23 ᐸᓯᔭᒃᓴᐅᓂᖃᓚᐅᓐᖏᓚᖓ ᓵᖓᓂ, ᐱᐅᖏᑦᑐᓕᓂᕐᒧᓪᓗ ᓵᓐᖓᓚᐅᖏᓐᓇᒪ.
ᖃᐅᔨᒪᕗᖓ, ᒎᑎᒑ, ᐆᒻᒪᑏᑦ ᖃᐅᔨᓴᖃᑦᑕᕋᕕᒋᑦ, ᐃᓱᐊᕐᓂᕐᒦᑦᑐᓪᓗ ᖁᕕᐊᒋᒐᕕᒋᑦ; ᐅᕙᖓᓕ, ᐆᒻᒪᑎᒪ ᐃᓱᐊᕐᓂᖓᓄᑦ ᓇᖕᒥᓂᖅ ᐱᔪᒪᓂᕋ ᒪᓕᒡᓗᒍ ᑐᓂᓯᕗᖓ ᑕᒪᒃᑯᓂᖓᓕᒫᖅ, ᒫᓐᓇᓗ ᐃᓄᖁᑎᑎᑦ ᑕᑯᓯᒪᕙᒃᑲ, ᒫᓐᓇ ᐅᕙᓃᑦᑐᑦ, ᐱᔪᒪᑦᓯᐊᕐᓗᑎᒃ ᖁᕕᐊᓱᒡᓗᑎᒡᓗ ᑐᓂᓯᕗᑦ ᐃᓕᖕᓄᑦ.
ᐊᑕᓂᖅ ᐃᓱᐊᕐᑑᖕᒪᑦ, ᐱᓂᐊᕐᓃᓪᓗ ᐃᓱᐊᕐᑐᑦ ᖁᕕᐊᒋᕔᑦ, ᓱᓕᑦᓯᐊᕐᑐᒥᒡᓗ ᐃᓅᔪᑦ ᑕᑯᓐᓇᕐᐰᑦ.
ᓱᓕᑦᓯᐊᕐᑐᒥ ᐃᓅᓯᖃᕈᒪᓂᖅ ᓂᕈᐊᓚᐅᕐᐸᕋ; ᐊᑐᕐᑕᐅᖁᔭᑎᑦ ᓯᕗᓂᕆᓚᐅᕐᐸᒃᑲ.
ᐆᒻᒪᑎᒐ ᐆᒃᑐᕐᓯᒪᒐᕕᐅᒃ; ᐅᓐᓄᐊᒃᑯᓪᓗ ᑕᑯᔭᕐᑐᖃᑦᑕᕐᓯᒪᒐᕕᖓ; ᐆᒃᑐᕐᓯᒪᒐᕕᖓ, ᓱᓇᒥᒡᓗ ᐱᐅᖏᑦᑐᒥᒃ ᓇᓂᓯᓯᒪᓐᖏᓚᑎᑦ; ᑲᔪᓯᒪᓚᐅᕐᐳᖓ ᖃᓂᕋ ᐱᐅᖏᑦᑐᓕᖁᓇᒍ.
ᐱᐅᖏᑦᑐᓕᓂᖅ ᑐᓄᓕᕈᒃ, ᐱᐅᔪᒥᒡᓗ ᐱᓇᓱᐊᓕᕐᓗᑎᑦ; ᐃᓱᖃᖏᑦᑐᒧᑦ ᑕᕝᕙ ᐃᓅᓂᐊᕐᐳᑎᑦ.
ᐊᑕᓂᐅᑉ ᐊᑭᓕᑦᓯᐊᖃᑦᑕᕐᐰᑦ ᓇᓛᒍᑦ ᐱᓇᓱᐊᕐᑐᑦ ᐃᓱᐊᕐᑐᓪᓗ; ᐅᓪᓗᒥ ᐊᑕᓂᐅᑉ ᐅᕙᓐᓄᑦ ᑐᓂᓚᐅᕐᐹᑎᑦ, ᑭᓯᐊᓂᓕ ᐱᒋᐊᓚᐅᓐᖏᓚᒋᑦ ᐊᑕᓂᐅᑉ ᐊᖓᔪᖅᑳᕐᔪᐊᕈᕐᑎᓚᐅᕐᒪᑎᑦ.
