ᐃᓐᖏᕈᑎᑦ 16:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᕐᓂᕋ ᑐᖁᖓᔪᑦ ᐃᓂᖓᓃᑦᓮᓐᓇᕐᓂᐊᓐᖏᓚᖅ, ᐃᑦᔪᕐᓁᑦᑐᖁᑎᕕᓪᓗ ᑎᒥᖓ ᓱᕈᕐᓂᕐᒥᒃ ᖃᐅᔨᑎᓐᓂᐊᓐᖏᓚᑦ.

ᐃᓐᖏᕈᑎᑦ 16:10 Iomraidhean Croise

ᔫᐱᐅᑉ ᐊᒡᓚᖏᑦ 11:8

ᕿᓚᖕᒥᑦ ᖁᕝᕙᓯᖕᓂᕐᓴᐅᕗᖅ, ᖃᓄᐃᓕᐅᕈᓐᓇᕐᐱᓪᓕ? ᐃᑎᓂᕐᓴᐅᕗᖅ ᑐᖁᖓᔪᑦ ᐃᓂᖓᓂᑦ, ᖃᓄᕐᓕ ᖃᐅᔨᔪᓐᓇᕐᐱᑦ?

ᐃᓐᖏᕈᑎᑦ 139:8

ᕿᓚᖕᒧᑦ ᖁᒻᒧᐊᒐᔭᕈᒪ, ᑕᕝᕙ ᑕᕝᕙᓃᑉᐳᑎᑦ; ᑐᖁᖓᔪᑦ ᐃᓂᖓᓄᑦ ᓇᓪᓚᕋᔭᕈᒪ, ᑕᑯᒋᑦ, ᑕᕝᕙ ᑕᕝᕙᓃᓐᓂᕗᑎᑦ.

ᐃᓐᖏᕈᑎᑦ 49:15

ᒎᑎᐅᓪᓕ ᑕᕐᓂᕋ ᐅᑎᕐᑎᑦᓱᒫᕐᐹ ᐃᓗᕕᐅᑉ ᐱᔪᓐᓇᕐᓂᖓᓂᑦ, ᐃᓚᓕᐅᕈᒫᕐᓗᖓᓗ. ᓰᓚ

ᐃᓐᖏᕈᑎᑦ 9:17

ᐱᐅᖏᑦᑐᓕᔪᑦ ᓵᑎᑕᐅᔪᒫᕐᐳᑦ ᑲᑉᐱᐊᓇᕐᑐᕕᖕᒧᑦ, ᑕᒪᕐᒥᓕᒫᕐᓗ ᐃᓅᖃᑎᒌᒡᔪᐊᑦ ᒎᑎᒥᒃ ᐳᐃᒍᕐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:11

ᑲᑉᐱᐊᓇᕐᑐᕕᒃ ᐊᓯᕈᕐᑕᐅᓇᕐᑐᕐᓗ ᐊᑕᓂᐅᑉ ᓵᖓᓂᑉᐳᑦ, ᐊᖏᓂᕐᓴᒥᒡᓕ ᐃᓄᐃᑦ ᐆᒻᒪᒻᒥᐅᑕᖏᑦ ᐃᔨᕐᓯᒪᔪᓐᓇᓐᖏᓚᑦ ᐊᑕᓂᐅᑉ ᓵᖓᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:20

ᑐᖁᖓᔪᑦ ᐃᓂᖓᑦ ᐊᓯᕈᕐᑕᐅᓂᕐᓗ ᑕᑕᑦᓱᓐᓇᓐᖏᓛᒃ; ᐊᖑᑎᐅᓪᓗ ᐃᔨᖏᒃ ᓈᒻᒪᒃᓯᓚᐅᕐᓯᒪᓐᖏᓛᒃ.

ᐂᓮᐊᓯᐅᑉ ᐊᒡᓚᖏᑦ 14:9

“ᑐᖁᖓᔪᑦ ᓇᔪᒐᖓ ᐅᓇᓃᑦᑐᖅ ᐸᕐᓇᓕᕐᐳᖅ ᐃᓕᖕᓂᒃ ᐸᕐᕆᐊᕈᒪᓪᓗᓂ ᕾᓕᕈᕕᑦ, ᑐᖁᖓᔪᑦ ᑕᕐᓂᖏᑦ ᑐᐹᕐᓴᓕᕐᐰᑦ, ᐊᖓᔪᖅᑳᕐᔪᐊᕕᓃᑦ ᓄᓇᕐᔪᐊᕐᒥ; ᐃᒃᓯᕙᐅᑕᕐᔪᐊᒥᖕᓂᑦ ᓂᑯᕕᐅᖅᑲᓕᕐᐳᑦ, ᐃᓅᖃᑎᒌᒡᔪᐊᑦ ᐊᖓᔪᖅᑳᕐᔪᐊᕕᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 5:14

ᑍᒤᒻᒪᑦ ᑐᖁᖓᔪᑦ ᐃᓂᖓᑦ ᐊᕿᐊᑦᑐᕐᑎᑕᐅᓕᕐᐳᖅ; ᖃᓂᓂᓗ ᐂᑦᑕᕐᐹ ᐊᖏᔪᕐᔪᐊᖑᓕᕐᓗᒍ ᐆᒃᑐᕋᕐᑕᐅᔪᓐᓇᖏᑦᑐᒧᑦ, ᔨᕉᓴᓕᐅᓪᓗ ᐊᖓᔪᖅᑳᖁᑎᖏᑦ ᐃᓄᒐᓴᒡᔪᐊᖏᓪᓗ ᑖᑦᓱᒪ ᖃᓂᖓᓄᑦ ᐄᔭᐅᕗᑦ, ᐃᓄᒐᓴᒡᔪᐊᑦ ᐊᖏᔪᕈᕐᑎᑦᓯᕙᒃᑐᓪᓗ ᑖᑦᓱᒥᖓ.

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᒨᓯᓯ ᐱᖓᔪᖏᑦ 19:28

ᑎᒥᓯ ᕿᓕᕈᓕᕐᓱᕆᐊᖃᓐᖏᓚᓯ ᑐᖁᖓᔪᑦ ᐱᑦᔪᑎᒋᓗᒋᑦ, ᑲᑭᓂᓕᐅᕆᐊᖃᓐᖏᓚᓯᓘᓐᓃᑦ ᑎᒥᑦᓯᓐᓂ. ᐅᕙᖓ ᐊᑕᓂᐅᒐᒪ.

ᐂᒨᓯᐅᑉ ᐊᒡᓚᖏᑦ 9:2

ᐃᑎᕐᓴᓕᐅᕋᓗᐊᕐᐸᑕᓗ ᑐᖁᖓᔪᑦ ᐃᓂᖓᓐᓄᑦ, ᑍᑲᓐᖓᑦ ᑎᒍᔪᒫᕐᐸᒃᑲ; ᒪᔪᕋᓗᐊᕐᐸᑕᓗ ᕿᓚᖕᒧᑦ ᑕᕝᕙᓐᖓᑦ ᐊᖅᑲᕐᑎᑦᓱᒫᕐᐸᒃᑲ.

ᒨᓯᓯ ᓯᑕᒪᖏᑦ 6:6

ᐅᓪᓗᐃᑦ ᓴᓂᕐᕙᒃᓯᒪᔭᓂ ᐊᑕᓂᕐᒧᑦ ᐊᑐᕐᑎᓪᓗᒋᑦ, ᑖᓐᓇ ᑎᒥᐅᑉ ᑐᖁᖓᔫᑉ ᓴᓂᐊᓄᐊᕆᐊᖃᓐᖏᓚᖅ.

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᓘᑲᓯᐅᑉ ᐊᒡᓚᖏᑦ 16:23

ᑐᖁᖓᔪᑦ ᐃᓂᖓᓂ ᐋᓐᓂᐊᔪᐊᓘᓪᓗᓂ ᖃᐅᔨᓕᕐᐳᖅ, ᖁᒻᒧᑦ ᑕᑯᓴᕋᒥ ᐂᑉᕋᕼᐋᒻ ᑕᑯᕚ ᐅᖓᓯᒃᑐᒦᑦᑐᖅ, ᓛᓴᕉᓯᓗ ᓴᓂᐊᓃᑦᑐᖅ.

ᓘᑲᓯᐅᑉ ᐊᒡᓚᖏᑦ 4:34

“ᐋᖅ! ᔩᓱᓯ ᓈᓴᕇᑎᒥᐅᖅ, ᖃᓄᐃᓕᐅᕆᐊᕐᑐᕐᐱᑎᒎᑦ, ᑐᖁᕋᕆᐊᕐᑐᕐᐱᑎᒎᑦ? ᑭᓇᐅᖕᒪᖔᕐᐱᑦ ᖃᐅᔨᒪᒐᒃᑭᑦ, ᒎᑎᐅᑉ ᐃᑦᔪᕐᓁᑦᑐᖁᑎᒋᖕᒪᑎᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:42

ᑍᒤᑦᓱᒫᕐᐳᑦᑕᐅᖅ ᑐᖁᖓᔪᑦ ᒪᑭᓕᕈᑎᒃ. ᑎᒥ ᐃᓕᔭᐅᕗᖅ ᓄᓇᒧᑦ ᐱᑐᖄᓘᓕᓱᖑᓪᓗᓂ, ᒪᑭᓕᕈᓂ ᐱᑐᖃᕈᕈᓁᓕᔪᒫᕐᐳᖅ.

ᒨᓯᓯ ᑕᓪᓕᒪᖏᑦ 32:22

ᓂᓐᖓᐅᓯᕋ ᐃᑯᒪᑎᑐᑦ ᐃᑯᐊᓪᓚᒃᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒦᑦᑐᓕᒫᓂᒡᓗ ᐃᑯᐊᓪᓚᒃᑎᑦᓯᓂᐊᕐᐳᖅ. ᐊᒡᓛᑦ ᓄᓇᕐᔪᐊᑉ ᐊᒃᐸᓯᖕᓂᖓᓃᑦᑐᑦ ᑎᑭᓪᓗᒋᑦ ᖃᖅᑬᓪᓗ ᑐᓐᖓᕕᖏᑦ ᐊᒡᓛᑦ ᑎᑭᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:13

ᐃᒪᕐᔪᐊᒥᓗ ᑐᖁᓯᒪᔪᑦ ᐃᒪᕐᔪᐊᑉ ᓴᖅᑭᑎᒃᑭᕔᑦ, ᓄᓇᕐᔪᐊᒥᓗ ᑐᖁᖓᔪᑦ ᐃᓂᖏᓐᓃᑦᑐᑦ ᓄᓇᕐᔪᐊᑉ ᓴᖅᑭᑎᒃᑭᕔᑦ, ᑕᕝᕙ ᑕᒪᕐᒥᒃ ᐃᖅᑲᕐᑐᕐᑕᐅᓕᕐᐳᑦ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ.