7 ᐊᑕᓃᖅ ᓂᐱᒐ ᑐᓴᕈᒃ ᓂᓪᓕᐊᓕᕅᒍᒪ: ᓂᑲᒋᓗᖓ ᑭᐅᓚᐅᓐᖓ.
ᒎᑏ ᐅᖃᕈᒪᕗᖓ, ᓱᒋᐊᕐᓂᐊᕐᓇᖓ; ᖃᐅᔨᑎᓚᐅᓐᖓ ᓱᓇᒥᒃ ᓵᓐᖓᔭᐅᑦᔪᑎᖃᕐᒪᖔᕐᒪ.
ᐃᓱᒪᒋᓚᐅᓐᖓ, ᑐᓵᓗᖓᓗ, ᐊᑕᓃᖅ, ᒎᑎᒐ; ᐃᔩᒃᑲᒃ ᖃᐅᒻᒪᒃᓴᓚᐅᒃᑭᒃ, ᓯᓂᓕᖁᓇᖓ ᑐᖂᑉ ᓯᓂᒃᑎᑦᓯᓂᖓᓄᑦ;
ᕿᒃᓵᖕᓂᕋ ᒧᒥᒃᐸᑦ ᑖᓂᓯᕐᓂᕐᒧᑦ; ᐊᓐᓄᕌᒃᑲ ᖃᕿᐊᓕᕐᑐᕐᓯᐅᑎᑦ ᐲᕐᐸᑎᑦ, ᐊᓐᓄᕌᕐᑎᓪᓗᖓᓗ ᖁᕕᐊᓱᖕᓂᕐᒥᒃ,
ᐃᓅᓯᕋ ᓄᖑᑕᐅᓕᕐᐳᖅ ᐃᓱᒪᔮᕐᓂᕐᒧᑦ; ᐊᕐᕌᒍᒃᑲᓗᑦᑕᐅᖅ ᐊᓂᕐᓴᐅᒥᓂᕐᒧᑦ; ᓄᑭᖏᕈᑎᕗᖓ ᐊᔪᕐᑐᓕᓂᒃᑲ ᐱᑦᔪᑎᒋᓪᓗᒋᑦ, ᓴᐅᓂᒃᑲᓘᓐᓃᑦ ᓴᓐᖐᑦᑑᓕᕐᐳᑦ.
ᑐᓴᓚᐅᓐᖓ ᐃᓕᖕᓄᑦ ᓂᓪᓕᐊᓕᕈᒪ ᒎᑏ, ᐃᓱᐊᕐᑑᓪᓗᑎᑦ ᒎᑎᒋᒐᒃᑭᑦ! ᐅᖁᒤᒃᓴᕐᓂᓐᓂᑦ ᐅᕿᒡᓕᑎᑉᐸᕐᒪ ᓈᒃᑭᒋᓚᐅᓐᖓ, ᑐᒃᓯᐊᕐᓂᕋᓗ ᑐᓴᕐᓗᒍ.
ᐃᓗᖏᕐᓱᕐᓗᖓ ᓂᓪᓕᐊᓂᕋ ᑐᓴᓚᐅᕈᒃ, ᐃᓕᖕᓄᑦ ᑐᒃᓯᐊᕐᓂᐊᕋᒪ, ᐊᖓᔪᖅᑳᕐᔪᐊᕆᒐᒃᑭᑦ, ᒎᑎᒋᓪᓗᑎᓪᓗ.
