ᐃᓐᖏᕈᑎᑦ 22:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐅᕙᓐᓂᒃ ᑕᑯᔪᑦ ᑕᒪᕐᒥᒃ ᐃᔪᕆᕚᖓ ᒥᑕᐅᑎᒋᓪᓗᖓ; ᖃᓂᕐᒥᖕᓄᓪᓗ ᐅᖃᕐᓂᕐᓗᒡᕕᒋᕚᖓ, ᐃᓕᕿᑕᒫᕐᓗᑎᒡᓗ, ᐅᖃᕐᐳᑦ,

ᐃᓐᖏᕈᑎᑦ 22:7 Iomraidhean Croise

ᔫᐱᐅᑉ ᐊᒡᓚᖏᑦ 12:4

ᒫᓐᓇᓕ ᐊᒡᓛᑦ ᐱᖃᓐᓇᕆᔭᓐᓄᑦ ᐃᔪᕿᑕᐅᑕᐅᓕᕐᐳᖓ; ᓱᓕᓕ ᑐᒃᓯᐊᕐᓂᒃᑲ ᒎᑎᐅᑉ ᑐᓴᖃᑦᑕᕐᐰᑦ, ᓇᓛᒎᑦᓯᐊᕐᑎᓪᓗᖓ ᐸᓯᔭᒃᓴᐅᑎᓐᓇᖓᓗ, ᐃᔪᕿᑕᒍᑕᐅᕗᖓ.

ᔫᐱᐅᑉ ᐊᒡᓚᖏᑦ 16:10

ᐃᓄᐃᑦ ᐅᕙᓐᓂᒃ ᓇᕐᕈᓂᕐᒧᑦ ᐂᑦᑕᖃᑦᑕᕐᐳᑦ; ᒥᑕᐅᑎᒋᓪᓗᖓ ᐅᓗᐊᒃᑯᑦ ᐸᑎᒃᑕᐅᕗᖓ, ᑲᑐᑦᔨᓪᓗᑎᒃ ᐊᑭᕋᕐᑐᕐᐹᖓ.

ᔫᐱᐅᑉ ᐊᒡᓚᖏᑦ 16:4

ᐃᓕᑦᓯᑐᑦᑕᐅᖅ ᐅᖃᓪᓚᒍᓐᓇᕋᓗᐊᕐᑐᖓ, ᐃᓂᒋᔭᓐᓃᖔᕋᔭᕈᑦᓯ; ᓂᐊᖁᕋ ᐃᓕᕿᑕᒫᕐᓗᒍ ᐃᓕᑦᓯᓐᓂᒃ ᓱᓇᐅᒃᓴᖏᓐᓂᕐᒧᑦ ᐅᖃᓪᓚᒡᕕᒋᔪᓐᓇᕋᔭᕆᕙᑦᓯ.

ᐃᓐᖏᕈᑎᑦ 109:25

ᐊᑭᕋᕐᑐᕐᑎᒃᑲ ᐅᕙᓐᓂᒃ ᑕᑯᓴᕐᑐᑦ ᒥᑕᐅᑎᒃᓴᕐᐳᑦ; ᓂᐊᖁᕐᒥᖕᓂᒃ ᐃᓕᕿᓴᒫᕐᓗᑎᒃ.

ᐃᓐᖏᕈᑎᑦ 31:18

ᖃᓂᖏᑦ ᓴᒡᓗᑐᔪᑦ ᓂᐰᕐᓕᑦ, ᐱᐅᔪᕆᓂᕐᒧᑦ ᐃᓕᕋᓇᕈᒪᓂᕐᒧᓪᓗ ᓂᓪᓕᐊᔪᑦ ᓇᓛᒎᕐᑐᑦ ᒥᑕᐅᑎᖃᕐᓗᑎᒃ.

ᐃᓐᖏᕈᑎᑦ 44:14

ᐃᔪᕆᔭᒃᓴᓐᖑᕐᐳᒍᑦ ᐃᓅᖃᑎᒌᒡᔪᐊᓄᑦ, ᐃᓕᕿᑕᒫᕈᑕᐅᓕᕐᓗᑕᓗ ᒥᑕᐅᑕᐅᓂᕐᒧᑦ ᐃᓄᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 49:7

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”

ᐂᓮᐊᓯᐅᑉ ᐊᒡᓚᖏᑦ 53:3

ᐃᓄᖕᓄᑦ ᓇᕐᕈᒋᔭᐅᓚᐅᕐᐳᖅ ᖁᔭᓈᕐᑕᐅᓯᒪᓪᓗᓂᓗ; ᕿᒃᓵᖕᓇᕐᑐᒥᒃ ᐃᓅᓯᓕᒃ, ᐋᓐᓂᐊᓇᕐᑐᒥᒡᓗ ᓱᖏᐅᑎᓯᒪᓪᓗᓂ; ᐃᓄᖕᓄᓪᓗ ᑮᓈᓐᖑᒋᔭᐅᔪᑐᑦ ᑕᑯᔭᐅᔪᒪᓚᐅᓐᖏᓚᖅ ᓇᕐᕈᒋᔭᐅᒐᔪᖕᒪᑦ ᐅᐱᒋᓚᐅᓐᖏᓚᕗᑦ.

ᐂᓮᐊᓯᐅᑉ ᐊᒡᓚᖏᑦ 57:4

ᑭᓇᒥᒃ ᒥᑕᐅᑎᖃᕐᐱᓰ? ᑭᓇᒧᓪᓗ ᐱᔮᕐᓱᕐᓗᓯ ᖃᓂᓯ ᐂᑦᑕᕐᑎᑉᐱᓯᐅᒃ ᐅᖃᓯ ᓄᐃᑦᑕᕐᑎᓪᓗᒋᑦ? ᐊᔪᕐᑐᓕᔪᓄᑦ ᕿᑐᕐᖓᐅᓐᖏᓚᓰ, ᐅᐃᕕᕐᕆᒃᓯᔩᑦ ᑭᖑᕚᖏᑦ,

ᒫᑎᐅᓯᐅᑉ ᐊᒡᓚᖏᑦ 27:29

ᐅᕐᐱᐅᔭᓂᒃ ᑲᑭᓪᓚᕐᓇᕐᑐᓂᒃ ᓂᐊᖂᑎᓕᐅᕐᓗᑎᒃ ᓂᐊᖁᐊᓄᑦ ᐃᓕᕚᑦ, ᓱᓪᓗᓕᖕᒥᒃ ᐊᔭᐅᑉᐱᐊᓕᕐᓗᒍ; ᓵᖓᓄᑦ ᓰᖅᑯᕐᓗᑎᒃ ᒥᑕᐅᑎᒋᓪᓗᒍ ᐅᖃᕐᐳᑦ, “ᓂᕐᑐᕐᑕᐅᓕ ᔫᑎᑦ ᐊᖓᔪᖅᑳᕐᔪᐊᖓᑦ!”

ᒫᑎᐅᓯᐅᑉ ᐊᒡᓚᖏᑦ 9:24

ᐅᖃᕐᐳᖅ, “ᐊᓂᓚᐅᕆᑦᓯ! ᐅᓇ ᓂᕕᐊᕐᓵᖅ ᑐᖁᖏᒻᒪᑦ ᓯᓂᑐᐃᓐᓇᕐᐳᕐᓕ!” ᑖᒃᑯᐊᓗ ᒥᑕᐅᑎᒋᓕᕐᐹᑦ.

ᒫᑯᓯᐅᑉ ᐊᒡᓚᖏᑦ 15:20

ᒥᑕᐅᑎᒋᔭᕇᕋᒥᑦᔪᒃ, ᐅᓕᒡᔪᐊᖅ ᐊᐅᐸᓪᓚᕆᒃᑐᖅ ᐲᕐᐹᑦ ᐊᓐᓄᕌᖏᓐᓂᒃ ᓇᖕᒥᓂᖏᓐᓂᒃ ᐊᑎᑎᒃᑭᕚᑦ. ᑕᓯᐅᕐᐹᑦ ᑕᕝᕙᓐᖓᑦ ᑭᑭᐊᒃᑐᕆᐊᕐᑐᓕᕐᓗᒍ.

ᒫᑯᓯᐅᑉ ᐊᒡᓚᖏᑦ 15:29

ᐃᓄᐃᑦ ᓴᓐᓂᖓᔪᓕᐅᑉ ᓴᓂᐊᒎᕐᑐᑦ, ᓂᐊᖁᕐᒥᖕᓂᒃ ᐃᓕᕿᑕᒫᕐᓗᑎᒃ ᐅᖃᕐᐳᑦ, “ᑕᑯᒋᑦ! ᑐᒃᓯᐊᕐᕕᒡᔪᐊᕐᒥᒃ ᓯᖁᒥᑦᓯᓂᐊᓚᐅᕐᑐᑎᑦ ᓴᓇᖕᒥᓗᒍ ᐅᓪᓗᓂᒃ ᐱᖓᓱᓂᒃ,

ᓘᑲᓯᐅᑉ ᐊᒡᓚᖏᑦ 16:14

ᐹᕆᓯᑦ ᑮᓇᐅᔭᓂᒃ ᐱᓪᓚᕆᖁᑎᖃᕋᒥ, ᑕᒪᑐᒥᖓ ᑐᓴᕋᒥᒃ, ᔩᓱᓯ ᒥᑕᐅᑎᒋᕚᑦ.

ᓘᑲᓯᐅᑉ ᐊᒡᓚᖏᑦ 23:11

ᐃᕉᑕᓯᐅᑉ ᐅᓇᑕᕐᑐᒃᓴᖁᑎᖏᑕ ᔩᓱᓯ ᒥᑕᐅᑎᒋᕚᑦ ᓇᕐᕈᒋᓪᓗᒍᓗ; ᐊᒻᒪ ᐅᓕᒡᔪᐊᒥᒃ ᐱᐅᔪᐊᓗᖕᒥᒃ ᐊᑎᑎᑉᐹᑦ, ᐅᑎᕐᑎᓪᓗᒍ ᐰᓛᑑᓯᒧᑦ.