ᐃᓐᖏᕈᑎᑦ 19:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓂᐅᑉ ᒪᓕᒐᒃᓴᐅᖁᔭᖏᑦ ᑕᒻᒪᓐᖏᓚᑦ, ᐆᒻᒪᑎᒥᒃ ᖁᕕᐊᓱᒃᑎᑦᓯᔪᑦ; ᐊᑕᓂᐅᓪᓗ ᐱᖁᔭᖏᑦ ᐃᓚᒃᑲᓐᓂᖃᓐᖏᓚᑦ, ᐃᔩᖕᓂᒃ ᖃᐅᒻᒪᒃᑎᑦᓯᔪᑦ;

ᐃᓐᖏᕈᑎᑦ 19:8 Iomraidhean Croise

ᒨᓯᓯ ᓯᕗᓪᓖᑦ 26:5

ᐂᑉᕋᕼᐋᒻ ᓂᐱᓐᓂᒃ ᓈᓚᓚᐅᕐᓂᖓᓄᑦ ᐊᖓᔪᖅᑳᖑᓂᓐᓂᒃ, ᐊᑐᕐᑕᐅᖁᔭᓐᓂᒡᓗ, ᒪᓕᒐᒃᓴᐅᖁᔭᓐᓂᒡᓗ ᐱᖁᔭᓐᓂᒡᓗ ᒪᓕᑦᓯᐊᓚᐅᕐᒪᑦ.”

ᐊᑕᓃᑦ ᐂᑉᐸᖏᑦ 17:37

ᒪᓕᑦᓯᐊᕋᓱᐊᕐᑐᒃᓴᐅᕗᓯ ᐱᐅᓯᐅᖁᔭᓐᓂᒃ, ᐱᓂᐊᕐᑕᐅᖁᔭᓐᓂᒡᓗ, ᐱᖁᔭᓕᐊᕆᓯᒪᔭᓐᓂᒡᓗ, ᒪᓕᒐᒃᓴᓕᐊᕆᓯᒪᔭᓐᓂᒡᓗ ᑎᑎᕋᕐᑕᐅᑎᓯᒪᔭᓐᓂᒃ, ᐊᓯᓐᓂᒃ ᒎᑎᖃᕋᓱᐊᕐᑐᒃᓴᐅᓐᖏᓚᓯ.

ᓂᕼᐃᒤᐊᐅᑉ ᐊᒡᓚᖏᑦ 8:12

ᐃᓄᐃᓪᓗ ᐃᓘᓐᓇᑎᒃ ᐊᖏᕐᕋᓕᕐᐳᑦ ᓂᕆᔭᕐᑐᕐᓗᑎᒃ ᐃᒥᕆᐊᕐᑐᕐᓗᑎᒡᓗ ᑲᑐᑦᔨᖃᑎᒌᒡᓗᑎᒡᓗ ᐊᖏᔪᒥᒃ ᖁᕕᐊᓱᓕᕐᐳᑦ, ᑐᑭᓯᑦᓯᐊᓚᐅᕋᒥᒃ ᐅᖃᐅᓯᕐᓂᒃ ᐅᖃᓕᒫᕐᑕᐅᓚᐅᕐᑐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 9:13

ᓮᓁᑉ ᖃᖅᑲᖓᓄᑦ ᐊᖅᑲᓚᐅᕐᐳᑎᑦ ᕿᓚᖕᒥᑦ, ᐃᓄᖁᑎᑎᓪᓗ ᐅᖃᕐᕕᒋᓚᐅᕐᐸᑎᑦ ᕿᓚᖕᒥᑦ, ᐱᖁᔭᓂᒡᓗ ᑐᓂᓯᕕᒋᓚᐅᕐᐸᑎᑦ ᐊᑐᒐᒃᓴᑦᓯᐊᓂᒃ, ᐃᓕᓐᓂᐊᕐᑎᓚᐅᕐᐸᑎᓪᓗ ᐱᐅᔪᓂᒃ ᐱᖁᔭᓂᒃ.

ᐃᓐᖏᕈᑎᑦ 105:45

ᐃᓱᐊᓄᑦ ᓈᓚᑦᓯᐊᖁᓪᓗᒋᑦ ᐃᓕᖅᑯᓯᐅᖁᔭᖏᓐᓂᒃ, ᐱᖁᔭᖏᓐᓂᒡᓗ ᓈᓚᖁᓪᓗᒋᑦ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 111:7

ᐊᒡᒐᖏᑕ ᐱᓇᓱᐊᕐᓂᖏᑦ ᓱᖁᓯᔪᐃᑦᑑᕗᑦ ᓈᒻᒪᓈᑦᓯᐊᕐᓯᒪᓪᓗᑎᒡᓗ; ᐱᖁᔭᓕᒫᖏᓪᓗ ᐅᒃᐱᕆᔭᒃᓴᐅᓪᓗᑎᒃ.

ᐃᓐᖏᕈᑎᑦ 119:105

ᐅᖃᐅᓯᕐᑎᑦ ᓇᓂᕈᐊᖑᕗᑦ ᐃᓅᓯᓐᓄᑦ, ᐊᖅᑯᑎᒋᓂᐊᕐᑕᓐᓂᒡᓗ ᖃᐅᒪᑎᑦᓯᓪᓗᑎᒃ.

ᐃᓐᖏᕈᑎᑦ 119:12

ᐊᑕᓃᖅ ᓂᕐᑐᕐᑕᐅᒋᑦ; ᐃᓕᓴᕐᑎᓚᐅᓐᖓ ᐊᑐᕐᑕᐅᖁᔭᕐᓂᒃ.

ᐃᓐᖏᕈᑎᑦ 119:121

ᐱᐅᔪᒥᒃ ᓈᒻᒪᓈᕐᑐᒥᒡᓗ ᐱᓇᓱᐊᕐᓯᒪᕗᖓ; ᑐᓂᑦᑍᓕᓐᖓ ᐊᑭᕋᕐᑐᕐᑎᒃᑲᓄᑦ.

ᐃᓐᖏᕈᑎᑦ 119:128

ᑍᒤᒻᒪᑦ ᐱᓇᓱᐊᕐᑕᐅᖁᔭᑎᑦ ᓈᓚᒻᒪᕆᒃᐸᒃᑲ; ᐱᓂᐊᕐᓂᓕᒫᓪᓗ ᓱᓕᖏᑦᑐᑦ ᐱᐅᒋᓐᖏᓚᒃᑲ.

ᐃᓐᖏᕈᑎᑦ 119:130

ᐅᖃᐅᓯᕐᓂᒃ ᖃᐅᔨᑎᑕᐅᓕᕐᓗᓂ ᖃᐅᒻᒪᒃᑎᑕᐅᓇᕐᐳᖅ; ᓯᓚᑐᓂᕐᑖᕐᑎᑦᓯᓪᓗᑎᒡᓗ ᖃᐅᔨᒪᖏᑦᑐᒥᒃ.

ᐃᓐᖏᕈᑎᑦ 119:14

ᐊᑐᕐᑕᐅᖁᓪᓗᒋᑦ ᐃᓕᓮᑦᔪᑎᒋᓚᐅᕐᑕᑎᑦ ᖁᕕᐊᒋᕙᒃᑲ, ᐊᔪᕐᓴᖏᑦᔪᑕᐅᔪᓐᓇᕐᑐᓕᒫᓂᑦ ᖁᕕᐊᒋᓂᕐᓴᕆᕙᒃᑲ.

ᐃᓐᖏᕈᑎᑦ 119:143

ᐊᑲᐅᖏᑦᔪᑎᒃᓴᓄᑦ ᐃᓱᒪᔮᕐᓇᕐᑐᓄᓪᓗ ᑎᑭᑕᐅᕗᖓ, ᐱᖁᔭᑎᓪᓕ ᖁᕕᐊᓱᖕᓂᕐᑖᕐᕕᒋᕙᒃᑲ.

ᐃᓐᖏᕈᑎᑦ 119:16

ᐊᑐᕐᑕᐅᖁᔭᑎᑦ ᖁᕕᐊᒋᕙᒃᑲ; ᐅᖃᐅᓯᕐᑎᑦ ᐳᐃᒍᕐᓂᐊᓐᖏᓚᒃᑲ.

ᐃᓐᖏᕈᑎᑦ 119:171

ᖃᓂᕋ ᐊᓂᑦᓯᓂᐊᕐᐳᖅ ᓂᕐᑐᐃᓂᕐᒥᒃ, ᐊᑐᕐᑕᐅᖁᔭᕐᓂᒃ ᐊᔪᕆᕐᑐᕈᕕᖓ.

ᐃᓐᖏᕈᑎᑦ 119:24

ᐃᓛᒃ ᐃᓕᓮᑦᔪᑎᒋᔭᑎᑦ ᖁᕕᐊᒋᕙᒃᑲ, ᐃᓱᒪᑖᕐᑎᑦᓯᔨᒋᖃᑦᑕᕐᓗᒋᓪᓗ.

ᐃᓐᖏᕈᑎᑦ 119:40

ᑕᑯᒋᑦ, ᐱᓂᐊᕐᑕᐅᖁᔭᕐᓂᒃ ᑲᔪᖏᕆᔭᖃᕐᐳᖓ; ᓇᓛᒎᕐᓂᕐᓄᑦ ᓄᑖᒥᒃ ᐃᓅᓯᕐᑖᕐᑎᓚᐅᓐᖓ.

ᐃᓐᖏᕈᑎᑦ 119:54

ᐊᑐᕐᑕᐅᖁᔭᑎᑦ ᐃᓐᖏᕈᑎᒋᖃᑦᑕᓚᐅᕐᐸᒃᑲ ᑕᕝᕙᓂ ᐃᓅᓯᓐᓂ ᐃᖏᕐᕋᓂᕆᔭᓐᓂ.

ᐃᓐᖏᕈᑎᑦ 119:80

ᐆᒻᒪᑎᒐ ᐸᓯᔭᒃᓴᐅᓂᖃᕐᑍᓕᓕ ᐊᑐᕐᑕᐅᖁᔭᕐᓄᑦ, ᑲᓐᖑᓱᒃᑎᑕᐅᖁᓇᖓ.

ᐃᓐᖏᕈᑎᑦ 119:92

ᐱᖁᔭᑎᑦ ᖁᕕᐊᓱᓕᕐᑎᑕᐅᑦᔪᑎᒋᓚᐅᖏᒃᑯᒃᑭᑦ, ᐊᓯᐅᑎᑕᐅᓯᒪᓕᕋᔭᓚᐅᕐᐳᖓ ᐅᖁᒤᒃᓴᕐᑎᑕᐅᓂᒃᑰᓕᕐᑎᓪᓗᖓ.

ᐃᓐᖏᕈᑎᑦ 12:6

ᐊᑕᓂᐅᑉ ᐅᖃᐅᓯᖏᑦ ᐃᓚᒃᑲᓐᓂᕐᓯᒪᓐᖏᓚᑦ, ᓯᐅᓪᕕᕆᑎᑐᑦ ᒪᕐᕋᕐᒥ ᐅᒃᑯᓯᖕᒦᑎᓪᓗᒋᑦ ᐃᑯᒪᒃᑯᑦ ᓴᓗᒻᒪᕐᓴᕐᓯᒪᔪᑐᑦ, ᐊᓯᐊᓂᒡᓗ ᐃᓚᖃᕈᓐᓃᕐᑎᑕᐅᓯᒪᔪᑐᑦ, 7ᐃᕐᑐᕐᓗᑎᒡᓗ ᐃᑯᒪᒧᑦ ᖃᐅᔨᓴᕐᑕᐅᓯᒪᔪᑎᑐᑦ.

ᐃᓐᖏᕈᑎᑦ 13:3

ᐃᓱᒪᒋᓚᐅᓐᖓ, ᑐᓵᓗᖓᓗ, ᐊᑕᓃᖅ, ᒎᑎᒐ; ᐃᔩᒃᑲᒃ ᖃᐅᒻᒪᒃᓴᓚᐅᒃᑭᒃ, ᓯᓂᓕᖁᓇᖓ ᑐᖂᑉ ᓯᓂᒃᑎᑦᓯᓂᖓᓄᑦ;

ᐃᓐᖏᕈᑎᑦ 40:8

ᐱᔪᒪᔧᑦ ᐱᓇᓱᐊᕐᓗᒍ ᖁᕕᐊᒋᕙᕋ, ᒎᑏᒃ ᐱᖁᔭᑎᓪᓗ ᐆᒻᒪᑎᓐᓃᑉᐳᑦ.

ᐃᓐᖏᕈᑎᑦ 93:5

ᓇᓗᓁᕐᓯᓂᑎᑦ ᑎᑎᕋᕐᓯᒪᔪᑦ ᓱᓕᑦᓯᐊᕐᐳᑦ; ᐃᑦᔪᕐᓁᓐᓂᕕᑦ ᐃᒡᓗᖁᑏᑦ ᐱᓐᓇᕐᓇᕈᑎᒋᕚ, ᐊᑕᓃᖅ, ᐃᓱᖃᖏᑦᑐᒧᑦ.

ᒨᓯᓯ ᐂᑉᐸᖏᑦ 18:16

ᐊᑲᐅᖏᑦᔪᑎᒃᓴᖃᕐᑑᖕᓄᓪᓗ ᐃᓅᖕᓄᑦ ᒪᕐᕉᖕᓄᑦ ᐅᐸᒃᑕᐅᔭᕌᖓᒪ ᑐᑭᑖᕆᐊᖃᖃᑦᑕᕐᐳᖓ ᖃᓄᐃᓕᐅᕆᐊᖃᕐᒪᖔᑎᒃ, ᑐᑭᓯᑎᓪᓗᒋᓪᓗ ᖃᓄᖅ ᒎᑎᐅᑉ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:6

ᐊᑕᓂᖅ ᓯᓚᑐᓂᕐᒥᒃ ᑐᓂᓯᔨᐅᖕᒪᑦ, ᖃᓂᖓᓂᑦ ᐱᖕᒪᑕ ᖃᐅᔨᑎᑕᐅᓂᖅ ᑐᑭᓯᑎᑕᐅᓂᕐᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:5

ᒎᑎᐅᑉ ᐅᖃᐅᓯᖏᑦ ᓇᓗᓁᕐᓗᑎᒃ ᑕᒪᕐᒥᒃ ᓱᓕᕗᑦ; ᓴᐴᓗᑕᒃᓴᐅᕗᓪᓗ ᑖᑦᓱᒥᖓ ᑕᑎᖃᕐᑐᓄᑦ ᑕᒤᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:23

ᐱᖁᔧᑦ ᓇᓂᕈᐊᖑᕗᑦ, ᐊᔪᕆᕐᑑᓰᓪᓗ ᖃᐅᒻᒪᖅᑯᑎᐅᓪᓗᑎᒃ, ᐃᓂᕐᑎᕐᑕᐅᓃᓪᓗ ᐋᖅᑭᒋᐊᕐᓯᓃᑦ ᐃᓅᑦᔪᑎᒃᓴᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 64:5

ᑲᑎᓯᓲᖑᕗᑎᑦ ᖁᕕᐊᒋᓪᓗᒍ ᐃᓱᐊᕐᑐᒦᑦᓱᒪᔪᓂᒃ, ᑖᒃᑯᓄᖓ ᐱᓂᐊᕐᓯᒪᔭᕐᓂᒃ ᐃᖅᑲᐅᒪᔪᓄᑦ, ᑕᑯᒋᑦ ᓂᓐᖓᓚᐅᕐᐳᑎᑦ ᐊᔪᕐᑐᓕᓚᐅᕋᑦᑕ; ᐊᑯᓂ ᐊᔪᕐᑐᓕᓂᕐᒦᓕᕋᑦᑕ; ᑕᕝᕙ ᐱᐅᓕᔭᐅᔭᕆᐊᖃᓕᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 15:16

ᐅᖃᐅᑎᒐᕕᖓ ᐅᖃᐅᓯᕆᔭᑎᑦ ᐆᒻᒪᒻᒥᐅᑕᕐᑖᕆᓚᐅᕐᐸᒃᑲ, ᖁᕕᐊᓲᑎᒃᓴᕐᑖᕆᓪᓗᒋᓪᓗ ᐃᓗᒃᑯᑦ, ᕾᖁᔭᐅᓯᒪᒐᒪ ᐊᑎᒃᑯᑦ, ᐊᑕᓃᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ.

ᐃᓯᑭᐊᓕᐅᑉ ᐊᒡᓚᖏᑦ 36:27

ᐊᓂᕐᓂᕋᓗ ᐃᓗᑦᓯᓐᓄᐊᕈᒫᕐᐸᕋ, ᐃᓅᓯᕆᔭᐅᖁᔭᓐᓂᒃ ᐃᓅᔪᓐᓇᕐᓯᖁᓪᓗᓯ ᐊᑐᕐᑕᐅᖁᔭᒃᑲᓗ ᒪᓕᑦᓯᐊᕈᓐᓇᕐᓯᓗᓯᐅᒃ.

ᕉᒪᒥᐅᓄᑦ 3:20

ᑍᒤᒻᒪᑦ ᒎᑎᐅᑉ ᓵᖓᓂ ᓈᒻᒪᒋᔭᐅᔪᓐᓇᕐᑐᖃᕐᓂᐊᓐᖏᓚᖅ ᐱᖁᔭᓂᒃ ᒪᓕᖕᓂᒃᑯᑦ, ᐱᖁᔭᑎᒍᑦ ᖃᐅᔨᑎᑕᐅᒐᑦᑕ ᐊᔪᕐᓂᕐᒥᒃ.

ᕉᒪᒥᐅᓄᑦ 7:22

ᒎᑎᐅᑉ ᐱᖁᔭᖏᑦ ᖁᕕᐊᒋᕙᒃᑲ, ᐃᓗᒃᑯᑦ.

ᕉᒪᒥᐅᓄᑦ 7:7

ᖃᓄᕐᓕ ᑍᒪ ᐅᖃᕐᓂᐊᓕᕐᐱᑖ? ᐱᖁᔧᑦ ᐊᔪᕐᓂᐅᓂᕋᕐᓗᒌᑦ? ᑍᒤᑦᑐᓐᓇᖏᓚᖅ! ᐱᖁᔭᖃᓚᐅᖏᑉᐸᑦ, ᐊᔪᕐᓂᖅ ᖃᓄᐃᑦᑑᖕᒪᖔᑦ ᖃᐅᔨᒪᒐᔭᓐᖏᓚᖓ. ᐃᒃᓯᒎᕐᓂᖅ ᖃᓄᐃᑦᑑᖕᒪᖔᑦ ᖃᐅᔨᒪᒐᔭᓐᖏᓚᖓ, ᐱᖁᔭᑦ ᐅᖃᓯᒪᖏᑉᐸᑕ, “ᐃᓅᖃᑎᕕᑦ ᐱᖁᑎᖓᓂᒃ ᐃᒃᖠᒎᕐᑐᒃᓴᐅᓐᖏᓚᑎᑦ.”

ᒐᓔᑎᐊᒥᐅᓄᑦ 2:19

ᐱᖁᔧᑦ ᒪᓕᒡᓗᒋᑦ ᑐᖁᕗᖓ ᐱᖁᔭᓄᑦ ᑐᖁᑕᐅᓪᓗᖓ, ᒎᑎᒥ ᐃᓅᔪᓐᓇᕐᓯᖁᓪᓗᖓ. ᙭ᔅᑑᓯ ᑭᑭᐊᒃᑐᕐᑕᐅᖃᑎᒋᒐᒃᑯ;

ᒐᓔᑎᐊᒥᐅᓄᑦ 3:21

ᑍᒪᓕ ᐱᖁᔧᑦ ᐊᑭᕋᕐᑐᕐᐹᑦ ᒎᑎᐅᑉ ᐊᖏᕈᑎᒋᓯᒪᔭᖏᓐᓄᑦ? ᑍᒤᓐᖏᓚᖅ; ᐃᓄᐃᑦ ᐱᖁᔭᓂᒃ ᐱᑎᑕᐅᓚᐅᕐᐸᑕ ᐃᓅᓯᖃᕐᓇᕐᑐᓂᒃ, ᐃᓗᐊᕐᑐᓐᖑᕈᓐᓇᕋᔭᓚᐅᕐᐳᑦ ᒪᓕᑦᓯᐊᕐᓂᕐᒥᖕᓄᑦ ᐱᖁᔭᓂᒃ.

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 16:14

ᖁᕕᐊᓱᒃᑐᒃᓴᐅᕗᓯ ᓇᓪᓕᐅᓐᓂᕐᓯᐅᓕᕐᑎᓪᓗᓯ ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᖑᑎᑦ ᐊᕐᓁᓪᓗ ᐃᓚᒋᓗᒋᑦ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ.