ᐃᓐᖏᕈᑎᑦ 15:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᓱᐊᕐᑐᒥᒃ ᐃᓅᔪᖅ, ᐱᓂᐊᕐᓂᖃᕐᑐᕐᓗ ᐃᓱᐊᕐᑐᒥᒃ, ᓱᓕᔪᓂᒡᓗ ᐅᖃᐅᓯᖃᕐᑐᖅ ᐆᒻᒪᑎᒥᓂᑦ;

ᐃᓐᖏᕈᑎᑦ 15:2 Iomraidhean Croise

ᐃᓐᖏᕈᑎᑦ 24:4

ᑖᓐᓇ ᓴᓗᒪᔪᓂᒃ ᐊᒡᒐᖃᕐᑐᖅ, ᓴᓗᒪᑦᓯᐊᕐᑐᒥᒡᓗ ᐆᒻᒪᑎᖃᕐᑐᖅ; ᑕᕐᓂᕐᒥᓂᒡᓗ ᖁᕝᕙᕐᑎᑦᓯᖏᑦᑐᖅ ᐱᐅᔪᕆᓂᕐᒧᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᖏᑦᑐᖅ.

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:7

ᐃᓱᐊᕐᑐᖅ ᐸᓯᔭᒃᓴᐅᓇᓂ ᐃᓅᕗᖅ, ᕿᑐᕐᖓᖏᑦ ᓮᒻᒪᕐᑎᑕᐅᓯᒪᓗᑎᒃ ᑭᖑᓂᖓᓂ ᐃᓅᓂᐊᕐᐳᑦ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:18

ᐸᓯᔭᒃᓴᐅᖏᓪᓗᓂ ᐃᓅᔪᖅ ᓴᐳᑎᔭᐅᔪᒫᕐᐳᖅ, ᐱᐅᖏᓐᓂᕐᒥᒡᓕ ᐃᓅᔪᖅ ᑲᑕᒃᑎᑕᐅᔪᒫᕐᐳᖅ ᐃᑎᕐᓴᒧᑦ.

ᐂᓮᐊᓯᐅᑉ ᐊᒡᓚᖏᑦ 33:15

ᓇᓪᓕᐊᑦ ᓇᓛᒎᕐᑐᒥᒃ ᐃᓅᓯᖃᕐᑐᖅ ᓱᓕᔪᓂᒃ ᐅᖃᐅᓯᖃᕐᐳᖅ, ᐆᒥᓱᒡᓗᓂᓗ ᓵᓚᓯᐊᖃᕐᓂᒃᑯᑦ ᐱᕙᓪᓕᐅᑎᖃᕋᓱᐊᕐᑐᓂᒃ, ᐅᐃᕕᕆᒃᓯᓂᒃᑯᑦ ᐱᓯᒪᔪᓂᒃ ᓱᓇᒥᒃ ᑎᒍᓯᔪᒪᓐᖏᓚᖅ, ᑐᖁᑦᓯᓂᕐᒥᒡᓗ ᑐᓴᕈᒪᓐᖏᓚᖅ ᐊᔪᕐᑐᓕᓂᕐᒥᒃ ᑕᑯᔪᒪᖏᓐᓇᒥ:

ᐂᓮᐊᓯᐅᑉ ᐊᒡᓚᖏᑦ 63:8

ᐅᖃᓚᐅᕐᒪᑦ, “ᑖᒃᑯᐊ ᐃᓄᖁᑎᒋᕙᒃᑲ, ᐃᕐᓂᕆᒐᒃᑭᑦ ᓱᓕᖏᑦᑐᓂᒃ ᐅᕙᓐᓄᑦ ᐱᓂᐊᕐᓂᖃᕐᓂᐊᓐᖏᓚᑦ.” ᑍᒤᒻᒪᑦ ᑕᕝᕙ ᐱᐅᓕᔨᑖᕆᓚᐅᕐᐹᑦ.

ᒤᑲᐅᑉ ᐊᒡᓚᖏᑦ 2:7

ᔧᑯᒧᑦ ᑭᖑᕚᖑᔪᓯ: ᐊᑕᓂᐅᑉ ᐊᓂᕐᓂᖓ ᓂᓐᖓᐅᒪᕚ? ᑕᒪᒃᑯᐊ ᐱᓂᐊᕐᓂᕆᕔᑦ? ᐅᖃᐅᓯᒃᑲ ᐱᐅᔪᒥᒃ ᐱᓇᓱᐊᕐᑎᑦᓯᓐᖏᓛᑦ ᐃᓅᑦᓯᐊᕐᑐᓅᑦ?

ᓘᑲᓯᐅᑉ ᐊᒡᓚᖏᑦ 1:6

ᑖᒃᑯᐊᒃ ᐃᓅᓯᖃᓚᐅᕐᐳᒃ ᒎᑎᐅᑉ ᖁᕕᐊᒋᔭᖓᓂᒃ, ᐊᑕᓂᐅᑉ ᐱᖁᔭᓕᒫᖏᓐᓂᒃ ᐊᑐᕐᑕᐅᑯᔭᖏᓐᓂᒡᓗ ᒪᓕᑦᓯᐊᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 10:35

ᑖᑦᓱᒥᖓ ᓯᕘᕋᔪᑦ ᓇᓛᒍᑦ ᐱᓇᓱᐊᕐᑐᑦ ᓇᓪᓕᐊᓐᓂᑐᐃᓐᓇᖅ ᐃᓅᖃᑎᒌᒡᔪᐊᓂᑦ ᐱᓯᒪᒐᓗᐊᕐᐸᑕ, ᒎᑎᐅᑉ ᐃᓚᓕᐅᕐᐰᑦ.

ᕉᒪᒥᐅᓄᑦ 2:10

ᒎᑎᐅᑉ ᓂᕐᑐᕐᓇᕐᓂᖃᕐᑎᑦᓱᒫᕐᐰᑦ ᐱᐅᔪᒥᒃ ᐱᓇᓱᐊᕐᑐᑦ ᐅᐱᒋᔭᐅᓗᑎᒡᓗ, ᓮᒻᒪᕐᑎᑕᐅᓗᑎᒡᓗ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗ.

ᒐᓔᑎᐊᒥᐅᓄᑦ 2:14

ᑕᒪᑐᒥᖓᓕ ᖃᐅᔨᒐᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓇᓛᒎᑦ ᒪᓕᒍᓐᓃᕐᓂᖏᓐᓂᒃ, ᓰᐸᓯ ᐅᖃᐅᑎᓚᐅᕐᐸᕋ, ᐃᓄᐃᑦ ᑐᓵᔪᐃᓐᓇᐅᑎᓪᓗᒋᑦ, “ᔫᑎᐅᓪᓗᑎᑦ, ᔫᑎᐅᖏᑦᑐᑎᑐᑦ ᐃᓅᖃᑕᐅᓕᓚᐅᕐᐳᑎᑦ ᔫᑎᑎᑑᖏᑦᑐᖅ. ᓱᖕᒪᑦ ᔫᑎᐅᖏᑦᑐᑦ ᔫᑎᑎᑐᑦ ᐃᓄᓯᕐᑖᕐᑎᓐᓇᓱᐊᕐᐱᒌᑦ?”

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᐃᐱᓯᒥᐅᓄᑦ 4:25

ᑍᒤᒻᒪᑦ, ᓱᓕᖏᓐᓂᖅ ᕿᒪᓕᕐᓯᐅᒃ, ᓱᓕᔪᒥᒡᓕ ᐅᖃᖃᑦᑕᕐᑐᒃᓴᐅᕗᓯ ᐃᓅᖃᑎᑦᓯᓐᓄᑦ, ᑕᒪᑦᑕ ᐃᓚᒌᖑᒐᑦᑕ ᑎᒥᐅᑉ ᐃᓚᖏᓐᓄᑦ ᑕᕝᕙ ᙭ᔅᑑᓯᐅᑉ ᑎᒥᖓᓄᑦ.

ᑯᓘᓯᐊᒥᐅᓄᑦ 3:9

ᐃᓕᑦᓯᓐᓄᑦ ᓴᒡᓗᖃᑦᑕᐅᑎᓂᐊᕋᓯ, ᐃᓅᓯᑐᖃᓯ ᐃᓕᖅᑯᓯᖏᓪᓗ ᖁᔭᓈᕐᓯᒪᓕᕋᑦᓯᐅᒃ,

ᐄᑉᕈᐃᓄᑦ 11:33

ᐅᒃᐱᕐᓂᑯᑦ ᓵᓚᖃᓚᐅᕐᐳᑦ ᐊᖓᔪᖅᑲᐅᕕᖕᓂᒃ, ᐃᓗᐊᕐᑐᒥᒡᓗ ᐱᓂᐊᕐᓂᖃᓚᐅᕐᐳᑦ, ᐊᖏᕈᑕᐅᓯᒪᔪᓂᒡᓗ ᐱᓚᐅᕐᐳᑦ, ᓔᔧᓪᓗ ᐃᕐᓯᓇᕐᑐᑦ ᖃᓂᖏᑦ ᐃᑦᔭᕈᓯᓚᐅᕐᐰᑦ,

ᔪᐊᓇᓯ ᓯᕗᓪᓖᑦ 2:29

ᖃᐅᔨᒪᒍᑦᓯ ᑭᓇᒧᓪᓘᓐᓃᑦ ᐃᓗᐊᕐᑑᓂᖓᓂᒃ, ᑕᕝᕙ ᖃᐅᔨᒪᒋᕗᓯ ᑭᒃᑯᓕᒫᑦ ᐃᓗᐊᕐᑐᒥᒃ ᐱᓇᓱᐊᕐᑐᑦ ᑖᑦᓱᒪᖓᑦ ᐃᕐᓂᐊᖑᓯᒪᖕᒪᑕ.

ᔪᐊᓇᓯ ᓯᕗᓪᓖᑦ 2:6

ᓇᓪᓕᐊᑦ ᑖᑦᓱᒪᓃᓂᕋᕐᑐᖅ ᐃᓅᔪᒃᓴᐅᕗᖅ ᑖᑦᓱᒪ ᐃᓕᖅᑯᓯᕆᓚᐅᕐᑕᖓᑐᑦ.

ᔪᐊᓇᓯ ᓯᕗᓪᓖᑦ 3:7

ᕿᑐᕐᖓᑯᓗᒃᑲ, ᑭᓇᒧᓪᓘᓐᓃᑦ ᑕᒻᒪᕐᑎᑕᐅᑦᑍᓕᒋᑦᓯ. ᓇᓪᓕᐊᑦ ᓈᒻᒪᒃᑐᒥᒃ ᐱᓇᓱᐊᕐᑐᖅ ᑖᓐᓇ ᐃᓗᐊᕐᑑᕗᖅ, ᓲᕐᓗ ᑖᓐᓇ ᐃᓗᐊᕐᑑᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”