ᐃᓐᖏᕈᑎᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐃᑎᒐᖏᑦ ᑯᓂᒃᑭᑦ ᓂᓐᖓᖁᓇᒍ, ᓂᓐᖓᒃᐸᑦ ᐊᓯᕈᕐᑕᐅᔪᓐᓇᕋᑦᓯ ᐱᓂᐊᕐᓂᑦᓯᓐᓂᑦ, ᓂᓐᖓᖕᓂᖓ ᕿᓚᒥᐊᐱᒃ ᓄᐃᔪᓐᓇᕐᒪᑦ. ᖁᕕᐊᓱᑦᓯᐊᕐᐳᑦ ᑖᑦᓱᒥᖓ ᑕᑎᖃᕐᑐᑦ.

ᐃᓐᖏᕈᑎᑦ 2:12 Iomraidhean Croise

ᒨᓯᓯ ᓯᕗᓪᓖᑦ 41:40

ᓄᓇᖁᑎᓐᓄᑦ ᑕᒤᓐᓄᑦ ᐊᖓᔪᖅᑳᓐᖑᕐᑎᑦᓱᒪᕙᒋᑦ, ᐃᓄᖁᑎᓕᒫᒃᑲᓗ ᑕᒪᕐᒥᒃ ᖃᓄᑐᐃᓐᓇᖅ ᐱᖁᔨᓂᕐᓂᒃ ᓈᓚᖁᓂᐊᕐᐸᒃᑲ; ᑭᓯᐊᓂ ᐊᖓᔪᖅᑳᕐᔪᐊᑉ ᐃᒃᓯᕙᐅᑕᖓ ᐱᑦᔪᑎᒋᓪᓗᒍ ᐃᓕᖕᓂᑦ ᐊᖓᔪᖅᑳᖑᓂᕐᓴᐅᓂᐊᕐᐳᖓ.”

ᐊᑕᓃᑦ ᓯᕗᓪᓖᑦ 19:18

ᓱᓕ ᐃᓄᖁᑎᖃᕐᐳᖓ ᐃᓴᕆᐊᓕᒥᐅᓂ 7,000ᓂᒃ ᐊᒥᐊᒃᑰᔪᓂᒃ, ᓰᖅᑯᕐᑐᓚᐅᖏᑦᑐᓂᒃ ᐰᓕᒧᑦ, ᑕᖅᑭᑕᒫᕐᓯᐅᑎᒧᓪᓗ ᑯᓂᒃᓯᓚᐅᖏᑦᑐᓂᒃ ᒎᑎᓐᖑᐊᒥᒃ.”

ᐃᓐᖏᕈᑎᑦ 1:6

ᐱᓇᓱᐊᑦᓯᐊᕐᑐᑦ ᐱᓂᐊᕐᓂᖏᑦ ᐊᑕᓂᐅᑉ ᖃᐅᔨᒪᕔᑦ, ᐱᐅᖏᑦᑐᓕᔪᓪᓕ ᐱᓂᐊᕐᓂᖏᑦ ᓄᖑᔪᒫᕐᐳᑦ.

ᐃᓐᖏᕈᑎᑦ 109:20

ᑍᒫᒃ ᐊᑕᓂᕐᒧᑦ ᐊᑭᓕᕐᑕᐅᓚᐅᕐᓕᑦ ᐊᑭᕋᕐᑐᕐᑎᒃᑲ, ᑕᕐᓂᓐᓂᒡᓗ ᐱᐅᖏᑦᑐᒥᒃ ᐅᖃᐅᓯᖃᕐᑐᑦ ᐊᑭᕋᕐᑐᕐᓗᖓ.

ᐃᓐᖏᕈᑎᑦ 2:5

ᑕᕝᕙ ᓂᓐᖓᒃᓯᒪᓂᕐᒥᓂᒃ ᐅᖃᕐᕕᒋᔪᒫᕐᐰᑦ, ᑲᑉᐱᐊᓱᒃᑎᓪᓗᒋᓪᓗ ᖁᕕᐊᓱᖏᓐᓂᕐᔪᐊᒥᓄ ᐅᖃᕐᓗᓂ,

ᐃᓐᖏᕈᑎᑦ 2:7

ᐊᑕᓂᐅᑉ ᐱᖁᔭᖓ ᐅᖃᐅᓯᕆᔪᒪᕙᕋ: ᐅᕙᓐᓄᑦ ᐅᖃᕐᒪᑦ, “ᐃᕐᓂᕆᕙᒋᑦ ᐅᓪᓗᒥ ᐃᕐᓂᕐᑖᕆᕙᒋᑦ.

ᐃᓐᖏᕈᑎᑦ 31:20

ᐃᕝᕕᑦ ᓇᔪᒐᕐᓂ ᖃᐅᔨᒪᔭᐅᖏᑦᑐᒥ ᐃᔨᕐᓯᒪᓂᐊᕐᐸᑎᑦ ᐃᓄᐃᑦ ᑐᖁᑦᓯᔪᒪᒧᑦ ᐃᓱᒪᓕᐅᖃᑎᒌᖕᓂᖏᓐᓂᑦ; ᐃᒡᓗᖕᓂ ᓴᐳᑎᓯᒪᓂᐊᕐᐸᑎᑦ ᖃᐅᔨᒪᔭᐅᖏᑦᑐᒥ ᐅᖃᕐᓂᑦ ᐸᓯᒃᓯᕐᑐᓂᑦ.

ᐃᓐᖏᕈᑎᑦ 34:8

ᐆᒃᓯᐅᒃ ᖃᐅᔨᓗᓯᓗ ᐊᑕᓂᖅ ᒪᒪᕐᑑᖕᒪᑦ; ᓮᒪᓇᕐᑐᒦᑉᐳᖅ ᐃᓄᒃ ᑖᑦᓱᒥᖓ ᑕᑎᖃᕐᑐᖅ!

ᐃᓐᖏᕈᑎᑦ 34:9

ᐊᑕᓂᖅ ᓯᕘᕋᒋᓯᐅᒃ, ᐃᓕᑦᓯ ᑖᑦᓱᒧᖓ ᐃᑦᔪᕐᓁᑦᑐᖁᑕᐅᔪᓯ, ᑖᑦᓱᒥᖓ ᑕᑎᖃᕐᑐᑦ ᓱᓇᒥᒃ ᑭᓐᖒᒪᔭᖃᖏᒻᒪᑕ.

ᐃᓐᖏᕈᑎᑦ 40:4

ᖁᕕᐊᓱᑦᓯᐊᕐᐳᖅ ᐃᓄᒃ ᐊᑕᓂᕐᒥᒃ ᑕᑎᖃᓕᕐᑐᖅ, ᐱᐅᔪᕆᔪᓂᒡᓗ ᐅᐱᒋᔭᖃᖏᑦᑐᖅ, ᓴᖑᕙᒃᑐᓂᒡᓗ ᒎᑎᐅᖏᑦᑐᓄᑦ ᐅᐱᒍᓱᖏᑦᑐᖅ.

ᐃᓐᖏᕈᑎᑦ 84:12

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᐃᓕᖕᓂᒃ ᑕᑎᖃᕐᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:20

ᐅᖃᐅᓯᕐᒥᒃ ᓈᓚᒃᑐᖅ ᐱᐅᔪᒥᒃ ᐊᔪᕈᓐᓃᕐᓂᐊᕐᐳᖅ, ᖁᕕᐊᓇᕐᑐᒦᑉᐳᖅ ᓇᓪᓕᐊᑦ ᐊᑕᓂᕐᒥᒃ ᑕᑎᖃᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᔨᕆᒤᐊᐅᑉ ᐊᒡᓚᖏᑦ 17:7

ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐊᑕᓂᕐᒥᒃ ᑕᑎᖃᕐᑐᖅ, ᓂᕆᐅᒋᓗᒍ ᑕᑎᖃᕐᑐᖅ ᐊᑕᓂᕐᒥᒃ.

ᕼᐆᓯᐊᑉ ᐊᒡᓚᖏᑦ 13:2

ᒫᓐᓇᓗ ᐊᔪᕐᑐᓕᕙᓪᓕᐊᑐᐃᓐᓇᕐᐳᑦ, ᓴᓇᕗᓪᓗ ᓴᕕᕋᔭᖕᓂᒃ ᐊᐅᒃᑎᑦᓯᓪᓗᑎᒃ ᒎᑎᓐᓐᖑᐊᒃᓴᒥᖕᓂᒃ, ᒎᑎᓐᖑᐊᓕᐅᕐᐳᑦ ᑕᑯᒥᓇᕐᑐᓂᒃ ᓯᐅᓪᕕᕆᓂᒃ, ᑲᑐᑦᔨᓪᓗᑎᒃ ᓴᓇᓐᖑᐊᕈᓐᓇᕐᑐᓄᑦ ᓴᓇᔭᐅᕗᑦ. ᑖᒃᑯᓄᖓ ᑐᓂᕐᕈᓯᓕᕋᒥᒃ ᐅᖃᕐᐳᑦ, “ᑐᓂᕐᕈᓯᕐᑐᑦ ᑯᓂᒃᓯᓕᑦ ᓄᕐᕋᐅᔭᓐᖑᐊᒥᒃ!”

ᔨᐸᓁᐊᐅᑉ ᐊᒡᓚᖏᑦ 2:2

ᐊᐅᓪᓚᕐᑎᑕᐅᓚᐅᖏᓐᓂᑦᓯᓐᓂ ᓂᐊᖂᔭᒃᓴᐅᑉ ᓴᓂᖓᑕ ᑎᒃᑕᐅᓂᖓᑐᑦ, ᐊᑕᓂᐅᑉ ᓂᓐᖓᐅᓯᖓᑕ ᑲᑉᐱᐊᓇᕐᓂᖓᓄᑦ ᑎᑭᑕᐅᓚᐅᖏᓐᓂᑦᓯᓐᓂ, ᐅᓪᓗᕐᒧᑦ ᐊᑕᓂᐅᑉ ᓂᓐᖓᐅᓯᖓᓄᑦ ᑎᑭᑕᐅᓚᐅᖏᓐᓂᑦᓯᓐᓂ.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 5:23

ᐃᕐᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᖁᓪᓗᒍ, ᓲᕐᓗ ᐊᑖᑕ ᐅᐱᒋᔭᐅᑦᓯᐊᕐᒪᑦ. ᐃᕐᓂᕐᒥᒃ ᐅᐱᒍᓱᖏᑦᑐᖅ ᐊᑖᑕᒥᒃᑕᐅᖅ ᐅᐱᒍᓱᓐᖏᓚᖅ ᑎᓕᔨᖓᓂᒃ.

ᕉᒪᒥᐅᓄᑦ 10:11

ᐊᒡᓔᑦ ᐅᖃᕐᒪᑕ, “ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᕉᒪᒥᐅᓄᑦ 9:33

ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᐃᓕᓯᕗᖓ ᐃᓄᖕᓂᑦ ᐹᓪᓚᒍᑕᐅᔪᒫᕐᑐᒥᒃ, ᑖᒃᑯᓂᖓ ᐅᔭᕋᒃ ᐅᕐᕈᑎᑦᓯᔪᒫᕐᐳᖅ; ᑖᑦᓱᒧᖓᓗ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᐃᐱᓯᒥᐅᓄᑦ 1:12

ᑍᒤᒻᒪᑦ, ᐅᕙᒍᑦ ᓂᕆᐅᒋᔭᒃᓴᖃᖅᑳᕐᓯᒪᔪᒍᑦ ᙭ᔅᑑᓯᒥ ᑍᒤᑎᑕᐅᓯᒪᕗᒍᑦ ᑎᓕᔭᐅᓪᓗᑕ ᐃᓅᖁᓪᓗᑕ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᑕ ᓂᕐᑐᕐᑕᐅᓂᒃᓴᖓᓄᑦ.

ᐲᑦᑐᕉᓯ ᓯᕗᓪᓖᑦ 1:21

ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᕐᑐᖅ ᑖᑦᓱᒥᖓ ᓂᕐᑐᕐᓇᕐᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.

ᐲᑦᑐᕉᓯ ᓯᕗᓪᓖᑦ 2:6

ᐊᒡᓔᑦ ᐅᖃᕐᒪᑕ: “ᑕᑯᒋᑦ, ᐅᔭᕋᒃ ᐃᓕᕙᕋ ᓮᐅᓂᒥ, ᓂᕈᐊᕐᑕᐅᓯᒪᓗᓂ ᐱᓐᓇᕐᓇᕐᑑᓗᓂᓗ ᑐᓐᖓᕕᐅᓂᐊᓕᕐᑐᖅ ᑎᕆᖅᑯᕆᔭᐅᓗᓂ, ᓇᓪᓕᐊᑦ ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᓴᒧᐃᓕ ᓯᕗᓪᓖᑦ 10:1

ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.