3 ᐃᕝᕕᓪᓕ ᐃᑦᔪᕐᓁᑦᑑᕗᑎᑦ, ᐃᓂᖃᕐᓗᑎᓪᓗ ᐃᓴᕆᐊᓕᑎᑦ ᓂᕐᑐᓕᕐᓂᖏᓐᓂ.
ᑕᑯᒋᑦ. ᓂᓪᓕᓚᐅᕐᐳᖓ, ‘ᐱᑦᓯᐊᕐᓯᒪᓐᖏᓚᖅ!’ ᑭᐅᔭᐅᓐᖏᓚᖓᓕ; ᕾᒐᓛᕐᓗᖓ ᐃᑲᔪᕐᑕᐅᔪᒪᓚᐅᕐᐳᖓ, ᐃᑲᔪᕋᓱᐊᕐᑐᖃᓐᖏᓚᕐᓕ.
ᒎᑏ ᐃᓕᖕᓄᑦ ᓂᓪᓕᐊᒐᓗᐊᕋᒪ ᑭᐅᓐᖏᓚᕐᒪ; ᓂᑯᕕᖓᓪᓗᖓ ᓵᓐᖓᒐᓗᐊᕋᒃᑭᑦ, ᑲᒪᒋᓐᖏᓚᕐᒪ.
ᐊᑕᓂᖅ ᓈᒻᒪᓈᑦᓯᐊᕐᐳᖅ ᑕᒤᑎᒍᑦ ᐱᓇᓱᐊᕐᓂᕐᒥᒍᑦ, ᐱᑦᓯᐊᕐᓂᖃᕐᓗᓂᓗ ᑕᒤᑎᒍᑦ ᐱᓂᐊᕐᓂᕐᒥᒍᑦ.
ᑐᓂᕐᕈᓯᖃᑦᑕᕐᑑᑉ ᑐᓂᕐᕈᑎᓂᒃ ᖁᔭᓕᑦᔪᑎᓂᒃ ᓂᕐᑐᕐᓇᕐᑎᑉᐸᖓ; ᐱᐅᓯᕐᒥᓂᒡᓗ ᓱᓕᑦᓯᐊᕐᑎᑦᓯᔪᒧᑦ ᒎᑎᐅᑉ ᐱᐅᓕᒃᓯᓂᖓᓂᒃ ᖃᐅᔨᑎᑦᓱᒪᕙᕋ.”
ᒎᑏ, ᓂᕐᑐᕐᑕᐅᓂᐅᑉ ᐅᑕᖅᑭᕚᑎᑦ ᓮᐅᓂᒥ; ᐃᓕᖕᓄᓪᓗ ᐊᖏᒻᒪᕆᒍᑕᐅᓯᒪᔪᑦ ᐱᓂᐊᕈᑕᐅᔪᒫᕐᐳᑦ.
ᑐᒃᓯᐊᕐᓂᕋ ᐃᓕᖕᓄᑦ ᑎᑭᐅᑎᓚᐅᕐᓕ, ᓯᐅᑏᑦ ᒪᓂᓚᐅᕈᒃ ᓂᓪᓕᐊᓂᓐᓄᑦ!
ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ, ᑐᒃᓯᐊᕐᕕᒋᓗᒍᓗ ᖃᖅᑲᒥ ᐃᑦᔪᕐᓁᑦᑐᖁᑎᖓᓂ; ᐊᑕᓂᖅ ᒎᑎᕗᑦ ᐃᑦᔪᕐᓁᑦᑑᖕᒪᑦ.
ᑖᒃᑯᐊᓗ ᐃᒻᒥᖕᓄᑦ ᕾᒐᓛᖃᑦᑕᐅᑎᕗᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ! ᐱᓐᓇᕐᓇᕐᓂᕐᔪᐊᖓ ᑕᑍᓯᒪᕗᖅ ᓄᓇᕐᔪᐊᕐᒥᒃ!”
“ᐊᑕᓃᖅ, ᖃᓄᖅ ᐊᑯᓂᐅᑎᒋᔪᖅ ᐃᑲᔪᕐᑕᐅᔪᒪᓗᖓ ᓂᓪᓕᐊᔪᒃᓴᐅᕗᖔ? ᓈᓚᒍᓐᓇᕐᑎᓐᓇᒃ ᐅᕙᓐᓂᒃ? ᑲᑉᐱᐊᓇᕐᑐᒦᓕᕌᖓᑦᑕ ᓴᐳᑦᔨᓇᓱᐊᕈᓐᓇᕐᑎᓐᓇᒃ.
ᓂᕐᑐᒐᒃᓴᕆᕙᓯ ᒎᑎᒋᒐᑦᓯᐅᒃ, ᓇᖕᒥᓂᖅ ᑕᑯᓯᒪᒐᑦᓯ ᑖᑦᓱᒪ ᐊᔪᖏᑦᑐᐊᓘᓂᖓᓂᒃ ᑲᒪᓇᕐᑐᕐᔪᐊᖑᓂᖓᓂᒡᓗ ᐃᓕᑦᓯ ᐱᑦᔪᑎᒋᓪᓗᓯ.
ᐆᒪᔪᑦ ᓯᑕᒪᑦ, ᐃᓴᕈᖃᕐᐳᑦ ᐊᑐᓂᑦ ᐱᖓᓲᔪᕐᑐᓂᒃ, ᐃᔨᖃᕐᓗᑎᒡᓗ ᐃᓗᒥᒃᑎᒍᑦ ᓯᓚᑎᓕᒫᒥᒃᑎᒍᓪᓗ, ᐅᓪᓘᑎᓪᓗᒍᓗ ᐅᓐᓄᐊᒥᓗ ᓄᖅᑲᔪᐃᑦᑑᓪᓗᑎᒃ ᐃᓐᖏᕐᐳᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ, ᑍᒤᓚᐅᕋᒥ ᒫᓐᓇᓗ ᑍᒤᑦᑐᖅ ᑍᒤᖏᓐᓇᕐᓂᐊᕐᑐᕐᓗ ᓯᕗᓂᕐᒥ!”
