9 ᖃᖅᑬᑦ ᐱᖑᓕᒫᓪᓗ, ᓇᐹᕐᑐᐃᑦ ᐱᕈᕐᑐᓖᑦ ᓇᐹᕐᑐᐃᓪᓗ ᓰᑕᕇᑦ ᓯᑕᒃᑍᑦ!
ᓱᓇᖃᔪᐃᑦᑐᖅ ᓄᓇᓕᖏᓪᓗ ᓂᓪᓕᐊᓕᕐᓕᑦ ᓂᐱᖅᑯᕐᑐᓗᑎᒃ, ᓄᓇᓖᑦ ᑭᑕᕆᒥ ᓄᓇᖃᕐᑐᑦ ᐱᖃᑕᐅᓕᑦ; ᓰᓚᒥᐅᑦ ᐃᓄᖏᑦ ᐃᓐᖏᕐᓕᑦ ᖁᕕᐊᓱᖕᓂᕐᒧᑦ, ᓂᐱᖅᑯᕐᑐᓗᑎᒃ ᓂᓪᓕᐊᓕᑦ ᖃᖅᑬᑦ ᖄᖏᓐᓂᑦ.
ᕿᓚᖕᒥᐅᑕᐅᔪᓯ, ᐃᓐᖏᕆᑦᓯ, ᐊᑕᓂᐅᑉ ᐱᔭᕇᑦᓯᐊᕐᒪᒍ; ᕾᒐᓛᓚᐅᕆᑦᓯ ᓄᓇᐅᑉ ᐃᑎᓂᖓᓃᑦᑐᓯ; ᓂᓪᓕᐊᓂᓯ ᐃᓐᖏᕐᓂᓐᖑᕐᑎᓕᓯᐅᒃ, ᐃᓕᑦᓯ ᖃᖅᑲᐅᔪᓯ, ᓇᐹᕐᑐᒐᓴᒡᔪᐊᓪᓗ ᓇᐹᕐᑐᐃᓪᓗ ᐊᑐᓂᑦ! ᐊᑕᓂᐅᑉ ᔧᑯᒃᑯᑦ ᓂᐅᕕᐊᕆᓪᓗᒋᑦ ᐅᑎᕐᑎᒻᒪᒋᑦ, ᓂᕐᑐᕐᓇᕐᓂᕐᔪᐊᓂᓗ ᓴᖅᑭᑎᒻᒪᒍ ᐃᓴᕆᐊᓕᒥᐅᓄᑦ.
ᕿᓚᐅᔪᓯ ᐃᓐᖏᕆᑦᓯ ᖁᕕᐊᓱᖕᓂᕐᒧᑦ! ᓄᓇᕐᔪᐊᖅ ᐃᕝᕕᓪᓗ ᖁᕕᐊᓱᖏᑦ! ᖃᖅᑲᐅᔪᓯ ᓂᐱᖃᓕᕆᑦᓯ ᐃᓐᖏᕐᓗᓯ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᒻᒪᒋᑦ, ᐅᖁᒤᒃᓴᓚᐅᕐᑐᓪᓗ ᓂᑲᒋᓂᐊᕐᒪᒋᑦ.
ᐊᑏ ᕿᓚᒃ ᐊᓕᒡᓗᒍ ᐊᖅᑲᓚᐅᕆᑦ, ᖃᖅᑳᓗᐃᑦ ᓴᔪᒃᐱᓗᖕᓂᐊᕐᒪᑕ ᓇᔫᑎᓂᕐᓄᑦ.
