ᐃᓐᖏᕈᑎᑦ 28:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᕿᓄᓂᕐᒧᑦ ᓂᓪᓕᐊᓂᒃᑲ ᑐᓴᒃᑭᑦ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᓂᒃᑲ ᐃᓕᖕᓄᑦ. ᐊᒡᒐᒃᑲ ᖁᒻᒧᑦ ᐃᓴᒃᐸᒃᑲ, ᐃᓂᒋᔭᕐᓄᑦ ᐃᑦᔪᕐᓁᓐᓂᕐᐹᖑᔪᒧᑦ.

ᐃᓐᖏᕈᑎᑦ 28:2 Iomraidhean Croise

ᐊᑕᓃᑦ ᓯᕗᓪᓖᑦ 6:19

ᐃᒡᓘᑉ ᕿᓐᖑᐊᓂ ᐃᓪᓗᐊᕈᓯᕐᒥᒃ ᓴᓇᓚᐅᕆᕗᖅ, ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓᑕ ᐃᓂᒋᓂᐊᕐᑕᖓᓂᒃ.

ᐊᑕᓃᑦ ᓯᕗᓪᓖᑦ 6:5

ᓯᓚᑖᑕᓗ ᐊᑭᓐᓇᖓᓂ ᐃᓚᓯᒋᕗᖅ, ᑐᒃᓯᐊᕐᕕᒡᔪᐊᑉ ᓴᓂᕌᒍᑦ ᐃᑎᕐᕕᖓᓂᑦ ᕿᓐᖑᐊᓄᑦ ᑎᑭᓪᓗᒍ, ᐃᒡᓗᐊᕈᓯᓕᐅᕐᓱᒍᓗ ᐊᕙᑎᓕᒫᖓ.

ᐊᑕᓃᑦ ᓯᕗᓪᓖᑦ 8:38

ᖃᓄᑐᐃᓐᓇᖅ ᑐᒃᓯᐊᕐᐸᑕ, ᑐᒃᓯᐅᑦᔨᔪᖃᕐᐸᓪᓘᓐᓃᑦ ᐃᓄᖕᒥᒃ ᓇᓪᓕᐊᓐᓂᒃ ᐃᓴᕆᐊᓕᒥᐅᓪᓘᓐᓃᑦ ᑕᒪᒃᑭᕐᓗᑎᒃ, ᖃᐅᔨᒪᓗᑎᒃ ᐆᒻᒪᑎᒃᑯᑦ ᐊᒃᑐᐊᔭᐅᑦᔪᑎᒥᖕᓂᒃ ᐊᒡᒐᑎᒡᓗ ᐃᓵᖓᓗᒋᑦ ᑖᑦᓱᒪ ᐃᒡᓘᑉ ᓇᓛᓄᑦ,

ᑯᕉᓂᑲ ᐂᑉᐸᖏᑦ 6:13

ᓲᓗᒨᓂ ᓴᓇᓯᒪᓚᐅᕐᐳᖅ ᓇᑎᕐᒥᑦ ᖁᕝᕙᓯᖕᓂᕐᓴᒥᒃ ᐃᓄᐃᑦ ᓯᕗᕌᓃᕝᕕᖕᒥᒃ ᑲᓐᓄᔧᓐᓇᐅᓪᓗᒍ ᓴᓂᒧᖃᕐᑐᒥᒃ ᓯᑕᒪᐅᔪᕐᑐᓂᒃ ᐃᑎᒐᖕᓂᒃ ᑐᑭᒧᖃᕆᓪᓗᓂ ᓯᑕᒪᐅᔪᕐᑐᓂᒃ, ᐳᕐᑐᓂᖃᕐᓗᓂᓗ ᑕᓪᓕᒪᓂᒃ ᐃᑎᒐᖕᓂᒃ, ᐃᓕᓯᒪᓚᐅᕐᐹᓗ ᐃᒡᓘᑉ ᐱᕕᑐᓂᐊᑕ ᕿᑎᖓᓄᑦ, ᑕᕝᕗᖓᓗ ᒪᔪᕐᐳᖅ. ᓰᖅᑯᕐᓗᓂᓗ ᐃᓴᕆᐊᓕᒥᐅᑦ ᑲᑎᒪᔪᑦ ᓵᖓᓂ, ᑕᓖᖕᓂᓗ ᐃᓵᒃᐰᒃ ᕿᓚᖕᒧᑦ;

ᐃᓐᖏᕈᑎᑦ 125:5

ᐱᐅᖏᑦᑐᓕᓂᕐᒧᓪᓕ ᓴᖑᕕᖃᕐᑐᑦ, ᐊᑕᓂᐅᑉ ᐊᐅᓪᓚᕐᑎᓐᓂᐊᕐᐰᑦ ᐱᐅᖏᑦᑐᓕᔪᑦ ᐃᓚᒋᓗᒋᑦ! ᐃᓴᕆᐊᓕᒃᑯᑦ ᓮᒻᒪᕐᑎᑕᐅᓕᑦ!

ᐃᓐᖏᕈᑎᑦ 130:2

ᐊᑕᓃᖅ, ᓂᐱᒐ ᑐᓴᓚᐅᕈᒃ! ᓯᐅᑏᒃᑭᒃ ᓈᓚᓚᐅᕐᓕᒃ ᕿᓄᓂᕐᒪ ᓂᐱᖓᓂᒃ!

ᐃᓐᖏᕈᑎᑦ 134:2

ᐊᒡᒐᓯ ᖁᒻᒧᐊᒃᑎᓯᐅᒃ ᐃᑦᔪᕐᓁᑦᑐᕕᖕᒥ, ᐊᑕᓂᕐᓗ ᓂᕐᑐᕐᓯᐅᒃ!

ᐃᓐᖏᕈᑎᑦ 138:2

ᑐᒃᓯᐊᕐᓂᐊᕐᐳᖓ ᑐᒃᓯᐊᕐᕕᒡᔪᐊᖁᑏᑦ ᐃᑦᔪᕐᓁᑦᑐᖅ ᓵᓪᓗᒍ, ᐊᑏᓪᓗ ᖁᔭᒋᓗᒍ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᓱᖃᖏᑦᑐᖅ ᓱᕐᕋᔪᐃᑦᑑᓃᓪᓗ; ᓴᖅᑭᑎᑦᓯᓚᐅᕋᕕᑦ ᐅᖃᐅᓰᑦ ᐊᑏᓪᓗ ᓱᓇᓕᒫᓂᑦ ᐊᖏᓂᕐᐸᐅᓂᖏᓐᓂᒃ.

ᐃᓐᖏᕈᑎᑦ 140:6

ᐊᑕᓂᕐᒧᓪᓕ ᐅᖃᕐᐳᖓ, “ᐃᕝᕕᑦ ᒎᑎᒋᕙᒋᑦ.” ᕿᓄᓂᕐᒧᑦ ᓂᐱᒐ ᑐᓴᓚᐅᕈᒃ, ᐊᑕᓃᖅ!

ᐃᓐᖏᕈᑎᑦ 141:1

ᐊᑕᓃᖅ, ᐃᓕᖕᓄᑦ ᑐᒃᓯᐊᕐᐳᖓ; ᕾᓵᓚᐅᕆᑦ ᐅᕙᓐᓄᑦ! ᓂᐱᒐ ᑐᓴᓚᐅᕈᒃ, ᑐᒃᓯᐊᕐᕕᒋᓕᑐᐊᕈᒃᑭᑦ.

ᐃᓐᖏᕈᑎᑦ 141:2

ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ, ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 143:6

ᐊᒡᒐᒃᑲ ᖁᒻᒧᑦ ᐃᓕᖕᓄᑦ ᐃᓴᒻᒥᕙᒃᑲ; ᑕᕐᓂᕐᒪ ᐃᒥᕈᒃᕕᒋᕚᑎᑦ ᓄᓇᑐᑦ ᐸᓂᕐᑐᑐᑦ. ᓰᓚ

ᐃᓐᖏᕈᑎᑦ 5:7

ᐅᕙᖓᓕ, ᐃᒡᓗᖕᓄᑦ ᐃᑎᕈᒪᕗᖓ, ᓇᒡᓕᒍᓱᖕᓂᕐᔪᐊᑦ ᐊᒥᒐᖏᑦᑐᑦ ᐱᔪᓐᓇᐅᑎᒋᓗᒍ; ᐃᓕᖕᓂᒃ ᓯᕘᕋᓂᕐᒧᑦ, ᑐᒃᓯᐊᕐᓂᕐᒧᑦ ᐱᔨᑦᓯᕈᒪᕙᒋᑦ, ᑐᒃᓯᐊᕐᕕᒡᔪᐊᖁᑎᕕᑦ ᐃᑦᔪᕐᓁᑦᑑᑉ ᓇᓛᓄᑦ ᓵᓐᖓᓗᖓ.

ᐃᓐᖏᕈᑎᑦ 63:4

ᑍᒫᒃ ᓂᕐᑐᕈᒪᕙᒋᑦ ᐃᓅᓂᓕᒫᓐᓂ; ᐊᑎᕐᓂ ᐊᒡᒐᒃᑲ ᖁᒻᒧᐊᒃᑎᓐᓂᐊᕐᐸᒃᑲ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:19

ᐅᓐᓄᐊᑐᐃᓐᓇᒃᑯᑦ ᑐᐸᒡᓗᓯ ᐊᑕᓂᕐᒧᑦ ᕿᐊᕕᖃᕆᑦᓯ; ᐃᓗᒥᐅᑕᓕᒫᓯ ᑯᕕᓯᐅᒃ ᐃᒪᕐᑎᑐᑦ ᐊᑕᓂᐅᑉ ᓵᖓᓂ, ᐊᒡᒐᓯ ᐃᓴᒃᓯᒋᒃ ᕿᑐᕐᖓᓯ ᐱᑦᔪᑎᒋᓗᒋᑦ, ᕿᑐᕐᖓᓯ ᐱᕐᓕᓕᕐᒪᑕ ᐊᖅᑯᑎᓂ ᓇᓂᑐᐃᓐᓇᖅ.

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᑖᓂᐊᓕᐅᑉ ᐊᒡᓚᖏᑦ 6:11

ᐊᖑᑎᓪᓗ ᑍᒃᑯᐊ ᑲᑎᓪᓗᑎᒃ ᕾᕗᑦ, ᑖᓂᐊᓕᓗ ᑕᑯᕚᑦ ᒎᑎᒧᑦ ᑐᒃᓯᐊᕐᑐᖅ ᐃᑲᔪᕐᑕᐅᔪᒪᓂᕐᒥᒃ.

ᑎᒧᑎᒧᑦ ᓯᕗᓪᓖᑦ 2:8

ᐱᖁᔨᕗᖓ ᐊᖑᑏᑦ ᓇᓂᓕᒫᖅ ᑐᒃᓯᐊᖃᑦᑕᖁᓪᓗᒋᑦ, ᐊᒡᒐᖕᒥᖕᓂᒃ ᐃᑦᔪᕐᓁᑦᑐᓂᒃ ᖁᒻᒧᐊᒃᑎᑦᓯᔪᓐᓇᕐᓗᑎᒃ ᓂᓐᖓᐅᒪᓇᑎᒃ ᐂᕙᓇᑎᒡᓗ.