5 ᑐᖁᖓᔪᑦ ᐃᓂᖓᑕ ᕿᒃᓵᖕᓇᕐᓂᖓ ᐊᕙᑎᓐᓃᒻᒪᑦ; ᑐᖂᓪᓗ ᓂᒐᖓᑕ ᓵᓐᖓᖕᒪᖓ.
ᑐᖂᑉ ᕿᓚᕈᑎᖏᑕ ᐊᕙᑎᓐᓂᑦ ᕿᓚᒃᓱᓚᐅᕐᐹᖓ, ᑲᑉᐱᐊᓇᕐᑐᕕᐅᑉ ᐋᓐᓂᐊᓇᕐᓂᖓᑕ ᑎᒍᒥᐊᓚᐅᕐᐹᖓ; ᐃᓱᒪᔮᕐᓇᕐᑐᒧᑦ ᕿᒃᓵᖕᓇᕐᑐᒧᓪᓗ ᑎᑭᐅᑎᓚᐅᕐᐳᖓ.
ᑕᕝᕙ ᐃᒪᕐᒧᑦ ᐅᓗᑦᔭᐅᓗᑕ ᓴᕐᕙᐅᓯᒪᓕᕋᔭᕐᐳᒍᑦ, ᑰᖕᒧᓪᓗ ᐅᓕᒃᑕᐅᓗᑕ ᐃᐱᑎᑕᐅᓯᒪᓕᕋᔭᕐᐳᒍᑦ;
ᐊᑕᓃᖅ, ᑐᓴᓚᐅᓐᖓ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᐅᔫᖕᒪᑦ; ᓵᕝᕕᖏᓚᐅᓐᖓ ᓂᑲᒍᓱᖕᓂᕐᔪᐊᑦ ᒪᓕᒡᓗᒍ.
ᐅᕙᓐᓄᑦ ᓱᖁᓯᔪᐃᑦᑐᒥᒃ ᓇᒡᓕᖕᓂᖃᕋᕕᑦ; ᑕᕐᓂᕋ ᓴᐳᑎᓚᐅᕋᕕᐅᒃ ᑲᑉᐱᐊᓇᕐᑐᕐᔪᐊᕐᒥᑦ ᑐᖁᖓᔪᑦ ᐃᓂᖓᓂᑦ.
ᑭᓇᓘᓐᓃᑦ ᑲᓄᐃᑲᓪᓚᖕᓂᐊᕐᑐᓄᑦ ᐅᐸᓗᖎᕐᓯᒪᔪᓐᓇᖏᒻᒪᑦ: ᓲᕐᓗ ᐃᖃᓗᐃᑦ ᓄᓗᐊᓄᑦ ᑐᖁᑕᐅᓐᓇᕐᑐᒧᑦ ᑎᑭᒻᒪᑕ, ᐅᕝᕙᓗ ᑎᖕᒥᐊᑦ ᓂᒐᕐᓄᑦ ᑎᑭᒻᒪᑕ, ᑍᒫᒃᑕᐅᖅ ᐃᓄᐃᑦ ᐱᐅᖏᑦᑐᓄᑦ ᖃᓄᐃᓕᓇᕐᑐᓄᑦ ᓂᒐᕐᑎᑕᐅᔪᑐᑦ ᑎᑭᑉᐸᒃᐳᑦ, ᑕᕝᕔᓐᓇᖅ ᐅᐸᓗᐃᔭᐅᓪᓗᑎᒃ.
ᒎᑎᐅᓪᓕ ᒪᑭᑎᓚᐅᕐᐹ ᑐᖁᒥᑦ, ᑐᖂᑉ ᐋᓐᓂᕐᓇᕐᓂᖓᓂᑦ ᕿᓚᕈᑦᔮᕐᓗᓂᐅᒃ, ᐊᔪᕐᓇᓚᐅᕐᒪ ᑖᓐᓇ ᑐᖁᖎᓐᓇᕆᐊᒃᓴᖅ.
