4 ᕿᓚᖕᒥ ᑕᕝᕙ ᐃᒃᓯᕙᔪᖅ ᐃᔪᕈᒫᕐᐳᖅ; ᐊᑕᓂᐅᑉ ᓇᓗᓕᕐᑎᑦᓱᒫᕐᒪᒋᑦ.
ᐃᒫᒃ ᐊᑕᓂᐅᑉ ᐅᖃᐅᓯᒃᓴᖃᕐᕕᒋᕚ: ᑖᑦᓱᒪ ᓇᕐᕈᒋᕚᑎᑦ, ᒥᑕᐅᑎᒋᓪᓗᑎᓪᓗ ᐅᐃᒡᒐᓲᔪᑎᑦ ᓮᐅᓂᐅᑉ ᐸᓂᖓ; ᐅᖃᐅᑎᒋᕚᑎᑦ ᖃᐅᔨᓐᖏᑎᓪᓗᑎᑦ ᔨᕉᓴᓕᐅᑉ ᐸᓂᖓ.
ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓃᑉᐳᖅ ᐃᑦᔪᕐᓁᑦᑐᕕᖁᑎᒥᓂ, ᐊᑕᓂᐅᑉ ᐃᒃᓯᕙᐅᑕᕐᔪᐊᖓ ᕿᓚᖕᒦᑉᐳᖅ; ᐃᔨᒋᓪᓗᓂ ᑕᑯᓐᓇᕐᐳᖅ, ᐃᔨᒥᓄᓪᓗ ᐃᓄᐃᑦ ᖃᐅᔨᓴᕐᐰᑦ.
ᒎᑎᕗᓪᓕ ᕿᓚᖕᒦᑉᐳᖅ; ᐱᓇᓱᐊᓲᖑᑦᓱᓂᓗ ᐱᓇᓱᐊᕈᒪᔭᒥᓂᒃ.
ᐃᓕᖕᓄᑦ ᐋᕐᓗᕐᐳᖓ, ᕿᓚᖕᓂ ᐊᖓᔪᖅᑲᐅᕕᖃᕐᑐᑎᑦ.
ᐊᑕᓂᐅᓪᓕ ᐃᔪᕆᕔᑦ ᐱᐅᖏᑦᑐᓕᔪᑦ, ᑕᑯᓐᓈᕋᒥ ᐅᓪᓗᒃᓴᖓᓂᒃ ᓇᓪᓕᐅᑎᔪᒫᕐᑐᒥᒃ.
ᑲᑉᐱᐊᓱᒃᑐᐊᓘᕗᑦ ᑲᑉᐱᐊᓇᕐᑐᖃᓐᖏᑎᓪᓗᒍ, ᐃᓕᑦᓯᓐᓂᒃ ᓱᕐᔪᒃᑐᑦ ᓴᐅᓂᖏᑦ ᒎᑎᐅᑉ ᓯᐊᒻᒪᕐᑎᓐᓂᐊᕐᒪᒋᑦ; ᑲᓐᖑᓇᕐᑐᒦᑎᑕᐅᓂᐊᕐᐳᑦ, ᒎᑎᐅᑉ ᖁᔭᓈᕐᓯᒪᖕᒪᒋᑦ.
ᐃᕝᕕᓪᓕ, ᐊᑕᓃᖅ, ᐃᔪᕆᕙᑎᑦ; ᐃᓅᖃᑎᒌᒡᔪᐊᑦ ᑍᒤᑦᑐᑦ ᒥᑕᐅᑎᒋᕙᑎᑦ.
ᓴᓐᖏᔫᑦᔪᑎᒋᒐᒃᑭᑦ, ᓂᕐᑐᕐᓗᑎᑦ ᐃᓐᖏᕐᕕᒋᓂᐊᕐᐸᒋᑦ; ᐃᕝᕕᑦ ᒎᑏ, ᕿᒫᕕᒋᓗᑎᑦ ᓴᐳᑦᔨᔨᒋᒐᒃᑭᑦ.
ᕿᓔᑦ ᕿᓚᖏᓐᓂ ᐃᑭᒪᔪᒧᑦ, ᑍᒪᓐᖓᓂᓴᐅᔪᒧᑦ! ᑕᑯᒋᑦ, ᓂᓪᓕᐊᕗᖅ ᐃᒃᑐᑑᕐᑐᒥᒃ, ᐊᔪᖏᑦᑐᕐᔪᐊᕐᒥᒃ ᓂᐱᖃᕐᓗᓂ.
ᐅᖁᒤᒃᓴᕐᓇᕐᑐᒦᓕᕈᕕᑦ ᐃᔪᕆᔪᒫᓕᕐᐸᒋᑦ; ᐅᐃᒪᔮᕐᓇᕐᑐᒦᓕᕈᕕᓪᓗ ᒥᑕᐅᑎᒋᔪᒫᓕᕐᐸᒋᑦ.
ᑖᓐᓇᐅᕗᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᔪᖅ ᓄᓇᕐᔪᐊᑉ ᐊᖕᒪᓗᕐᓂᖓᑕ ᖁᓛᓂ, ᐃᓄᐃᑦ ᓄᓇᒥ ᐱᒡᓕᕐᑕᐅᔮᕐᑐᑎᑐᑦ ᑍᒤᒻᒪᑕ, ᕿᓚᒃ ᐃᓯᕕᓯᒪᖕᒪᒍ ᑖᓗᑕᕐᑎᑐᑦ, ᑐᐱᕐᑎᑐᓪᓗ ᓇᑉᐸᕐᑎᓪᓗᒍ ᐃᓯᕐᓯᒪᕕᐅᔪᓐᓇᕐᓯᑎᓪᓗᓂᐅᒃ.
ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.
ᐊᑕᓂᖅ ᐃᒫᒃ ᐅᖃᕐᐳᖅ: “ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᓗ ᐃᑎᒐᓐᓄᑦ ᐃᑯᕐᕋᕆᓪᓗᒍ, ᓇᐅᒡᓕ ᑍᒪ ᐃᒡᓗᒃᓴᕋ? ᓇᓂᓗ ᐃᓂᖃᕈᓐᓇᕐᐳᖓ?
