ᐃᓐᖏᕈᑎᑦ 28:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᓄᖁᑎᑎ ᐱᐅᓕᓚᐅᒃᑭᑦ ᓮᒻᒪᕐᑎᓪᓗᒋᓪᓗ ᑭᖑᕐᖑᑎᔭᒃᓴᑎᑦ; ᑖᒃᑯᓄᖓ ᐰᕐᓯᔨᐅᓕᕆᑦ ᐊᒡᔭᕐᓗᒋᓪᓗ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 28:9 Iomraidhean Croise

ᓴᒧᐃᓕ ᐂᑉᐸᖏᑦ 21:3

ᑍᒤᒻᒪᑦ ᑍᕕᑎᐅᑉ ᒋᐱᐅᓁᑎᒥᐅᑦ ᑲᑎᖁᓚᐅᕐᐰᑦ ᐅᖃᐅᑎᓪᓗᒋᓪᓗ, “ᖃᓄᐃᓕᐅᕐᑐᒃᓴᐅᕗᖔ ᐃᓕᑦᓯᓐᓄᑦ? ᖃᓄᕐᓗ ᐋᖅᑮᒋᐊᕈᓐᓇᕐᐳᖓ ᐱᑦᓯᐊᕐᑕᐅᖏᓐᓂᕆᓯᒪᔭᑦᓯᓐᓂᒃ, ᐊᑕᓂᐅᑉ ᐃᓄᖁᑎᖏᓐᓂᒃ ᓮᒻᒪᕐᑎᑦᓯᔪᓐᓇᖁᓪᓗᓯ.”

ᓴᒧᐃᓕ ᐂᑉᐸᖏᑦ 7:7

ᐊᐅᓪᓚᖃᑕᐅᖃᑦᑕᕐᑎᓪᓗᖓ ᐃᓴᕆᐊᓕᒥᐅᓕᒫᑦ ᐱᖃᑎᒋᓪᓗᒋᑦ, ᐊᐱᕆᓚᐅᕐᓯᒪᓐᖏᓚᖓ ᓯᕗᓕᕐᑎᓂᒃ ᑎᓕᓯᒪᔭᓐᓂᒃ, ᓱᖕᒪᑦ ᓴᓇᓚᐅᕐᓯᒪᓐᖏᓚᓰ ᐃᒡᓗᒥᒃ ᐃᓂᒃᓴᓐᓂᒃ ᕿᔪᑦᓯᐊᕙᖕᓄᑦ ᓰᑕᕆᓄᑦ ᓴᓇᓯᒪᔪᒥᒃ?’

ᐊᑕᓃᑦ ᓯᕗᓪᓖᑦ 8:51

ᑖᒃᑯᐊ ᐃᓄᖁᑎᒋᒐᕕᒋᑦ, ᓇᖕᒥᓂᕐᑖᕆᓯᒪᓪᓗᒋᑦ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᑕᑎᑦ, ᓴᕕᕋᔭᖕᒥᒃ ᐊᐅᒃᑎᑦᓯᕕᐅᑉ ᐃᑯᐊᓚᔫᑉ ᐃᓗᐊᓂᑦ.

ᐊᑕᓃᑦ ᓯᕗᓪᓖᑦ 8:53

ᑖᒃᑯᐊ ᓂᕈᐊᕐᓗᒋᑦ ᓴᓂᕐᕙᒃᓯᒪᒐᕕᒋᑦ ᐃᓄᓕᒫᑦ ᓄᓇᕐᔪᐊᕐᒥᐅᑦ ᐊᑯᕐᖓᓐᓂᑦ, ᓇᖕᒥᓂᖅ ᐱᒋᔪᒪᓪᓗᒋᑦ, ᑍᒫᒃ ᐅᖃᓚᐅᕋᕕᑦ ᐱᔨᒃᑯᑦ ᒨᓯᓯᒃᑯᑦ, ᑍᑦᓱᒪᓂ ᓯᕗᓪᓕᕕᓂᕗᑦ ᐊᓂᑎᓕᕋᕕᒋᑦ ᐄᑦᔨᑉᑎᒥᑦ, ᐊᑕᓃᖅ ᒎᑏ.”

ᐄᓱᕋᐅᑉ ᐊᒡᓚᖏᑦ 1:4

ᐃᓄᖁᑎᖏᑦ ᐊᐅᓪᓚᐅᑦᔭᐅᓯᒪᔪᑦ ᐃᑲᔪᕐᑕᐅᔭᕆᐊᖃᑐᐊᕐᐸᑕ ᐅᑎᓕᕐᑎᓪᓗᒋᑦ, ᓯᓚᖅᑲᑎᖏᑦᑕ ᐃᑲᔪᕐᑕᒃᓴᕆᕔᑦ. ᐃᑲᔪᕐᑐᒃᓴᐅᕗᑦ ᓯᐅᓪᕕᕆᓂ ᒎᓗᓂᒡᓗ, ᑕᖁᐊᒃᓴᖏᓂᒡᓗ ᐅᓯᓕᕐᑐᕐᓗᒋᓪᓗ ᐆᒪᔪᖁᑎᖏᑦ, ᑐᓂᕐᕈᑎᒃᓴᖏᓐᓂᒡᓗ ᒎᑎᐅᑉ ᑐᒃᓯᐊᕐᕕᖓᓄᑦ ᔨᕉᓴᓕᒥ.”

ᐃᓐᖏᕈᑎᑦ 14:7

ᐊᑏᑐᖅ, ᐃᓴᕆᐊᓕᑎᑦ ᐱᐅᓕᔭᐅᕕᒃᓴᖓ ᓮᐅᓂᒥᑦ ᐱᓗᓂ ᑎᑭᒋᐊᓕᕐᓕ! ᐊᑕᓂᐅᑉ ᐃᓄᖁᑎᓂ ᑎᒍᔭᐅᓯᒪᕕᖏᓐᓂᑦ ᐅᑎᕐᑎᓕᕐᐸᒋᑦ, ᑕᕝᕙ ᔧᑯ ᖁᕕᐊᓱᖕᓂᐊᕐᐳᖅ ᐃᓴᕆᐊᓕᓗ ᖁᕕᐊᓱᒡᓗᓂ.

ᐃᓐᖏᕈᑎᑦ 25:22

ᐃᓴᕆᐊᓪ ᓴᐳᑎᓚᐅᕈᒃ, ᒎᑏ, ᐅᖁᒤᓪᓕᐅᕐᓂᓕᒫᖓᓂᑦ.

ᐃᓐᖏᕈᑎᑦ 78:71

ᓰᐱᓂᑦ ᐊᕐᓇᓪᓗᖕᓂᒃ ᐃᕐᓂᐅᕐᑐᓂᒃ ᒪᓕᑲᑕᒃᕕᖓᓂᑦ, ᔧᑯᒧᑦ ᐃᓄᖁᑎᖏᓐᓄᓪᓗ ᓰᐱᓕᕆᔨᐅᖁᓪᓗᒍ, ᐃᓴᕆᐊᓕᒃᑯᓪᓗ ᑖᑦᓱᒧᖓ ᑭᖑᕐᖑᑎᔭᐅᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 40:11

ᓰᐱᓕᕆᔨᑎᑐᑦ ᐃᓄᖁᑎᓂ ᓂᕆᑎᑦᓱᒫᕐᐰᑦ, ᓰᐲᓪᓗ ᓄᕐᕋᖏᑎᑐᑦ ᑕᓕᕐᒥᓄᑦ ᐃᕿᓯᒥᐊᕈᒫᕐᐰᑦ, ᐊᒡᔭᕐᓗᒋᑦ ᓴᒡᕕᖕᒥᓂ, ᕿᑐᕐᖓᓛᓖᓪᓗ ᐊᑦᑕᕆᓗᒋᑦ ᒪᓕᒃᑎᑦᓱᒫᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 46:3

“ᓈᓚᒃᓯᓐᖓ ᔧᑯᒧᑦ ᑭᖑᕚᖑᔪᓯ, ᐃᓘᓐᓇᓯᓗ ᐃᓴᕆᐊᓕᒥᐅᓂ ᐊᒥᐊᒃᑰᔪᓯ, ᐃᓕᑦᓯᓐᓂᒃ ᑲᒪᒋᔭᖃᓚᐅᕐᐳᖓ ᐃᓅᓕᕋᑖᕐᓂᑦᓯᓐᓂᑦ ᐃᒡᓕᐊᕐᒦᑎᓪᓗᓯᓗ;

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᔨᕆᒤᐊᐅᑉ ᐊᒡᓚᖏᑦ 10:16

ᔧᑯᒃᑯᓐᓂᒡᓕ ᐱᒋᐊᕐᑎᑦᓯᓚᐅᕐᑐᖅ ᑍᒤᓐᖏᓚᖅ, ᓱᓇᓕᒫᓂᒃ ᐱᓐᖑᕐᑎᑦᓯᓯᒪᖕᒪᑦ, ᐃᓴᕆᐊᓕᒥᐅᑦ ᓴᖅᑭᑎᓯᒪᕔᑦ, ᑭᖑᕚᕇᓐᖑᕐᓗᑎᒃ ᑭᖑᕐᖑᔨᖃᑎᒌᒃᑐᒃᓴᐅᖁᓪᓗᒋᑦ; ᑕᒪᒃᑯᓂᖓ ᓴᖅᑭᑎᑦᓯᔪᖅ ᐊᑕᓂᐅᕗᖅ ᖁᑦᓯᖕᓂᕐᐹᒥᒃ ᐊᑎᓕᒃ.

ᔨᕆᒤᐊᐅᑉ ᐊᒡᓚᖏᑦ 31:7

ᐃᒫᒃ ᐊᑕᓂᖅ ᐅᖃᕐᐳᖅ, “ᔧᑯᒃᑯᑦ ᖁᕕᐊᓲᑎᒋᓗᒋᑦ ᐃᓐᖏᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᑦᔪᑎᒋᓯᐅᒃ ᐃᓅᖃᑎᒌᒡᔪᐊᓂᑦ ᐱᒻᒪᕆᐅᓂᕐᐹᖑᓂᖏᑦ ᐱᑦᔪᑎᒋᓗᒋᑦ, ᓂᕐᑐᐃᓂᓯ ᑐᓴᕐᑕᐅᑎᓯᐅᒃ, ᐅᖃᕐᓗᓯᓗ, ‘ᐊᑕᓃᖅ ᐃᓄᖁᑎᑎᑦ ᐱᐅᓕᒃᑭᑦ ᐃᓴᕆᐊᓕᒥᐅᑦ ᐊᒥᐊᒃᑯᒋᔭᖏᑦ.’

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᒤᑲᐅᑉ ᐊᒡᓚᖏᑦ 5:4

ᓂᑯᕕᓪᓗᓂ ᓰᐱᖁᑎᓂ ᓂᕆᑎᑦᓱᒫᕐᐰᑦ, ᐊᑕᓂᐅᑉ ᓴᓐᖏᓂᖓᒍᑦ, ᐊᖓᔪᖅᑲᐅᓂᕐᔪᐊᖑᓂᖓᑕᓗ ᐊᑎᖓᒍᑦ ᐊᑕᓂᐅᑉ ᒎᑎᖓᑕ. ᐃᓄᖁᑎᖏᓪᓗ ᐃᓅᔪᒫᕐᐳᑦ ᓯᕘᕋᖏᓪᓗᑎᒃ ᐊᔪᖏᑦᑐᐊᓘᓂᖓ ᑎᑭᐅᑎᔪᒫᕐᐳᖅ ᓄᓇᕐᔪᐊᓕᒫᒧᑦ.

ᒤᑲᐅᑉ ᐊᒡᓚᖏᑦ 7:14

ᐃᓄᖁᑎᑎᑦ ᐰᕆᒃᑭᑦ ᐊᔭᐅᑉᐱᐊᕐᓄᑦ, ᓰᐱᖁᑎᑎᑦ ᓇᖕᒥᓂᕆᒋᒐᕕᒋᑦ ᑭᖑᕚᒃᓴᓯ, ᓄᓇᖃᕐᑐᑦ ᑭᓯᒥᐅᓗᑎᒃ ᓇᐹᕐᑐᓕᖕᓂ, ᐱᕈᕐᑐᖃᑦᓯᐊᕐᑐᒥᓗ. ᓂᕆᓕᕐᓕᑦ ᐹᓴᓂᒥ ᒋᓕᐊᑎᒥᓗ ᑍᑦᓱᒪᓂ ᐱᐅᓯᐅᕙᓚᐅᕐᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 2:6

‘ᐃᕝᕕᑦ ᐱᑦᓕᐊᒻ, ᓄᓇᒥ ᔫᑕᒦᑦᑐᑎᑦ, ᒥᑭᓐᓂᕐᐸᐅᓐᖏᓚᑎᑦ ᐃᒡᓗᒐᓴᒡᔪᐊᓂᑦ ᐊᖏᓂᕐᐸᐅᔪᓂᑦ ᔫᑕᒥ; ᐃᓕᖕᓂᑦ ᐊᐅᓚᑦᓯᔨᒃᓴᖅ ᐱᔪᒫᕐᒪᑦ ᑖᑦᓱᒪ ᐃᓄᖁᑎᒃᑲ ᐃᓴᕆᐊᓕᒥᐅᑦ ᑕᓯᐅᕈᒫᕐᒪᒋᑦ.’”

ᐃᐱᓯᒥᐅᓄᑦ 1:18

ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,

ᒨᓯᓯ ᑕᓪᓕᒪᖏᑦ 1:31

ᓄᓇᒥᓕ ᐃᓄᖃᖏᑦᑐᒥ, ᑕᑯᓯᒪᒋᕗᓯ ᖃᓄᖅ ᐊᑕᓂᕐᒧᑦ ᒎᑎᑦᓯᓐᓄᑦ ᓴᐳᑎᔭᐅᓯᒪᓚᐅᕐᓂᑦᓯᓐᓂᒃ ᑕᒪᐅᓈᕐᑎᓪᓗᓯ ᓄᓇᒧᑦ ᒪᐅᖓ ᑎᑭᓪᓗᓯ, ᐊᑖᑕᐅᑉ ᐃᕐᓂᕐᒥᓂᒃ ᐊᒡᔭᕐᓯᓲᖑᓂᖓᑐᑦ.’

ᒨᓯᓯ ᑕᓪᓕᒪᖏᑦ 32:9

ᔧᑰᓪᓕ ᑭᖑᕚᖏᑦ ᓇᖕᒥᓂᖅ ᓂᕈᐊᕆᓚᐅᕐᐰᑦ.

ᒨᓯᓯ ᑕᓪᓕᒪᖏᑦ 9:26

ᑐᒃᓯᐊᓚᐅᕐᐳᖓᓗ ᐊᑕᓂᕐᒧᑦ, ‘ᐊᑕᓃᖅ ᒎᑎᐅᔪᑎᑦ, ᓇᖕᒥᓂᖅ ᐃᓄᖁᑎᒋᔭᑎᑦ ᓄᖑᑎᓐᓂᐊᕐᓇᒋᑦ, ᑖᒃᑯᐊ ᓴᐳᑎᓚᐅᕐᑕᑎᑦ ᐊᐅᓪᓚᕐᑎᓚᐅᕐᑕᑎᓪᓗ ᐄᑦᔨᑉᑎᒥᑦ ᓴᓐᖏᓂᕐᔪᐊᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᒨᓯᓯ ᑕᓪᓕᒪᖏᑦ 9:29

ᐅᑯᐊᓕ ᐃᓅᖃᑎᒌᑦ ᓂᕈᐊᕐᓯᒪᕙᑎᑦ ᐃᕝᕕᑦ ᓇᖕᒥᓂᕆᔪᒪᓪᓗᒋᑦ ᑖᒃᑯᐊᓗ ᐊᐅᓪᓚᕐᑎᓚᐅᕐᐸᑎᑦ ᐄᑦᔨᑉᑎᒥᑦ ᐱᔪᓐᓇᕐᓂᕐᔪᐊᕐᓄᑦ ᓴᓐᖏᓐᓂᕐᔪᐊᕐᓄᓪᓗ.’”