ᐃᓐᖏᕈᑎᑦ 20:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᒫᓐᓇᓕ ᖃᐅᔨᒪᕗᖓ ᐊᑕᓂᐅᑉ ᐅᕐᓱᕐᑎᕐᓯᒪᔭᓂ ᐃᑲᔪᕐᓂᐊᕐᒪᒋᑦ; ᑐᓴᕐᓂᐊᕐᐹᓗ ᕿᓚᖕᒥᑦ ᐃᑦᔪᕐᓁᑦᑐᒥᑦ ᐱᐅᓕᕐᓯᓂᕐᒥᓄᑦ ᓴᓐᖏᔪᒧᑦ ᑕᓕᕐᐱᖕᒥᓄᑦ.

ᐃᓐᖏᕈᑎᑦ 20:6 Iomraidhean Croise

ᐊᑕᓃᑦ ᓯᕗᓪᓖᑦ 8:30

“ᐱᔨᕕᑦ ᑐᒃᓯᐊᕐᓂᖓ ᑐᓴᓚᐅᕈᒃ ᐃᓄᖁᑎᕕᓪᓗ ᐃᓴᕆᐊᓕᑏᑦ ᑐᒃᓯᐊᕐᓂᖏᑦ, ᑐᒃᓯᐊᕌᖓᑕ ᐅᕗᖓ ᓵᓐᖓᓗᑎᒃ; ᑐᓵᖃᑦᑕᕆᑦ ᕿᓚᖕᒥᑦ ᐃᓂᒋᔭᕐᓂᑦ; ᑐᓵᑐᐊᕈᕕᑦ ᐃᓱᒪᒋᔪᓐᓁᕐᕕᒋᑎᒍᑦ.

ᐊᑕᓃᑦ ᓯᕗᓪᓖᑦ 8:43

ᑐᒃᓯᐊᓂᖏᑦ ᑐᓴᒃᑭᑦ, ᕿᓚᖕᒥᑦ ᐃᓂᒋᔭᕐᓂᑦ, ᐱᓇᓱᐊᕐᓗᑎᓪᓗ ᓄᓇᓕᑐᖃᐅᖏᑦᑐᑦ ᓂᓪᓕᐊᑦᔪᑎᒋᔭᓕᒫᖏᓐᓂᒃ; ᓄᓇᕐᔪᐊᕐᒥᐅᓕᒫᑦ ᐃᓄᐃᑦ ᐊᑎᕐᓂᒃ ᖃᐅᔨᓕᖁᓗᒋᑦ ᐃᓕᖕᓂᒡᓗ ᐃᓕᕋᒋᔭᖃᓕᕐᓗᑎᒃ ᐃᓴᕆᐊᓕᒥᐅᑎᑐᑦ, ᖃᐅᔨᒪᖁᓪᓗᒋᑦ ᐅᓇ ᐃᒡᓗᓕᐊᕋ ᐊᑎᕐᓂᒃ ᑐᓐᖓᕕᖃᕐᒪᑦ.

ᐃᓐᖏᕈᑎᑦ 17:7

ᓇᒡᓕᖕᓂᕐᒧᑦ ᓱᖁᓯᔪᐃᑦᑐᒧᑦ ᑲᒪᑦᓯᐊᕐᓃᑦ ᓴᖅᑭᑎᓚᐅᕈᒃ ᑲᒪᓇᕐᑐᖅ ᐊᒡᒐᖕᓄᑦ ᑕᓕᕐᐱᖕᓄᑦ, ᐃᕝᕕᑦ ᓴᐳᑦᔨᒐᕕᑦ ᐃᓕᖕᓂᒃ ᑕᑎᖃᕐᑐᓂᒃ.

ᐃᓐᖏᕈᑎᑦ 18:35

ᓴᐴᓗᑕᕐᒥᒃ ᑐᓂᓯᕕᒋᒋᕙᕐᒪ, ᐱᐅᓕᔭᐅᓂᐅᑉ ᓴᐴᓗᑕᖓᓂᒃ; ᐊᒡᒐᖕᓄᓪᓗ ᑕᓕᕐᐱᖕᓄᑦ, ᒪᑭᑕᑎᑉᐸᕐᒪ, ᐱᑦᓯᐊᕐᓂᕕᓪᓗ ᓂᑲᒍᓱᒃᑑᑉ ᐊᔪᖏᑦᑐᕐᔪᐊᓐᖑᕐᑎᑉᐹᖓ.

ᐃᓐᖏᕈᑎᑦ 18:50

ᐊᖓᔪᖅᑳᔪᐊᖁᑎᒥᓂᒃ ᓴᐳᑦᔨᓂᖓ ᐊᖏᔪᐊᓘᕗᖅ, ᐅᕐᓱᕐᑎᕐᓯᒪᔭᒥᓄᑦ ᓇᒡᓕᒍᓱᖕᓂᓂ ᓴᖅᑭᑎᑉᐹ, ᑍᕕᑎᒧᑦ ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 2:2

ᓄᓇᒥ ᐊᖓᔪᖅᑳᕐᔪᐊᑦ ᐸᕐᓇᓕᕐᐳᑦ, ᐊᐅᓚᑦᓯᔨᓪᓗ ᐃᓱᒪᓕᐅᖃᑎᒌᒃᐳᑦ, ᐊᑭᕋᕐᑐᕈᒪᓪᓗᑎᒃ ᐊᑕᓂᕐᒥᒃ, ᐅᕐᓱᒧᓪᓗ ᒥᖑᐊᕐᓯᒪᔭᖓᓂᒃ, ᐅᖃᕐᓗᑎᒃ;

ᐃᓐᖏᕈᑎᑦ 28:8

ᐊᑕᓂᖅ ᓴᓐᖏᔫᑦᔪᑎᒋᕙᕋ, ᐅᕐᓱᕐᑎᕐᓯᒪᔭᖓᑕ ᓴᐳᑦᔭᐅᕕᒋᓗᒍ ᕿᒫᕕᒃᓴᕆᖕᒪᒍ.

ᐃᓐᖏᕈᑎᑦ 41:11

ᖃᐅᔨᒪᕗᖓᓕ ᖁᕕᐊᒋᑦᓯᐊᕋᕕᖓ, ᐊᑭᕋᕐᑐᕐᑎᒃᑲ ᓵᓚᖃᕈᓐᓇᖏᒻᒪᑕ ᐅᕙᓐᓂᒃ.

ᐃᓐᖏᕈᑎᑦ 9:15

ᐃᓅᖃᑎᒌᒡᔪᐊᑦ ᑭᕕᓯᒪᕗᑦ ᐃᑎᕐᓴᕐᔪᐊᕐᒧᑦ ᓴᓇᓯᒪᔭᒥᖕᓄᑦ; ᓄᓗᐊᓄᑦ ᓇᖕᒥᓂᖅ ᐃᔨᕐᓯᒪᔭᒥᖕᓄᑦ ᐃᑎᒐᖏᑦ ᓂᒐᕕᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 58:9

ᑕᕝᕙ ᓂᓪᓕᐊᓕᕈᑦᓯ, ᐊᑕᓂᐅᑉ ᑭᐅᖃᑦᑕᕐᓂᐊᕐᐹᓯ; ᓂᓪᓕᐊᑐᐊᕌᖓᑦᓯᓗ ᐃᑲᔪᕐᑕᐅᔪᒪᓗᓯ ᐅᖃᖃᑦᑕᕐᓗᓂ “ᐅᕝᕙᐅᕗᖓ.” “ᐅᖁᒤᒃᓴᕐᑎᑦᓯᓂᕐᒥᒃ ᐊᓯᑦᓯᓐᓂᒃ ᕿᒤᓂᐊᕈᑦᓯ, ᐃᖅᑲᕐᑐᖃᑦᑕᐅᑎᓂᕐᒥᒃ, ᐱᐅᖏᑦᑐᓂᒡᓗ ᐅᖃᐅᓯᖃᕐᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 63:15

ᐊᒻᒧᑦ ᑕᑯᓴᓚᐅᕆᑦ ᕿᓚᖕᒥᑦ ᑕᑯᓗᑎᓪᓗ, ᐃᑦᔪᕐᓁᑦᑐᒥᑦ ᓂᕐᑐᕐᓇᕐᑐᒥᓪᓗ ᐃᓂᒋᔭᕐᓂᑦ, ᓇᐅᒡᓕ ᐊᔪᐃᓐᓇᕈᓐᓇᕐᓃᑦ ᐱᔪᓐᓇᕐᓂᕐᔪᐊᓪᓗ? ᐆᒻᒪᑎᕕᓪᓗ ᐊᑯᓂᒍᓱᖕᓂᖓ ᓇᒡᓕᒍᓱᖕᓃᓪᓗ ᐅᕙᑦᑎᓐᓄᑦ ᑎᑭᑎᑦᓱᓐᓁᓪᓕᒐᕕᒋᑦ.

ᒤᑲᐅᑉ ᐊᒡᓚᖏᑦ 4:5

ᐃᓅᖃᑎᒌᒡᔪᐊᑦ ᒎᑎᒥᖕᓄᑦ ᐃᓅᒐᓗᐊᕐᐸᑕ, ᐅᕙᒍᓪᓕ ᐃᓅᓂᐊᕐᐳᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 6:9

ᑍᒤᒻᒪᑦ ᐃᒫᒃ ᑕᕝᕙ ᑐᒃᓯᐊᕐᑐᒃᓴᐅᕗᓯ: ‘ᐊᑖᑕᕗᑦ ᕿᓚᖕᒦᑦᑐᑎᑦ: ᐊᑏᑦ ᐃᑦᔪᕐᓁᑦᑐᖅ ᐃᓱᒪᒋᔭᐅᑦᓯᐊᕐᓕ;

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:36

“ᐃᓕᑦᓯ ᐃᓴᕆᐊᓕᒥᐅᖑᔪᓯ ᑕᒪᑦᓯ, ᖃᐅᔨᒪᑦᓯᐊᓕᕆᑦᓯ ᔩᓱᓯ ᑭᑭᐊᒃᑐᓚᐅᕐᑕᓯ, ᑖᓐᓇ ᒎᑎᐅᑉ ᐊᑕᓂᓐᖑᕐᑎᓚᐅᕐᐹ ᙭ᔅᑑᓯᓐᖑᕐᑎᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:10

ᖃᐅᔨᒪᓕᕆᑦᓯ ᑕᒪᑦᓯ ᐃᓴᕆᐊᓕᒥᐅᓕᒫᓪᓗ, ᐅᓇ ᓵᑦᓯᓐᓃᑦᑐᖅ; ᔩᓱᓯ ᙭ᔅᑑᓯ ᓈᓴᕇᑎᒥᐅᑉ ᐱᔪᓐᓇᕐᓂᖓᒍᑦ; ᑖᑦᓱᒪ ᑭᑭᐊᒃᑐᓚᐅᕐᑕᑦᓯ, ᒎᑎᐅᓪᓕ ᑐᖁᒥᑦ ᒪᑭᑎᓚᐅᕐᑕᖓᑕ ᐋᖅᑭᓚᐅᕐᐹ; ᒫᓐᓇ ᓵᑦᓯᓐᓂ ᓇᖏᓕᕐᐳᖅ ᖃᓄᐃᖏᑦᓯᐊᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.