13 ᖃᓂᑎᒃ ᐂᑦᑕᕐᐰᑦ ᐅᕙᓐᓄᑦ, ᓛᔭᑎᑐᑦ ᐃᕐᓯᓇᕐᑐᑐᑦ ᓂᓪᓕᐊᔪᑐᑦ.
ᐃᓄᐃᑦ ᐅᕙᓐᓂᒃ ᓇᕐᕈᓂᕐᒧᑦ ᐂᑦᑕᖃᑦᑕᕐᐳᑦ; ᒥᑕᐅᑎᒋᓪᓗᖓ ᐅᓗᐊᒃᑯᑦ ᐸᑎᒃᑕᐅᕗᖓ, ᑲᑐᑦᔨᓪᓗᑎᒃ ᐊᑭᕋᕐᑐᕐᐹᖓ.
ᓛᔭᑎᑐᑦ ᓂᕆᔭᒥᖕᓂᒃ ᐊᓕᒃᑐᐃᔪᒪᔪᑎᑐᑦ, ᓛᔭᑎᑐᑦ ᐃᓐᓇᐅᖏᑦᑐᑎᑐᑦ ᐃᔨᕐᓯᒪᓪᓗᓂ ᐅᑕᖅᑭᔪᑎᑐᑦ.
ᓴᐳᑎᓚᐅᓐᖓ ᓛᔭᐅᑉ ᖃᓂᖓᓂᑦ! ᐃᒻᒧᒃᓯᐅᒊᓪᓗ ᓄᔪᐊᕐᑐᑦ ᓇᒡᔪᖏᓐᓂᑦ, ᐃᕝᕕᓪᓕ ᓴᐳᑎᓚᐅᕐᐸᕐᒪ.
ᐅᕙᓐᓂᒃ ᑕᑯᔪᑦ ᑕᒪᕐᒥᒃ ᐃᔪᕆᕚᖓ ᒥᑕᐅᑎᒋᓪᓗᖓ; ᖃᓂᕐᒥᖕᓄᓪᓗ ᐅᖃᕐᓂᕐᓗᒡᕕᒋᕚᖓ, ᐃᓕᕿᑕᒫᕐᓗᑎᒡᓗ, ᐅᖃᕐᐳᑦ,
ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ ᑕᑯᓐᓇᑐᐃᓐᓇᕐᓂᐊᕐᐲᑦ? ᓴᐳᑎᓚᐅᓐᖓ ᐊᓯᕈᐃᓇᓱᐊᕐᓂᖏᓐᓂᑦ, ᐃᓅᓯᕋᓗ ᐱᐅᓕᓗᒍ ᓔᔭᓂᑦ.
ᖃᓂᕐᒥᖕᓂᒡᓗ ᐂᑦᑕᕐᓗᑎᒃ ᐅᕙᓐᓄᑦ ᐅᖃᕐᐳᑦ, “ᐋᕼᐊ, ᐋᕼᐊ, ᐃᔨᑦᑎᓐᓄᑦ ᓇᖕᒥᓂᖅ ᑕᑯᕙᕗᑦ.”
ᓛᔭᑎᑐᑦ ᐅᕙᓐᓂᒃ ᐊᓕᒃᑐᕐᓯᖁᓇᒋᑦ, ᑎᒥᒐ ᐊᒡᒍᕐᑕᐅᖁᓇᒍ, ᓴᐳᑦᔨᔨᒃᓴᖃᕐᑎᓐᓇᖓ.
ᐊᑭᕋᖏᑕ ᒥᑕᐅᑎᒋᕚᑦ ᖀᒥᒋᓪᓗᒍᓗ ᐅᖃᕐᐳᑦ ᐊᓯᕈᕐᑕᐅᕋᑕᕐᐳᑦ, ᑍᒤᑕᐅᖁᓪᓗᒍ ᐅᑕᖅᑭᐊᕆᕙᓚᐅᕐᑕᕗᑦ ᐊᑑᑎᑎᑕᐅᓕᕐᐳᖅ.
ᐊᑭᕋᓕᒫᕗᑦ ᖃᓂᑎᒃ ᒪᑐᐃᕐᐹᑦ ᐊᑭᕋᕐᑐᕐᓗᑕ.
ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.
