1 ᒎᑏ; ᓴᐳᑎᓚᐅᓐᖓ, ᐃᓕᖕᓂᒃ ᑕᑎᖃᕋᒪ.
ᐊᑕᓂᐅᑉ ᐃᑲᔪᕐᑎᒃᓴᖃᕈᓐᓃᕐᑐᑦ ᓴᐳᑎᕔᑦ; ᓱᕖᕈᑦᔭᐅᓯᒪᓕᕐᑎᓪᓗᖓ ᐊᑕᓂᐅᑉ ᐱᐅᓕᓚᐅᕐᐹᖓ.
ᐊᑕᓂᕐᒥᒃ ᑕᑎᖃᕐᑐᑦ ᐊᑦᔨᖃᕐᐳᑦ ᖃᖅᑲᒥᒃ ᓮᐅᓂᒥᒃ, ᐊᐅᓚᑦᔭᖕᓂᐊᓐᖏᓚᑦ, ᓴᖅᑭᔮᖏᓐᓇᕐᓂᐊᕐᐳᓪᓕ ᐃᓱᖃᖏᑦᑐᒧᑦ.
ᐃᓄᒃ ᖁᕕᐊᓱᒃᐳᖅ ᔧᑰᑉ ᒎᑎᖓᓂᒃ ᐃᑲᔪᕐᑎᖃᕐᑐᖅ, ᐊᑕᓂᕐᒥᒃ ᒎᑎᒥᓂᒃ ᓂᕆᐅᒋᔭᒃᓴᖃᕐᑐᖅ.
ᐱᓱᒃᓗᖓ ᑍᒪᓐᖓᑦ ᐊᖅᑯᑎᖕᓃᑎᓚᐅᓐᖓ, ᐊᓪᓗᕐᓂᒃᑲ ᐅᓂᐅᕐᓯᖁᓇᒋᑦ.
ᓴᐳᑎᓯᒪᓚᐅᓐᖓ ᓲᕐᓗ ᐃᔨᕕᑦ ᑕᑯᓐᓇᑎᖓᑐᑦ ᐱᓐᓇᕆᔭᕐᑐᑦ; ᐃᔨᕐᓯᒪᑎᓪᓗᖓ ᐃᓴᕈᕐᐱᑦ ᑕᕐᕋᓕᓂᖏᑕ ᐊᑖᓂ,
“ᐊᑕᓂᕐᒥᒃ ᑕᑎᖃᓚᐅᕐᒪᑦ, ᑖᑦᓱᒪ ᓴᐳᑎᓕᕐᓕᐅᒃ; ᑖᑦᓱᒪ ᓴᐳᑎᓕᕐᓕᐅᒃ, ᖁᕕᐊᒋᖕᒪᒍ!”
ᑕᕐᓂᕋ ᑲᒪᒋᒍᒃ, ᓴᐳᑎᓗᖓᓗ; ᑲᓐᖑᓱᒃᑎᑕᐅᑎᓐᓂᐊᕐᓇᖓ, ᐃᓕᖕᓂᒃ ᑕᑎᖃᕋᒪ.
ᐊᑕᓂᖅ ᓇᒡᓕᒋᓯᐅᒃ ᐃᑦᔪᕐᓁᑦᑐᖁᑎᒋᖕᒪᓯ! ᐊᑕᓂᐅᑉ ᓴᐳᑎᓯᒪᕔᑦ ᓱᖁᓯᔪᐃᑦᑐᑦ, ᐱᐅᔪᕆᔪᕐᓕ ᓱᒋᐊᕐᐹ ᓱᒋᐊᕐᑕᐅᔭᕆᐊᖃᕐᓂᖓᓄᑦ.
ᐊᑕᓂᐅᑉ ᐃᖅᑲᕐᑐᐃᑦᓯᐊᕐᓂᖅ ᖁᕕᐊᒋᕚ, ᐃᑦᔪᕐᓁᑦᑐᖁᑎᓂ ᐊᓚᕐᓂᐊᓐᖏᓔᑦ; ᓴᐳᑎᓂᐊᕐᐰᑦ ᐃᓱᖃᖏᑦᑐᒧᑦ, ᐱᐅᖏᑦᑐᓕᔪᓪᓕ ᑭᖑᕚᖏᑦ ᐃᓱᓕᑎᑕᐅᓂᐊᕐᐳᑦ.
ᓂᑲᒋᓚᐅᓐᖓ, ᒎᑏ, ᐃᓄᐃᑦ ᐊᒃᓱᕈᕐᓗᑎᒃ ᐱᓇᓱᐊᕐᒪᖓ; ᐅᓇᑕᕈᒪᓪᓗᑎᒃ ᐅᓪᓗᖅ ᓈᓪᓗᒍ ᐃᓱᒪᔮᕐᑎᑉᐹᖓ.
ᒎᑏ, ᖁᔭᓈᕐᓯᒪᒐᑦᑎᒍᑦ; ᓯᖁᒥᓯᒪᒐᑦᑎᒍᓪᓗ, ᓂᓐᖓᓚᐅᕋᕕᑦ, ᐅᑎᕐᑎᓚᐅᕐᒥᑎᒍᑦ!
ᐊᑕᓃᖅ ᒎᑎᒐ, ᐃᓕᖕᓂᒃ ᑕᑎᖃᕐᐳᖓ, ᐱᐅᓕᓚᐅᓐᖓ ᐅᕙᓐᓂᒃ ᓵᓚᖃᕋᓱᐊᕐᑐᓂᑦ ᑕᒤᓐᓂᑦ, ᓴᐳᑎᓗᖓᓗ.
ᓛᔭᑎᑐᑦ ᐅᕙᓐᓂᒃ ᐊᓕᒃᑐᕐᓯᖁᓇᒋᑦ, ᑎᒥᒐ ᐊᒡᒍᕐᑕᐅᖁᓇᒍ, ᓴᐳᑦᔨᔨᒃᓴᖃᕐᑎᓐᓇᖓ.
ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᐃᓕᖕᓂᒃ ᑕᑎᖃᕐᑐᖅ.
ᐊᑎᕐᓂᒡᓗ ᖃᐅᔨᒪᔪᑦ ᐃᓕᖕᓂᒃ ᑕᑎᖃᕐᓂᐊᕐᐳᑦ: ᐃᕝᕕᑦ ᐊᑕᓃᖅ ᕿᒪᖏᓐᓇᕕᒋᑦ ᐃᓕᖕᓂᒃ ᕿᓂᕐᑐᑦ.
ᐊᑕᓂᐅᑉ ᓇᒡᓕᒋᕔᑦ ᐱᐅᖏᑦᑐᒥᒃ ᐆᒥᒋᔭᓖᑦ; ᑖᑦᓱᒪ ᐃᓄᖁᑎᖏᑕ ᐃᓅᓯᖏᑦ ᓴᐳᑎᓯᒪᖕᒪᒋᑦ; ᐱᐅᖏᑦᑐᑦ ᐱᓇᓱᐊᕐᓂᖏᓐᓂᑦ ᓴᐳᑎᕔᑦ.
ᓴᐳᑎᓯᒪᕚ ᓈᒻᒪᓈᑦᓯᐊᕐᑑᑉ ᐊᖅᑯᑎᖓ, ᓴᐳᑎᓯᒪᑦᓯᐊᕐᐰᓪᓗ ᐃᓅᑦᓯᐊᕐᑐᖁᑎᖏᑕ ᐊᖅᑯᑎᒋᓂᐊᕐᑕᖏᑦ.
ᐃᒃᐱᒍᓱᓕᓚᐅᕋᑦᑕ ᐊᒡᓛᑦ ᑐᖁᑕᒃᓴᓐᖑᕐᑎᑕᐅᓯᒪᓕᕐᓂᑦᑎᓐᓂᒃ; ᑍᒤᑦᑐᒃᑰᓚᐅᕐᐳᒍᓪᓕ ᐅᕙᑦᑎᓐᓂᑐᐃᓐᓇᖅ ᐊᐅᓚᓐᓇᓱᐊᖁᓇᑕ ᒎᑎᒥᒡᓕ ᑕᑎᖃᖔᖁᓪᓗᑕ ᑐᖁᖓᔪᓂᑦ ᒪᑭᑎᑦᓯᔪᒧᑦ.
ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.
