ᐃᓐᖏᕈᑎᑦ 17:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑐᓵᓚᐅᕆᑦ ᐱᑦᔪᑎᒃᓴᓪᓚᕆᓐᓂᒃ, ᐊᑕᓃᖅ, ᑐᒃᓯᐊᕐᓂᕋ ᓈᓚᓚᐅᕈᒃ ᖃᓂᕐᒥᑦ ᐅᐃᕕᕆᒃᓯᖏᑐᒥᑦ ᐱᔪᖅ.

ᐃᓐᖏᕈᑎᑦ 17:1 Iomraidhean Croise

ᓴᒧᐃᓕ ᐂᑉᐸᖏᑦ 22:24

ᐸᓯᔭᒃᓴᐅᓂᖃᓚᐅᓐᖏᓚᖓ ᑖᑦᓱᒪ ᓵᖓᓂ, ᐅᕙᓐᓂᒃ ᐸᓯᔭᒃᓴᓐᖑᕐᑎᑦᑍᓕᒪᓚᐅᕋᒪ.

ᑯᕉᓂᑲ ᐂᑉᐸᖏᑦ 7:15

ᒫᓐᓇ ᐃᔩᒃᑲᒃ ᐅᐃᑕᓂᐊᕐᐴᒃ ᓯᐅᑏᒃᑲᒡᓗ ᓈᓚᒡᓗᑎᒃ ᑕᕝᕙᓂ ᑐᒃᓯᐊᕈᑕᐅᔪᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 1:6

ᓯᐅᑏᒃᑭᒃ ᑐᓵᓚᐅᕐᓕᒃ, ᐃᔩᒃᑭᒡᓗ ᐅᐃᑕᓗᑎᒃ, ᑐᓴᕈᓐᓇᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂ ᒫᓐᓇ ᐃᓕᖕᓄᑦ ᑐᒃᓯᐊᕈᑎᒋᔭᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐱᔨᑎᑦ ᐃᓴᕆᐊᓕᑎᑦ ᐱᓪᓗᒋᑦ, ᐃᓕᖕᓄᑦ ᐊᔪᕐᑐᓕᓯᒪᒐᑦᑕ ᖃᕿᐊᓕᕐᐳᒍᑦ, ᐅᕙᖓᓗ ᐊᑖᑕᒪᓗ ᐃᒡᓗᒥᐅᖃᑎᖏᑦ ᐊᔪᕐᑐᓕᓯᒪᖓᑦᑕ.

ᔫᐱᐅᑉ ᐊᒡᓚᖏᑦ 16:17

ᐋᓐᓂᕐᓯᕆᓇᓱᐊᕐᓯᒪᓐᖏᓚᖓᓕ ᐊᒡᒐᓐᓄᑦ, ᑐᒃᓯᐊᕐᓂᕋᓗ ᐃᑦᔪᕐᓁᑦᑑᕗᖅ.

ᐃᓐᖏᕈᑎᑦ 102:2

ᑮᓁᑦ ᑕᓕᑎᓐᓂᐊᕐᓇᒍ ᐅᕙᓐᓂᑦ ᐊᑲᐅᓐᖏᓕᐅᕈᑎᖃᓕᕐᑎᓪᓗᖓ! ᓯᐅᑏᑦ ᒪᓂᓚᐅᕈᒃ ᐅᕙᓐᓄᑦ; ᑐᓴᑲᐅᕐᑐᕐᓗᖓᓗ ᑐᒃᓯᐊᓕᕐᑎᓪᓗᖓ!

ᐃᓐᖏᕈᑎᑦ 140:12

ᖃᐅᔨᒪᕗᖓ ᐊᑕᓂᖅ ᓴᖅᑭᑎᑦᓯᑦᓯᐊᕐᓂᐊᕐᒪᑦ ᓱᖕᒪᑦ ᐋᓐᓂᐊᑎᑕᐅᓂᕐᑕᖃᕐᒪᖔᑦ, ᐃᑲᔪᕐᑕᐅᔭᕆᐊᓖᓪᓗ ᓈᒻᒪᓈᑦᓯᐊᕐᑐᒥᒃ ᐱᓇᓱᐊᕐᕕᒋᓗᒋᑦ.

ᐃᓐᖏᕈᑎᑦ 142:1

ᓂᐱᓐᓄᑦ ᓂᓪᓕᐊᕗᖓ ᐊᑕᓂᕐᒧᑦ; ᓂᐱᓐᓄᑦ ᕿᓄᕗᖓ ᐊᑕᓂᕐᒧᑦ.

ᐃᓐᖏᕈᑎᑦ 142:6

ᓂᓪᓕᐊᓂᕋ ᐃᒃᐱᒋᓚᐅᕈᒃ; ᐱᒋᐊᓪᓚᕖᕈᑦᔭᐅᕐᓯᐊᕋᒪ! ᓴᐳᑎᓚᐅᓐᖓ ᐅᕙᓐᓂᒃ ᓵᓚᖃᕋᓱᐊᕐᑐᓂᑦ; ᑖᒃᑯᐊ ᐅᕙᓐᓄᑦ ᓲᖑᓗᐊᕐᒪᑕ.

ᐃᓐᖏᕈᑎᑦ 143:1

ᐊᑕᓃᖅ, ᑐᒃᓯᐊᕐᓂᕋ ᑐᓴᓚᐅᕈᒃ; ᕿᓄᓂᕋ ᓈᓚᓚᐅᕈᒃ! ᓱᖁᓯᔪᐃᑦᑑᓂᕐᓄᑦ ᐃᓱᐊᕐᑑᓂᕐᓄᓪᓗ ᑭᐅᓚᐅᓐᖓ!

ᐃᓐᖏᕈᑎᑦ 145:18

ᐊᑕᓂᖅ ᖃᓂᑉᐳᖅ ᑕᒤᓐᓄᑦ ᓂᓪᓕᐊᕕᒋᔨᒥᓄᑦ, ᐃᓗᖏᕐᑐᕐᓗᑎᒃ ᓱᓕᔪᒥᒃ ᓂᓪᓕᐊᔪᓄᑦ ᑖᑦᓱᒧᖓ.

ᐃᓐᖏᕈᑎᑦ 18:20

ᐊᑕᓂᐅᑉ ᐊᑭᓕᕐᐹᖓ ᐱᓇᓱᐊᑦᓯᐊᕐᓂᓐᓄᑦ; ᐸᓯᔭᒃᓴᐅᖏᓐᓂᓐᓄᓪᓗ; ᐊᒡᒐᖕᒪᓗ ᓴᓗᒪᑦᓯᐊᕐᓂᖏᓐᓄᑦ, ᑐᓂᓯᕕᒋᓚᐅᕐᐹᖓ ᑐᓂᔪᒪᔭᒥᓂᒃ.

ᐃᓐᖏᕈᑎᑦ 18:44

ᓂᐱᓐᓂᒃ ᑐᓴᑐᐊᕋᒥᒃ ᓈᓚᑦᓯᐊᕐᐳᑦ; ᓄᓇᑦᑕᓗ ᐊᓯᐊᓂᑦ ᐱᓯᒪᔪ ᐃᒻᒥᖕᓂᒃ ᒪᓂᕗᑦ ᐅᕙᓐᓄᑦ.

ᐃᓐᖏᕈᑎᑦ 43:1

ᒎᑏ, ᐊᑭᓂᐊᕈᑎᓚᐅᓐᖓ, ᐃᓅᖃᑎᒌᒡᔪᐊᓄᓪᓗ ᒎᑎᖃᖏᑦᑐᓄᑦ ᐱᓂᐊᕐᓂᓐᓂᒃ ᐅᖃᓪᓚᒍᑎᓗᖓ; ᓴᐳᑎᓗᖓᓗ ᐃᓄᖕᓂᑦ ᐅᐃᕕᕆᒃᓯᔪᓂᑦ ᓱᓕᖏᑦᑐᓂᒡᓗ ᐱᓂᐊᕐᓂᖃᕐᑐᓂᑦ.

ᐃᓐᖏᕈᑎᑦ 5:2

ᐃᓗᖏᕐᓱᕐᓗᖓ ᓂᓪᓕᐊᓂᕋ ᑐᓴᓚᐅᕈᒃ, ᐃᓕᖕᓄᑦ ᑐᒃᓯᐊᕐᓂᐊᕋᒪ, ᐊᖓᔪᖅᑳᕐᔪᐊᕆᒐᒃᑭᑦ, ᒎᑎᒋᓪᓗᑎᓪᓗ.

ᐃᓐᖏᕈᑎᑦ 54:4

ᓱᓕᔪᒥᒃ, ᒎᑎ ᐃᑲᔪᕐᑎᒋᕙᕋ; ᐊᑕᓂᖅ ᐃᓅᓯᓐᓂᒃ ᒪᑭᑕᑎᑦᓯᔨᐅᕗᖅ.

ᐃᓐᖏᕈᑎᑦ 55:18

ᑕᕐᓂᕋ ᐱᐅᓕᕚ ᖃᓄᐃᓕᔭᐅᓇᖓ ᐅᓇᑕᕐᓂᕐᒥᑦ ᐅᕙᓐᓂᒃ ᓵᓚᖃᕋᓱᐊᕐᓂᕐᒥᑦ, ᐅᓄᕐᒪᑕ ᐅᕙᓐᓂᒃ ᓵᓚᖃᕋᓱᒃᑐᑦ.

ᐃᓐᖏᕈᑎᑦ 61:1

ᐃᓗᖏᕐᑐᕐᓗᖓ ᓂᓪᓕᐊᓂᕋ ᑐᓴᓚᐅᕈᒃ, ᒎᑏ; ᑐᒃᓯᐊᕐᓂᕋᓗ ᓈᓚᓚᐅᕈᒃ.

ᐃᓐᖏᕈᑎᑦ 61:2

ᓄᓇᕐᔪᐊᑉ ᐃᓱᐊᓂᑦ ᓂᓪᓕᐊᕕᒋᕙᒋᑦ, ᐆᒻᒪᑎᒐ ᓵᓚᐅᓯᒪᑎᓪᓗᒍ; ᑕᓯᐅᓚᐅᓐᖓ ᕾᕐᑐᒧᑦ ᐅᕙᓐᓂᑦ ᐳᕐᑐᓂᕐᓴᒧᑦ.

ᐃᓐᖏᕈᑎᑦ 66:19

ᓇᓗᓇᖏᑦᑐᒥᒡᓕ ᒎᑎᐅᑉ ᑐᓴᓚᐅᕐᐹᖓ; ᓈᓚᓚᐅᕐᐳᕐᓗ ᑐᒃᓯᐊᕐᓂᕐᒪ ᓂᐱᖓᓂᒃ.

ᐃᓐᖏᕈᑎᑦ 7:8

ᐊᑕᓂᐅᑉ ᐃᓄᐃᑦ ᐃᖅᑲᕐᑐᕈᒫᕐᐰᑦ; ᐊᑕᓃᖅ ᐃᖅᑲᕐᑐᓚᐅᓐᖓ, ᐃᓱᐊᕐᑐᓕᓂᕋ ᐱᑦᔪᑎᒋᓪᓗᒍ.

ᐃᓐᖏᕈᑎᑦ 84:9

ᒎᑏ ᓴᐴᓗᑕᕆᔭᕗᑦ, ᐅᕐᓱᕐᑎᕐᓯᒪᔭᕐᐱᑦ ᑮᓇᖓ ᑕᑯᓴᓚᐅᕈᒃ.

ᐃᓐᖏᕈᑎᑦ 86:1

ᐊᑕᓃᖅ ᓯᐅᑏᒃᑭᒃ ᒪᓂᓚᐅᒃᑭᑦ, ᑐᓴᕐᓗᖓᓗ, ᓴᐱᕐᓇᕐᑐᒦᓕᕋᒪ ᐃᑲᔪᕐᑕᐅᔭᕆᐊᖃᕐᓗᖓᓗ.

ᐃᓐᖏᕈᑎᑦ 86:6

ᐊᑕᓃᖅ ᑐᒃᓯᐊᕐᓂᕋ ᑐᓴᓚᐅᕈᒃ; ᕿᓄᑦᔪᑎᒋᔭᒃᑲᓗ ᐊᐅᓚᑦᔭᒋᐊᕈᑎᒋᓚᐅᒃᑭᑦ.

ᐃᓐᖏᕈᑎᑦ 88:3

ᑕᕐᓂᕋ ᑕᑕᒻᒪᑦ ᐊᑲᐅᓐᖏᓕᐅᕈᑎᓐᓂᒃ, ᐃᓅᓯᕋᓗ ᑐᖁᖓᔪᑦ ᐃᓂᖓᓄᑦ ᖃᒡᓕᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 29:13

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᐃᓄᐃᑦ ᐅᑯᐊ ᖃᓂᕐᒥᖕᓄᑦ ᖃᓂᑦᑑᓇᓱᐊᕐᐳᑦ ᐅᐱᒋᓪᓗᖓᓗ ᑲᓂᕐᒥᖕᓄᑦ, ᐆᒻᒪᑎᖏᑕᓕ ᐅᖓᓯᒋᕚᖓ, ᐅᕙᓐᓂᒡᓗ ᐃᓕᕋᓱᖕᓂᖏᑦ ᐃᓄᐃᑦ ᐱᖁᔨᓂᖏᓐᓂᒃ ᒪᓕᒡᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 3:10

ᑍᒤᓕᐅᕋᓗᐊᕋᒥᒃ ᐊᓯᓐᓂᐊᕐᑎᐅᖃᑎᖓᑕ ᔫᑕᐅᑉ ᐅᑎᕐᕕᒋᓚᐅᓐᖏᓛᖓ ᓱᓕᑦᓯᐊᕐᓗᓂ, ᑭᓯᐊᓂᓕ ᐅᑎᓐᖑᐊᑐᐃᓐᓇᓚᐅᕐᐳᖅ, ᐊᑕᓂᖅ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 15:8

‘ᐅᑯᐊ ᐃᓄᐃᑦ ᐅᖃᐅᓯᕐᒥᒍᑦ ᐃᓱᒪᒋᑦᓯᐊᕐᐹᖓ, ᐆᒻᒪᑎᖏᑕᓕ ᐅᖓᓯᒋᕚᖓ.

ᔪᐊᓇᓯᐅᑉ ᐊᒡᓚᖏᑦ 1:47

ᔩᓱᓯᐅᓪᓕ ᓈᑕᓁ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᐅᓯᕆᕚ, “ᑕᑯᒋᑦ, ᑕᕝᕙ ᐃᓴᕆᐊᓕᒥᐅᑕᓪᓚᕆᒃ, ᑖᑦᓱᒪᓂᓗ ᓱᓕᖏᓐᓂᕐᑕᖃᓐᖏᓚᖅ!”

ᔪᐊᓇᓯ ᓯᕗᓪᓖᑦ 3:21

ᓇᒡᓕᒋᔭᒃᑲ, ᐆᒻᒪᑎᑦᑎᒍᑦ ᐃᖅᑲᕐᑐᕐᑕᐅᖏᒃᑯᑦᑕ, ᑕᕝᕙ ᖁᓚᖏᑦᔪᑎᒃᓴᖃᕐᐳᒍᑦ ᒎᑎᐅᑉ ᓵᖓᓂ.