᔪᐊᓘᕗᑦ ᐃᒻᒥᖕᓄᑦ ᐅᖃᓗᑎᒃ, “ᖃᓄᐃᑦᑐᒥᖑᓇ ᐅᖃᐅᓯᓕᒃ ᐊᐅᓚᑦᓯᔪᓐᓇᕐᑐᖅ ᐱᔪᓐᓇᕐᓂᖃᕐᓗᓂ ᐊᓂᕐᓂᕐᓗᖕᓂᒃ ᐊᓂᖁᔨᔪᓐᓇᕐᑐᖅ, ᓈᓚᒃᑕᐅᓪᓗᓂ ᑖᒃᑯᓇᓐᖓᑦ?”

ᓘᑲᓯᐅᑉ ᐊᒡᓚᖏᑦ 8:25

ᔩᓱᓯᐅᑉ ᐅᖃᐅᑎᕔᑦ, “ᓇᐅᒡᓕ ᐅᒃᐱᕐᓂᓯ?” ᑖᒃᑯᐊ ᑲᒪᓂᐊᕐᓗᑎᒃ ᑲᑉᐱᐊᓱᒻᒪᕆᒃᐳᑦ, ᐃᒻᒥᖕᓄᑦ ᐅᖃᖃᑦᑕᐅᑎᓪᓗᑎᒃ, “ᖃᓄᐃᑦᑑᒐᒥᐅᓇ, ᐊᒡᓛᑦ ᐊᓄᕆᒥᒃ ᐃᒪᕐᒥᒡᓗ ᐅᖃᐅᑦᔨᓪᓗᓂ ᓈᓚᒃᑕᐅᔪᓐᓇᕐᐸ?”