ᐃᓐᖏᕈᑎᑦ 21:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑲᑎᒐᕕᐅᒃ ᓮᒻᒪᕐᑎᑦᑎᑦᔪᑎᓂᒃ ᐅᓄᕐᑐᓂᒃ ᑐᓂᓪᓗᒍ; ᓂᐊᖂᑎᓗ ᐱᐅᓂᕐᐹᖅ ᒎᓗ ᐃᓕᒐᕕᐅᒃ ᓂᐊᖁᐊᓄᑦ.

ᐃᓐᖏᕈᑎᑦ 21:3 Iomraidhean Croise

ᓴᒧᐃᓕ ᐂᑉᐸᖏᑦ 12:30

ᐊᒧᓁᑎᓪᓗ ᐊᖓᔪᖅᑳᕐᔪᐊᖓᑕ ᓂᐊᖁᐊᓂᑦ ᓂᐊᖂᑎᒥᒃ ᒎᓗᒥᒃ ᑎᒍᓯᕗᖅ ᐅᖁᒤᓐᓂᓕᖕᒥᒃ 75ᐸᐅᒥᒃ ᑕᑯᒥᓇᕐᑐᓂᒃ ᓴᐸᖓᖃᐅᕐᑐᒥᒃ, ᑍᕕᑎᐅᓪᓗ ᓂᐊᖁᐊᓄᑦ ᐃᓕᔭᐅᕗᖅ. ᐱᖁᑎᑖᕐᓗᓂᓗ ᐃᒡᓗᒐᓮᑦ ᐱᖁᑎᖏᓐᓂᒃ, ᐊᖏᔪᕐᔪᐊᓂᒃ ᓵᓚᖃᐅᓯᐊᕆᓪᓗᒋᑦ.

ᓴᒧᐃᓕ ᐂᑉᐸᖏᑦ 2:4

ᔫᑕᐅᓪᓗ ᐃᓄᖏᑕ ᐅᐸᒃᐹᑦ ᕼᐃᐸᕋᓐᒧᑦ, ᑕᕝᕙᓂᓗ ᑍᕕᑎ ᐅᕐᓱᕐᑎᕐᐹᑦ ᐊᖓᔪᖅᑳᕐᔪᐊᓐᖑᕐᑎᓪᓗᒍ ᔫᑕᒥᐅᓄᑦ. ᑍᕕᑎᓗ ᐅᖃᐅᑎᕚᑦ “ᔭᐲᓯ-ᒋᓖᑎᒥᐅᑦ ᐃᓗᕕᕐᓯᓚᐅᕐᐳᑦ ᓴᐅᓕᒥᒃ.”

ᓴᒧᐃᓕ ᐂᑉᐸᖏᑦ 5:3

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑕ ᐊᖓᔪᖅᑳᓕᒫᖏᑦ ᐊᖓᔪᖅᑳᕐᔪᐊᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒦᑦᑐᒧᑦ; ᑍᕕᑎᐅᓪᓗ ᐊᖏᖃᑎᒋᓚᐅᕐᐰᑦ ᐊᑕᓂᐅᑉ ᓵᖓᓂ, ᑖᒃᑯᓇᓐᖓᓪᓗ ᓇᐹᕐᑑᑉ ᐅᕐᓱᖓᓄᑦ ᑕᕝᕙᓂ ᐅᕐᓱᕐᑎᕐᑕᐅᕗᖅ, ᐊᖓᔪᖅᑳᕐᔪᐊᓐᖑᕐᑎᓪᓗᒍ ᐃᓴᕆᐊᓕᒥᐅᓄᑦ.

ᑯᕉᓂᑲ ᓯᕗᓪᓖᑦ 20:2

ᑍᕕᑎᐅᓪᓗ ᐊᖓᔪᖅᑳᕐᔪᐊᑉ ᓂᐊᖂᑎᖓ ᑎᒍᕚ ᓂᐊᖁᖓᓂᑦ; ᖃᐅᔨᓪᓗᒍᓗ ᒎᓘᑉ ᐅᖁᒤᓐᓂᖃᕐᓂᖓᓂᒃ ᑖᓚᓐᑎᒥᒃ, ᓂᐊᖂᑎᓗ ᐅᔭᕋᖃᕐᐳᖅ ᑕᑯᒥᓇᕐᑐᓂᒃ; ᑍᕕᑎᐅᓪᓗ ᓂᐊᖁᖓᓄᑦ ᐃᓕᔭᐅᕗᖅ. ᐃᒡᓗᒐᓮᓪᓗ ᐱᖁᑎᕕᓂᖏᑦ ᑎᒍᕔᑦ, ᐊᖏᔪᕐᔪᐊᑦ.

ᑯᕉᓂᑲ ᐂᑉᐸᖏᑦ 6:41

ᒫᓐᓇᓗ, ᒪᑭᓕᕆᑦ ᐊᑕᓃᖅ ᒎᑏ, ᐃᓂᖕᓄᐊᓕᕆᑦ ᑕᕾᕐᓯᕐᕕᖕᓄᑦ, ᐃᕝᕕᑦ ᐃᒃᓯᕐᕕᖁᑏᓪᓗ ᓲᖑᔫᑦᔪᑏᑦ. ᑐᓂᕐᕈᓯᕐᑎᑦᓯᔨᖁᑎᑎᑦ, ᐊᑕᓃᖅ ᒎᑏ, ᐊᓐᓄᕌᕐᑎᓚᐅᒃᑭᑦ ᐱᐅᓕᔭᐅᓂᕐᒥᒃ, ᐃᑦᔪᕐᓁᑦᑐᖁᑎᑎᓪᓗ ᖁᕕᐊᓱᒃᑎᒃᑭᑦ ᐱᐅᔫᓂᕐᓄᑦ.

ᔫᐱᐅᑉ ᐊᒡᓚᖏᑦ 41:11

ᓇᓪᓕᐊᑦ ᑍᒤᑦᑐᒥᒃ ᐱᒋᐊᕈᓐᓇᕐᐹ ᐊᑭᒋᐊᕐᑕᐅᖏᓪᓗᓂ? ᓄᓇᕐᔪᐊᓕᒫᒥ ᑍᒤᓕᐅᕈᓐᓇᕐᑐᕐᑕᖃᓐᖏᓚᖅ.

ᐃᓐᖏᕈᑎᑦ 18:18

ᑖᒃᑯᓄᖓ ᐅᐸᒃᑐᕐᑕᐅᓚᐅᕋᒪ ᐅᖁᒤᒃᓴᕐᑎᓪᓗᖓ, ᐊᑕᓂᕐᓕ ᐃᑲᔪᕐᑎᒋᓚᐅᕐᐸᕋ.

ᐃᓐᖏᕈᑎᑦ 20:5

ᖁᕕᐊᓱᖕᓂᕐᒥᒃ ᓂᓪᓕᐊᔪᒫᕐᐳᒍᑦ ᓵᓚᖃᕐᓂᕐᓂᒃ, ᒎᑎᑦᑕᓗ ᐊᑎᖓᓂ ᓮᒻᒪᑎᕗᑦ ᓇᑉᐸᕐᑎᑦᓱᒪᕙᕗᑦ! ᐊᑕᓂᐅᑦᑐᖅ ᕿᓄᐊᕆᔭᓕᒫᕐᓂᒃ ᑐᓂᓯᕕᒋᓕᑎᑦ.

ᐃᓐᖏᕈᑎᑦ 31:19

ᐱᐅᔫᓃᑦ ᐊᖏᔪᐊᓘᕗᖅ, ᖁᒥᕐᕈᑎᒋᔧᑦ ᐃᓕᖕᓂᒃ ᓯᕘᕋᔪᓄᑦ, ᑕᒪᓐᓇ ᐸᕐᓇᒃᓯᒪᔧᑦ ᐃᓕᖕᓂᒃ ᑕᑎᖃᕐᑐᓄᑦ ᐃᓄᐃᑦ ᕿᑐᕐᖓᖏᑕ ᑕᒃᑯᐊᓐᓂ!

ᐃᓐᖏᕈᑎᑦ 59:10

ᒎᑎᒪ ᓇᒡᓕᖕᓂᕐᒥᓄᑦ ᓱᖁᓯᔪᐃᑦᑐᒧᑦ ᐅᐸᖕᓂᐊᕐᐹᖓ; ᒎᑎᐅᓪᓗ ᑕᑯᑎᓐᓂᐊᕐᐹᖓ ᐊᑭᕋᕐᑐᕐᑎᒃᑲ ᓵᓚᐅᑎᓪᓗᒋᑦ.

ᕉᒪᒥᐅᓄᑦ 11:35

ᑭᐊᓗ ᑐᓂᕐᕈᒻᒥᒃ ᑐᓂᓯᕕᒋᓯᒪᕙᐅᒃ, ᐊᑭᓖᔭᕆᐊᖃᓕᕐᑎᓪᓗᓂᐅᒃ?”

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᐄᑉᕈᐃᓄᑦ 2:9

ᔩᓱᓯᓕ ᑕᑯᕙᕗᑦ, ᓯᕕᑭᑦᑐᒥᒃ ᐂᖏᓖᓂᑦ ᒥᑭᓐᓂᕐᓴᐅᑎᑕᐅᓚᐅᕐᐳᖅ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᖁᑦᔪᑎᖃᖁᓪᓗᒍ ᑕᒤᓐᓂᒃ. ᒫᓐᓇᓕ ᑕᑯᓕᕐᐸᕗᑦ ᓂᐊᖂᓯᕐᑕᐅᓯᒪᖕᒪᑦ ᓂᕐᑐᕐᓇᕐᓂᕐᔪᐊᒥᒃ ᐅᐱᒋᔭᐅᓂᕐᒥᒡᓗ; ᐋᓐᓂᐊᑎᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:12

ᐃᔨᖏᒡᓗ ᐃᑯᐊᓚᔪᑎᑐᑦ ᑍᒤᑉᐴᒃ, ᓂᐊᖂᑎᖃᕐᐳᕐᓗ ᐊᖓᔪᖅᑳᐅᓂᖓᑕ ᓇᓗᓁᒃᑯᑕᖏᓐᓂᒃ ᐊᒥᓱᓂᒃ; ᐊᑎᖓᓗ ᑕᕝᕙᓂ ᑎᑎᕋᕐᓯᒪᕗᖅ ᑭᓇᒧᓪᓘᓃᑦ ᖃᐅᔨᔭᐅᔪᓐᓇᖏᑦᑐᖅ ᑖᑦᓱᒪ ᑭᓯᒥ ᖃᐅᔨᒪᔭᑐᐊᕆᕚ.

ᓴᒧᐃᓕ ᓯᕗᓪᓖᑦ 16:13

ᑕᕝᕙ ᓴᒧᐃᓕᐅᑉ ᓇᒡᔪᒃ ᐅᕐᓱᒥᒃ ᐃᒪᓕᒃ ᑎᒍᕚ, ᐅᕐᓱᕐᑎᕐᓗᒍᓗ ᖃᑕᓐᖑᑎᖏᑦ ᑕᑯᓐᓇᕐᑎᓪᓗᒋᑦ; ᐊᑕᓂᐅᓪᓗ ᐊᓂᕐᓂᖓᑕ ᐱᔪᓐᓇᕐᓂᖓ ᑍᕕᑎᒧᐊᕐᐳᖅ ᐅᓪᓗᒥ ᑕᕝᕙᓂ ᓇᔪᐃᓐᓇᓕᕐᓗᒍᓗ. ᓴᒧᐃᓕᓗ ᒪᑭᓐᓇᒥ, ᕌᒪᒧᐊᕐᐳᖅ.