ᐃᓐᖏᕈᑎᑦ 21:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓃᖅ, ᐊᖓᔪᖅᑲᕐᔪᐊᖅ ᓴᓐᖏᔫᓂᕐᓂᒃ ᖁᕕᐊᓲᑎᖃᕐᐳᖅ; ᐃᑲᔪᕐᓂᕐᓂᒡᓗ ᐊᖏᔪᒥᒃ ᖁᕕᐊᓲᑎᖃᒻᒪᕆᒃᐳᖅ!

ᐃᓐᖏᕈᑎᑦ 21:1 Iomraidhean Croise

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᐃᓐᖏᕈᑎᑦ 20:9

ᐱᐅᓕᕐᓯᓚᐅᕆᑦ ᐊᑕᓃᖅ! ᐊᖓᔪᖅᑳᕐᔪᐊᑉ ᑭᐅᓕᑎᒍᑦ ᓂᓪᓕᐊᔭᕌᖓᑦᑕ.

ᐃᓐᖏᕈᑎᑦ 28:7

ᐊᑕᓂᖅ ᓴᓐᖏᔫᑦᔪᑎᒋᕙᕋ ᓴᐴᓗᑕᕆᓪᓗᒍᓗ; ᐆᒻᒪᑎᒪ ᑕᑎᒋᖕᒪᒍ, ᐃᑲᔪᕐᐹᖓᓗ; ᑍᒤᒻᒪᑦ ᐆᒻᒪᑎᒐ ᐊᖏᔪᒥᒃ ᖁᕕᐊᓱᒃᐳᖅ, ᐃᓐᖏᕈᓯᕐᒧᓪᓗ ᖁᔭᒋᔪᒪᕙᕋ.

ᐃᓐᖏᕈᑎᑦ 62:7

ᒎᑎᒥᑦ ᐱᐅᓕᔭᐅᓂᕋ ᐱᓐᓇᕐᓇᕐᑎᑕᐅᓂᕋᓗ ᐱᖕᒪᑎᒃ; ᕾᕐᑐᕆᕙᕋ ᐊᔪᖏᑦᑐᕐᔪᐊᖅ, ᕿᒫᕕᒋᔭᕋ ᒎᑎ.

ᐃᓐᖏᕈᑎᑦ 63:11

ᐊᖓᔪᖅᑳᕐᔪᐊᕐᓕ ᖁᕕᐊᓱᒍᒫᕐᐳᖅ ᒎᑎᒥ; ᒎᑎᒥᒡᓗ ᐊᖏᕈᑎᖃᕐᑐᓕᒫᑦ ᑖᑦᓱᒥᖓ ᓂᕐᑐᓕᕈᒫᕐᐳᑦ, ᓴᒡᓗᑐᔪᑦ ᖃᓂᖏᑦ ᓂᐸᖏᕐᑎᑕᐅᔪᒫᕐᒪᑕ.

ᐃᓐᖏᕈᑎᑦ 71:17

ᒎᑏ, ᐊᔪᕆᕐᑐᕋᕕᖓ ᑍᒪᓐᖓᑦ ᐃᓅᓱᒃᑑᓂᓐᓂᑦ, ᐱᓂᐊᕐᓂᑎᓪᓗ ᑲᒪᓇᕐᑐᑦ ᓱᓕ ᐅᓪᓗᒥ ᐅᖃᐅᓯᕆᕙᒃᑲ.

ᐃᓐᖏᕈᑎᑦ 95:1

ᕾᓗᓯ, ᐊᑕᓂᖅ ᐃᓐᖏᕐᕕᒋᓚᕗᑦ; ᖁᕕᐊᓱᒡᓗᑕ ᕾᒐᓛᓚᐅᕐᑕ ᐱᐅᓕᔭᐅᓂᑦᑕ ᕾᕐᑐᕆᔭᖓᓄᑦ!

ᐃᓐᖏᕈᑎᑦ 99:4

ᐊᖓᔪᖅᑳᕐᔪᐊᖅ ᐊᔪᖏᑦᑐᕐᔪᐊᖑᔪᑎᑦ ᓇᒡᓕᒋᔭᖃᕐᐳᑎᑦ ᓈᒻᒪᓈᕐᓯᒪᔪᒥᒃ; ᐋᖅᑭᒃᓯᓯᒪᕗᑎᑦ ᑍᒤᓪᓘᐊᕇᒃᑎᑦᓯᓂᕐᒥᒃ; ᓈᒻᒪᓈᕐᓯᒪᔪᒥᒃ ᐃᓱᐊᕐᑐᓕᓂᕐᒥᒡᓗ ᐋᖅᑭᒃᓯᕗᑎᑦ ᔧᑯᒃᑯᓐᓂ.

ᒫᑎᐅᓯᐅᑉ ᐊᒡᓚᖏᑦ 2:2

ᐊᐱᕆᓪᓗᑎᒡᓗ, “ᔫᑎᑦ ᐊᖓᔪᖅᑳᕐᔪᐊᒃᓴᖓᑦ ᐃᕐᓂᐊᖑᓯᒪᔪᖅ ᓇᓃᑉᐹ? ᑖᑦᓱᒪ ᐅᓪᓗᕆᐊᖓ ᓴᖅᑭᓚᐅᕐᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᑎᑭᑉᐳᒍᑦ ᐅᐱᒋᔭᕐᑐᕐᓗᒍ.”

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.