9 ᐱᐅᓕᕐᓯᓚᐅᕆᑦ ᐊᑕᓃᖅ! ᐊᖓᔪᖅᑳᕐᔪᐊᑉ ᑭᐅᓕᑎᒍᑦ ᓂᓪᓕᐊᔭᕌᖓᑦᑕ.
ᓂᓪᓕᐊᕕᒋᕙᒋᑦ, ᑭᐅᓂᐊᕐᐸᕐᒪᓗ, ᒎᑏ; ᓯᐅᑏᒃᑭᒃ ᒪᓂᓚᐅᒃᑭᒃ ᐅᕙᓐᓄᑦ, ᐅᖃᐅᓯᒃᑲᓗ ᓈᓚᒡᓗᒋᑦ.
ᓂᐊᖁᓯ ᐋᕐᓗᕐᓯᐅᒃ, ᐃᑎᕐᑕᕐᕕᐅᔪᓯ; ᒪᑭᑎᑕᐅᓕᕆᑦᓯ ᑍᑦᓱᒪᓂᐊᓗᖕᓂᑦ ᐅᒃᑯᐊᖑᔪᓯ, ᐊᖓᔪᖅᑳᕐᔪᐊᖅ ᐱᓐᓇᕐᓇᕐᓂᕐᔫᔪᖅ ᐃᑎᖁᓪᓗᒍ.
ᒪᑭᓕᕆᑦ ᐊᑕᓃᖅ; ᒎᑎᒐ ᓴᐳᑎᓗᖓ! ᐊᑭᕋᕐᑐᕐᑎᒃᑲ ᐊᒡᓕᕈᖏᑎᒍᑦ ᐊᓇᐅᓯᒪᒐᕕᒋᑦ, ᒎᑎᖃᖏᑦᑐᑦ ᑭᒍᑎᖏᑦ ᓯᖁᒥᓯᒪᕙᑎᑦ.
ᐊᖓᔪᖅᑳᔪᐊᕆᕙᒋᑦ, ᒎᑎᒋᓪᓗᑎᓪᓗ; ᓵᓚᖃᐅᑦᔨᕗᑎᓪᓗ ᔧᑯᒥᒃ.
ᐃᓗᖏᕐᓱᕐᓗᖓ ᓂᓪᓕᐊᓂᕋ ᑐᓴᓚᐅᕈᒃ, ᐃᓕᖕᓄᑦ ᑐᒃᓯᐊᕐᓂᐊᕋᒪ, ᐊᖓᔪᖅᑳᕐᔪᐊᕆᒐᒃᑭᑦ, ᒎᑎᒋᓪᓗᑎᓪᓗ.
ᒎᑎ, ᐊᖓᔪᖅᑳᕐᔪᐊᕆᕙᕋ ᑍᑦᓱᒪᓂᑐᖄᓗᖕᓂᑦ, ᐱᓇᓱᐊᕐᑐᖅ ᐱᐅᓕᔭᐅᓂᕐᒥᒃ ᓄᓇᕐᔪᐊᑉ ᐊᑯᕐᖓᓂ.
ᐊᑕᓂᕐᒥᒡᓕ ᐅᑕᖅᑭᔪᑦ, ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᔪᒫᕐᐳᑦ, ᐃᓴᕈᕐᒥᖕᓄᑦ ᑎᖏᔪᒫᕐᐳᑦ ᓇᒃᑐᕋᓕᒃᑎᑐᑦ, ᐅᓪᓚᒃᓯᔪᒫᕐᐳᑦ ᑕᖃᓂᐊᕈᓐᓃᕐᓗᑎᒃ, ᐱᓱᓕᕈᒫᕐᐳᑦ ᓅᑮᕈᑎᓂᐊᕈᓐᓃᕐᓗᑎᒡᓗ.
ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖏᑦ ᐱᖁᔭᓂᒡᓗ ᐃᓕᓮᔩᑦ ᓂᓐᖓᐅᒪᓕᕐᐳᑦ, ᑕᑯᒐᒥᒃ ᔩᓱᓯᐅᑉ ᐱᓂᐊᕐᓂᖏᓐᓂᒃ ᑲᒪᓇᕐᑐᓂᒃ, ᓱᕈᓰᓪᓗ ᑕᕝᕙᓂ ᑐᒃᓯᐊᕐᕕᒡᔪᐊᕐᒥ ᕾᒐᓛᕐᓂᖏᓐᓄᑦ, “ᕼᐆᓵᓇ ᑍᕕᑎᐅᑉ ᐃᕐᓂᖓ!”
ᐃᓄᒐᓴᒡᔪᐊᑦ ᔩᓱᓯᐅᑉ ᓯᕗᓂᖓᓂ ᐱᓱᒃᑐᑦ, ᑭᖑᓂᖓᓃᑦᑐᓪᓗ ᕾᒐᓛᓕᕐᐳᑦ, “ᕼᐆᓵᓇ ᑍᕕᑎᐅᑉ ᐃᕐᓂᖓ ᓂᕐᑐᕐᑕᐅᓕ, ᒎᑎᐅᑉ ᓮᒻᒪᕐᓕᐅᒃ ᐊᑕᓂᐅᑉ ᐊᑎᖓᓂ ᑎᑭᑦᑐᖅ! ᕼᐆᓵᓇ ᓂᕐᑐᕐᑕᐅᓕ ᖁᑦᓯᖕᓂᕐᐹᖅ!”
