ᐃᓐᖏᕈᑎᑦ 28:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐱᐅᖏᑦᑐᓕᔪᑦ ᐃᓚᒋᓗᒋᑦ ᓴᓂᕐᕙᖃᓯᐅᑎᓂᐊᕐᓇᖓ, ᐱᐅᖏᑦᑐᐊᓗᖕᓂᒡᓘᓐᓂᑦ ᐱᓇᓱᐊᕐᑎᑦ ᐃᓚᒋᓗᒋᑦ. ᐃᓅᖃᑎᒥᖕᓄᑦ ᓮᒪᓂᕐᒥᒃ ᐅᖃᐅᓯᖃᕐᐳᑦ, ᐱᐅᖏᑦᑐᐊᓗᖕᓂᒡᓗ ᐆᒻᒪᒥᐅᑕᖃᕐᓗᑎᒃ.

ᐃᓐᖏᕈᑎᑦ 28:3 Iomraidhean Croise

ᐃᓐᖏᕈᑎᑦ 10:14

ᐃᕝᕕᓪᓕ ᑕᐅᑐᒃᐳᑎᑦ, ᑕᑯᓐᓇᕐᐳᑎᓪᓗ ᐊᑲᐅᖏᑦᑐᓂᒃ, ᕿᒃᓵᖕᓂᕐᓂᒡᓗ, ᐊᒡᒐᖕᓄᓪᓗ ᐊᑭᓂᐊᕈᒪᕙᑎᑦ. ᐃᑲᔪᕐᑎᖃᖏᑦᑐᑦ ᐃᓕᖕᓄᑦ ᒪᓂᕗᑦ; ᐃᑲᔪᕐᑎᐅᒐᕕᑦ ᐊᑖᑕᖃᖏᑦᑐᓄᑦ.

ᐃᓐᖏᕈᑎᑦ 10:7

ᖃᓂᖓᓕ ᑕᑕᑉᐳᖅ ᐅᖃᐅᓯᕐᓗᖕᒥᒃ ᓴᒡᓗᓂᕐᓂᒡᓗ ᑲᑉᐱᐊᓱᒃᑎᑦᓯᓂᕐᒥᒡᓗ: ᐊᑲᐅᖏᑦᑐᑦ ᐱᐅᖏᑦᑐᓕᓃᓪᓗ ᐅᖃᖓᑕ ᐊᑖᓃᑉᐳᑦ.

ᐃᓐᖏᕈᑎᑦ 12:2

ᓱᓕᖏᑦᑐᓂᒃ ᐅᖃᐅᓯᖃᕐᐳᑦ ᐃᓅᖃᑎᒥᖕᓄᑦ; ᖃᓂᕐᒥᖕᓄᑦ ᐱᐅᔪᕆᔪᒧᑦ, ᐆᒪᒻᒧᓪᓗ ᑕᒃᑯᕐᒨᕐᑐᒧᑦ ᓂᓪᓕᐊᕗᑦ.

ᐃᓐᖏᕈᑎᑦ 141:4

ᐆᒻᒪᑎᒐ ᑲᒪᒋᒍᒃ ᑲᔪᖏᕐᓂᖃᖁᓇᒍ ᐱᐅᖏᑦᑐᓄᑦ ᓱᓇᑐᐃᓐᓇᕐᓄᑦ, ᐱᐅᖏᑦᑐᓪᓗ ᐱᓇᓱᐊᕐᓂᖏᓐᓄᑦ ᐃᓄᖕᓄᑦ ᐃᓚᓕᐅᑎᖁᓇᖓ; ᓂᕆᖁᓇᖓᓗ ᑖᒃᑯᐊ ᒪᒪᕆᔭᖏᓐᓂᒃ.

ᐃᓐᖏᕈᑎᑦ 26:9

ᑕᕐᓂᕋ ᐊᖑᐊᖃᓯᐅᑎᓂᐊᕐᓇᒍ ᐱᐅᖏᑦᑐᓕᔪᓄᑦ, ᐃᓅᓯᕋᓘᓐᓃᑦ ᐊᐅᖕᒥᒃ ᑯᕕᓯᔪᒪᔪᑦ ᐃᓚᒋᓗᒋᑦ.

ᐃᓐᖏᕈᑎᑦ 36:4

ᐃᓐᓇᖓᕕᖕᒥᓂ ᐊᒡᓛᑦ ᐱᐅᖏᑦᑐᓕᑦᔪᑎᒃᓴᓂᒃ ᐃᓱᒪᒃᓴᕐᓯᐅᕐᐳᑦ; ᐱᐅᓯᕐᒥᒡᓗ ᐱᐅᖏᑦᑐᒥᒃ ᐊᑐᕈᒪᕗᑦ. ᐱᐅᖏᑦᑐᓕᓂᕐᒥᒡᓗ ᐆᒥᓱᓐᖏᓚᑦ.

ᐃᓐᖏᕈᑎᑦ 52:1

ᓱᖕᒪᑦ ᐱᑦᓯᐊᖏᓐᓂᕐᒥᒃ ᐱᐅᔪᕆᑦᔪᑎᖃᕐᐱᑦ, ᐊᔪᖏᑦᑐᐊᓘᔪᑎᑦ ᐊᖑᑦ? ᒎᑎᐅᑉ ᐃᓄᖁᑎᖓᓄᑦ, ᐅᓪᓗᓕᒫᖅ ᓈᓪᓗᒍ.

ᐃᓐᖏᕈᑎᑦ 55:21

ᐅᖃᐅᓯᖏᑦ ᐱᐊᖕᓂᕐᓴᐅᕗᑦ ᐸᑕᒥᑦ, ᐅᓇᑕᕈᒪᓂᕐᓕ ᐆᒻᒪᒥᐅᑕᕆᕚᑦ; ᐅᖃᐅᓯᖏᑦ ᐃᓱᐊᕐᓯᑎᑦᓯᓂᕐᓴᐅᕗᑦ ᐅᕐᓱᒥᑦ, ᑭᓯᐊᓂ ᓴᕕᒡᔪᐊᒥᒃ ᑎᒍᒥᐊᕐᐳᑦ.

ᐃᓐᖏᕈᑎᑦ 62:4

ᐱᔮᕆᓗᑎᒃ ᐳᕐᑐᔪᒥᑦ ᐃᓂᖓᓂᑦ ᑲᑕᒃᑎᑦᓱᒪᓪᓗᒍ; ᖁᕕᐊᒋᔭᖃᕐᐳᑦ ᓴᒡᓗᓂᕐᒥᒃ, ᖃᓂᕐᒥᖕᓄᑦ ᓮᒻᒪᕐᑎᑦᓯᕗᑦ, ᐆᒻᒪᑎᒥᒍᓪᓕ ᐅᖃᕐᓂᕐᓗᒃᓗᑎᒃ. ᓰᓚ

ᐃᓐᖏᕈᑎᑦ 7:14

ᑕᑯᒋᑦ ᐱᐅᖏᑦᑐᓕᔪᖅ ᓴᖅᑭᑎᑦᓯᕗᖅ ᓈᓚᖏᓐᓂᕐᒥᒃ; ᐃᓛᒃ, ᓇᑦᔨᓕᕐᐳᖅ ᐃᓱᐊᖏᑦᑐᒥᒃ ᕿᑐᕐᖓᕐᑖᕐᓗᓂᓗ ᓴᒡᓗᓂᕐᒥᒃ.

ᒤᑲᐅᑉ ᐊᒡᓚᖏᑦ 3:5

“ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐃᓄᖁᑎᒃᑲ ᑕᒻᒪᕐᑎᑕᐅᕗᑦ ᓇᓚᐅᑦᑍᓂᕐᓗᒃᑐᓄᑦ, ᓮᓕᑦᓯᐊᕐᓂᕐᒥᒃ ᐊᖏᕈᑎᖃᕐᐸᒃᐳᑦ ᓂᕆᑎᑦᓯᔨᒥᖕᓂᒡᓗ, ᓂᕿᒃᓴᖃᕐᑎᑦᓯᖏᑦᑐᓄᓪᓗ ᓯᕘᕋᓵᕆᕙᒃᑐᑦ ᐅᓇᑕᕆᐊᕐᑐᕐᓂᐊᕐᓂᕋᕐᓗᒋᑦ.

ᒨᓯᓯ ᓯᑕᒪᖏᑦ 16:26

ᐃᓄᒋᐊᒃᑐᕐᔪᐊᑦ ᐅᖃᕐᕕᒋᕔᑦ ᐅᖃᕐᓗᓂ, “ᐅᑯᐊ ᐃᓄᐃᑦ ᐱᐅᖏᑦᑐᓕᔪᑦ ᑐᐱᖏᑦ ᕿᒪᒃᓯᐅᒃ! ᐱᒋᔭᖏᓐᓂᒡᓘᓐᓃᑦ ᐊᒃᑐᕐᓯᓂᐊᕋᓯ, ᓄᖑᑕᐅᖁᓇᓯ ᐊᔪᕐᑐᓕᓂᖏᓐᓄᑦ.”

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᒫᑎᐅᓯᐅᑉ ᐊᒡᓚᖏᑦ 25:46

ᑖᒃᑯᐊ ᓱᒋᐊᕐᑕᐅᕕᖕᒧᑦ ᓄᖑᓱᐃᑦᑐᒧᑦ ᐱᑎᑕᐅᔪᒫᕐᐳᑦ, ᐃᓗᐊᕐᑐᓪᓕ ᐃᓅᓯᕐᒧᑦ ᓄᖑᓱᐃᑦᑐᒧᑦ ᐱᑎᑕᐅᓕᕐᑎᓪᓗᒋᑦ.”