ᐃᓐᖏᕈᑎᑦ 22:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐅᕙᖓᓕ ᖁᐱᕐᕉᕗᖓ, ᐃᓅᓇᖓᓗ; ᐃᓄᖕᓄᑦ ᓇᕐᕈᓇᕐᐳᖓ, ᐃᓄᒋᐊᒃᑐᓂᑦ ᐃᓚᒋᔭᐅᔪᒪᓐᖏᓚᖓ.

ᐃᓐᖏᕈᑎᑦ 22:6 Iomraidhean Croise

ᑯᕉᓂᑲ ᐂᑉᐸᖏᑦ 14:11

ᐂᓴᓗ ᑐᒃᓯᐊᕐᐳᖅ ᐊᑕᓂᕐᒧᑦ ᒎᑎᒥᓄᑦ, ᐅᖃᓪᓗᓂ, “ᐊᑕᓃᖅ, ᐊᑦᔨᖃᓐᖏᓚᑎᑦ ᐃᑲᔪᕈᓐᓇᕐᑐᒥᒃ, ᓴᓐᖏᔪᓂᒃ ᓴᓐᖐᑦᑐᓂᒡᓗ. ᐊᑕᓃᖅ ᒎᑎᕗᑦ ᐃᑲᔪᓚᐅᕐᑎᒍᑦ, ᐃᓕᖕᓂᒃ ᑕᑎᖃᕋᑦᑕ, ᑕᒪᐅᓐᖓᕐᐳᒍᑦ ᐱᔪᓐᓇᕐᓂᕐᓄᑦ ᐅᓇᑕᕆᐊᕐᓗᑕ ᐅᓄᕐᑐᕐᔪᐊᓄᑦ. ᐊᑕᓃᖅ ᒎᑎᒋᒐᑦᑎᒋᑦ; ᐃᓄᖕᒧᑦ ᓇᓪᓕᐊᓐᓄᓪᓘᓐᓃᑦ ᓵᓚᐅᔪᓐᓇᖏᑦᑐᑎᑦ.”

ᔫᐱᐅᑉ ᐊᒡᓚᖏᑦ 25:6

ᑕᕝᕙᓕᑭᐊᖅ ᐃᓄᑐᐃᓐᓇᖅ, ᑖᑦᓱᒪ ᓵᖓᓂ ᓱᓇᐅᓐᖏᓚᖅ, ᖁᒡᓗᒋᐊᑎᑐᑦ ᐹᕐᖑᕐᑐᑎᑐᑦ ᑍᒤᑦᑐᑐᐃᓐᓇᐅᖕᒪᑦ!”

ᐃᓐᖏᕈᑎᑦ 25:3

ᐃᓛᒃ, ᐃᓘᓐᓇᑎᒃ ᐃᓕᖕᓂᒃ ᓂᕆᐅᒃᑐᑦ ᑲᓐᖑᓱᒃᑎᑕᐅᓂᐊᓐᖏᓚᑦ; ᑲᓐᖑᓱᒃᑎᑕᐅᔭᕆᐊᖃᕐᐳᓪᓕ ᐱᑦᔪᑎᒃᓴᖃᕋᑎᒃ ᑲᑉᐱᐊᒋᔭᐅᔪᓂᒃ ᐱᓇᓱᐊᕐᑐᑦ.

ᐃᓐᖏᕈᑎᑦ 31:1

ᐃᕝᕕᑦ ᐊᑕᓃᖅ ᑕᑎᒋᕙᒋᑦ; ᖃᖓᓕᒫᖅ ᑲᓐᖑᓱᒃᑎᑕᐅᖁᓂᐊᕐᓇᖓ; ᓴᐳᑎᓚᐅᓐᖓ ᐃᓱᐊᕐᑑᓂᕐᓄᑦ.

ᐃᓐᖏᕈᑎᑦ 31:11

ᐊᑭᕋᕐᑐᕐᑎᓐᓄᑦ ᒥᑕᐅᑎᒃᓴᐅᓕᓚᐅᕐᐳᖓ, ᐱᓗᐊᕐᑐᒥᒡᓕ ᓄᓇᖃᑎᒪ ᐊᑯᓐᓂᖓᓐᓂ, ᖃᐅᔨᒪᔭᓐᓄᓪᓗ ᓇᕐᕈᓇᕐᓯᓪᓗᖓ; ᐅᕙᓐᓂᒃ ᓯᓚᒥ ᑕᑯᔪᑦ ᕿᒫᕚᖓ.

ᐃᓐᖏᕈᑎᑦ 41:5

ᐊᑭᕋᕐᑐᕐᑎᒪ ᐱᐅᖏᑦᑐᓂᒃ ᐅᖃᐅᓯᕆᖕᒪᖓ: “ᖃᖓᓕᐅᓇ ᑐᖁᓛᕐᐸ, ᐊᑎᖓᓗ ᐳᐃᒍᕐᑕᐅᓗᓂ?”

ᐃᓐᖏᕈᑎᑦ 88:8

ᐃᓚᓐᓇᕆᔭᒃᑲ ᐅᕙᓐᓂᑦ ᐅᖓᓯᒃᓯᑎᓚᐅᕐᐸᑎᑦ; ᓇᕐᕈᓇᕐᑐᓐᖑᕐᑎᓚᐅᕐᐸᕐᒪ ᑖᒃᑯᓄᖓ; ᒪᑐᑦᔪᑎᔭᐅᓯᒪᕗᖓ ᐊᓂᔪᓐᓁᓪᓕᖁᓪᓗᖓ ᑕᕝᕙᓐᖓᑦ.

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 49:7

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”

ᐂᓮᐊᓯᐅᑉ ᐊᒡᓚᖏᑦ 53:3

ᐃᓄᖕᓄᑦ ᓇᕐᕈᒋᔭᐅᓚᐅᕐᐳᖅ ᖁᔭᓈᕐᑕᐅᓯᒪᓪᓗᓂᓗ; ᕿᒃᓵᖕᓇᕐᑐᒥᒃ ᐃᓅᓯᓕᒃ, ᐋᓐᓂᐊᓇᕐᑐᒥᒡᓗ ᓱᖏᐅᑎᓯᒪᓪᓗᓂ; ᐃᓄᖕᓄᓪᓗ ᑮᓈᓐᖑᒋᔭᐅᔪᑐᑦ ᑕᑯᔭᐅᔪᒪᓚᐅᓐᖏᓚᖅ ᓇᕐᕈᒋᔭᐅᒐᔪᖕᒪᑦ ᐅᐱᒋᓚᐅᓐᖏᓚᕗᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:30

ᐋᓐᓂᕐᑎᒋᔧᑦ ᒪᓂᑐᐃᓐᓇᕈᒃ ᓈᒻᒪᒋᑐᐃᓐᓇᕐᓗᒍᓗ.

ᒫᑎᐅᓯᐅᑉ ᐊᒡᓚᖏᑦ 11:19

ᐃᓅᓪᓕ ᐃᕐᓂᖓ ᑎᑭᒻᒪᑦ, ᓂᕆᖃᑦᑕᕐᐳᖅ ᐃᒥᖃᑦᑕᕐᓗᓂᓗ, ᐃᓄᐃᓪᓗ ᐅᖃᕐᐳᑦ, ‘ᐅᓇ ᐊᖑᑦ ᑕᑯᓯᐅᒃ! ᓂᕆᓗᐊᖃᑦᑕᕐᑐᖅ, ᐅᐂᓂᒥᒡᓗ ᐃᒥᕐᑎᐅᓪᓗᓂ, ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑕ ᐊᔪᕐᑐᓕᔪᓪᓗ ᐱᖃᓐᓇᕆᔭᖓᑦ!’ ᒎᑎᐅᓪᓕ ᓯᓚᑐᓂᖓ ᓴᖅᑭᑎᑕᐅᕗᖅ ᐱᓂᐊᕐᓂᖏᑎᒍᑦ.”

ᒫᑎᐅᓯᐅᑉ ᐊᒡᓚᖏᑦ 12:24

ᐹᕆᓯᑦ ᑕᒪᑐᒥᖓ ᑐᓴᕋᒥᒃ, ᐅᖃᕐᐳᑦ, “ᐅᓇ ᔩᓱᓯ ᐊᓂᕐᓂᕐᓗᖕᓂᒃ ᐃᓄᖕᒥᑦ ᐊᓂᑎᑦᓯᖃᑦᑕᕐᑐᖅ ᐊᓂᕐᓂᕐᓗᐃᑦ ᐊᖓᔪᖅᑳᖓᓐᓄᑦ ᐱᐅᓪᓯᐹᐱᒧᑦ ᐱᔪᓐᓇᕐᓂᖃᕐᑎᑕᐅᓪᓗᓂ ᑍᒤᓕᐅᖃᑦᑕᕐᑐᖅ.”

ᔪᐊᓇᓯᐅᑉ ᐊᒡᓚᖏᑦ 7:15

ᔫᑎᑦ ᐊᖓᔪᖅᑳᖏᑦ ᑲᒪᔪᐊᓘᓕᕐᐳᑦ ᐅᖃᕐᓗᑎᒃ, “ᖃᓄᐊᓗᖑᓇ ᖃᐅᔨᒪᔪᐊᓘᓕᕐᐹ ᐃᓕᓐᓂᐊᕐᕕᖕᒥ ᐃᓕᓐᓂᐊᓚᐅᕐᓯᒪᓇᓃ?”

ᔪᐊᓇᓯᐅᑉ ᐊᒡᓚᖏᑦ 7:20

ᐃᓄᒋᐊᒃᑐᕐᔪᐊᑦ ᑭᐅᕚᑦ, “ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᕗᑎᑦ! ᑭᓇᒨᑦ ᑐᖁᑕᐅᓇᓱᐊᕐᐲᑦ?”

ᔪᐊᓇᓯᐅᑉ ᐊᒡᓚᖏᑦ 8:48

ᑕᕝᕙ ᔫᑎᑦ ᔩᓱᓯ ᐊᐱᕆᕚᑦ, “ᓇᓚᐅᑦᓯᓐᖏᓚᒎᑦ ᐅᖃᕐᑎᓪᓗᑕ ᓴᒥᐊᕆᐊᕐᒥᐅᑕᐅᕗᑎᑦ ᐊᓂᕐᓂᕐᓗᖕᒥᒡᓗ ᐃᓗᒻᒥᕐᑕᐅᓯᒪᓪᓗᑎᑦ?”

ᐄᑉᕈᐃᓄᑦ 13:12

ᑕᕝᕙ ᔩᓱᓯᑦᑕᐅᖅ ᑐᖁᓚᐅᕐᐳᖅ ᐃᒡᓗᒐᓮᑦ ᓯᓚᑖᓂ ᐃᓄᐃᑦ ᐸᓯᔭᒃᓴᐅᔪᓃᕐᑎᑕᐅᖁᓪᓗᒋᑦ ᓇᖕᒥᓂᖅ ᐊᐅᖕᒥᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:3

ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!