ᐃᓐᖏᕈᑎᑦ 148:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑖᒃᑯᐊ ᐊᑕᓂᐅᑉ ᐊᑎᖓ ᓂᕐᑐᕐᓕᑦᔪᒃ, ᑖᑦᓱᒪ ᐊᑎᖓ ᑕᒤᓐᓂᑦ ᐊᖏᓂᕐᐸᐅᖕᒪᑦ; ᓂᕐᑐᕐᓇᕐᓂᖓᓗ ᖁᑦᓯᖕᓂᕐᓴᐅᕗᖅ ᓄᓇᕐᔪᐊᕐᒥᑦ ᕿᓚᖕᒥᓪᓗ.

ᐃᓐᖏᕈᑎᑦ 148:13 Iomraidhean Croise

ᑯᕉᓂᑲ ᓯᕗᓪᓖᑦ 29:11

ᐊᑕᓃᖅ ᐱᒋᒐᕕᒋᑦ ᐊᖏᔪᕐᔪᐊᖑᓂᖅ, ᐱᔪᓐᓇᕐᓂᕐᓗ, ᓂᕐᑐᕐᓇᕐᓂᖅ, ᓵᓚᖃᕐᓂᕐᓗ, ᐊᖓᔪᖅᑲᐅᓂᕐᓗ; ᕿᓚᖕᒦᑦᑐᓕᒫᑦ ᓄᓇᒦᑦᑐᓕᒫᓪᓗ ᐱᒋᒐᕕᒋᑦ; ᐊᑕᓂᐅᓂᖅ ᐱᒋᒐᕕᐅᒃ, ᐊᑕᓃᖅ, ᐊᖏᒡᓕᑎᑕᐅᕗᑎᑦ ᐊᖓᔪᖅᑳᕐᔪᐊᖑᓪᓗᑎᓪᓗ ᑕᒤᓐᓄᓕᒫᖅ.

ᐃᓐᖏᕈᑎᑦ 108:4

ᓇᒡᓕᖕᓃᑦ ᓱᖁᓯᔪᐃᑦᑐᖅ ᖁᑦᓯᖕᓂᕐᓴᐅᖕᒪᑦ ᕿᓚᖕᒥᑦ, ᓱᕐᕋᔪᐃᑦᑑᓃᓪᓗ ᓄᕗᔭᓄᑦ ᑎᑭᐅᒪᓪᓗᓂ.

ᐃᓐᖏᕈᑎᑦ 113:4

ᐊᑕᓂᖅ ᐊᐅᓚᑦᓯᔨᐅᖕᒪᑦ ᐃᓅᖃᑎᒌᒡᔪᐊᓕᒫᓄᑦ, ᑖᑦᓱᒪᓗ ᓂᕐᑐᕐᓇᕐᓂᖓ ᕿᓚᖕᓂᑦ ᖁᑦᓯᖕᓂᕐᓴᐅᕗᖅ.

ᐃᓐᖏᕈᑎᑦ 150:6

ᐊᓂᕐᓂᖃᕐᑐᓕᒫᑦ ᐊᑕᓂᖅ ᓂᕐᑐᕐᓕᑦᔪᒃ! ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 57:6

ᐱᓱᒡᕕᒋᓂᐊᕐᑕᓐᓄᑦ ᓄᓗᐊᓂᒃ ᐃᓕᓯᕗᑦ; ᑕᕐᓂᕋ ᐅᑯᖓᓕᕐᐳᖅ ᕿᒃᓵᓂᕐᒧᑦ. ᐃᑎᕐᓴᓕᐅᓚᐅᕐᐳᑦ ᐊᖅᑯᑎᒋᓂᐊᕐᑕᓐᓂ, ᓇᖕᒥᓂᕐᓕ ᐃᑎᕐᓴᓕᐅᓚᐅᕐᑕᒥᓄᑦ ᐃᔪᒃᑲᕐᐳᑦ. ᓰᓚ

ᐃᓐᖏᕈᑎᑦ 72:19

ᐊᑎᖓᓗ ᐱᓐᓇᕐᓇᕐᑐᖅ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ! ᓄᓇᕐᔪᐊᓕᒫᖅ ᑕᑕᓪᓕ ᑖᑦᓱᒪ ᑲᑦᔮᕐᓇᕐᓂᖓᓂᒃ! ᐋᒦᓐ ᐊᒻᒪ ᐋᒦᓐ.

ᐃᓐᖏᕈᑎᑦ 8:1

ᐊᑕᓃᖅ ᐊᑕᓂᕗᑦ; ᐊᑏᑦ ᐱᐅᓂᕐᐹᖑᖕᒪᑦ ᓄᓇᕐᔪᐊᓕᒫᒥ, ᑕᑯᒥᓇᕐᓂᕐᔪᐊᑦ ᕿᓔᑦ ᖁᓛᓃᑉᐳᖅ!

ᐃᓐᖏᕈᑎᑦ 8:2

ᓄᑕᕋᓛᑦ, ᓄᑕᕅᓪᓗ ᐊᒫᒪᒃᑐᑦ ᖃᓂᖏᑎᒍᑦ ᐱᔪᓐᓇᕐᓂᕐᒥᒃ ᐱᒋᐊᕐᑎᑦᓯᔪᑎᑦ, ᐊᑭᕋᕐᑐᕐᑎᑎᑦ ᐱᑦᔪᑎᒋᓪᓗᒋᑦ, ᐊᑭᕋᕐᑐᕐᑐᖅ ᐊᑭᒋᐊᕈᒪᔪᓪᓗ ᓂᐸᖏᖁᓪᓗᒋᑦ.

ᐃᓐᖏᕈᑎᑦ 8:9

ᐊᑕᓃᖅ ᐊᑕᓂᕗᑦ, ᐊᑏᑦ ᐱᐅᓂᕐᐹᖑᕗᖅ ᓄᓇᕐᔪᐊᓕᒫᒥ!

ᐃᓐᖏᕈᑎᑦ 99:9

ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ, ᑐᒃᓯᐊᕐᕕᒋᓗᒍᓗ ᖃᖅᑲᒥ ᐃᑦᔪᕐᓁᑦᑐᖁᑎᖓᓂ; ᐊᑕᓂᖅ ᒎᑎᕗᑦ ᐃᑦᔪᕐᓁᑦᑑᖕᒪᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 5:16

ᖃᓂᖓ ᒪᒪᕐᐳᖅ, ᐃᓛᒃ ᑕᒤᑎᒍᑦ ᐱᔪᒥᓇᕐᐳᖅ. ᓇᒡᓕᒋᔭᕋ ᑍᒤᑉᐳᖅ ᑖᓐᓇ ᐃᓚᓐᓈᕆᔭᕋ, ᔨᕉᓴᓕᒥᐅᑦ ᐸᓂᖏᑦ ᐅᖃᐅᑎᕙᑦᓯ.

ᓲᓗᒨᓂᐅᑉ ᐃᓐᖏᕈᓯᖏᑦ 5:9

ᓇᒡᓕᒋᔩᑦ, ᐊᓯᒥᓂᑦ ᓇᒡᓕᒍᓱᑦᓯᐊᕈᓐᓇᕐᓂᕐᓴᐅᖕᒫᑦ? ᐊᕐᓇᓂᑦ ᐃᓂᖁᓇᕐᓂᕐᐹᖑᔪᑎᑦ, ᓇᒡᓕᒋᔩᑦ ᐊᓯᒥᓂᑦ ᓇᒡᓕᒍᓱᑦᓯᐊᕈᓐᓇᕐᓂᕐᓴᐅᖕᒫᑦ? ᑍᒫᒃ ᐅᕙᑦᑎᓐᓂᒃ ᐊᖏᒻᒪᕆᖁᔨᕖᑦ?

ᐂᓮᐊᓯᐅᑉ ᐊᒡᓚᖏᑦ 12:4

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᑎᑦ: “ᐊᑕᓂᖅ ᓂᕐᑐᕐᑕᐅᓕ, ᐊᑎᖓ ᑍᓗᒍ ᑐᒃᓯᐊᕐᕕᒋᓯᐅᒃ; ᐱᓂᐊᕐᓂᖏᑦ ᐅᖃᐅᓯᕆᓗᒋᑦ ᐃᓅᖃᑎᒌᒡᔪᐊᓄᑦ, ᐊᑎᖓ ᐊᖏᔪᕈᕐᑎᓪᓗᒍ ᐅᖃᐅᓯᕆᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 33:5

ᐊᑕᓂᖅ ᐊᖏᔪᕈᕐᑎᑕᐅᕗᖅ, ᖁᑦᓯᒃᑐᒥ ᐃᓂᖃᕐᒪᑦ; ᓮᐅᓂ ᑕᑕᑎᑦᓱᒫᕐᐹ ᐊᑦᔨᒌᒃᑎᑦᓯᓂᕐᒥᒃ ᓇᓛᒎᑦᓯᐊᕐᓂᕐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 6:3

ᑖᒃᑯᐊᓗ ᐃᒻᒥᖕᓄᑦ ᕾᒐᓛᖃᑦᑕᐅᑎᕗᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ! ᐱᓐᓇᕐᓇᕐᓂᕐᔪᐊᖓ ᑕᑍᓯᒪᕗᖅ ᓄᓇᕐᔪᐊᕐᒥᒃ!”

ᓴᑲᕅᐊᐅᑉ ᐊᒡᓚᖏᑦ 9:17

ᑖᒃᑯᐊ ᐱᐅᔪᒻᒪᕆᐊᓘᔪᒫᕐᐳᑦ ᑕᑯᒥᓇᕐᑐᒻᒪᕆᐊᓘᓗᑎᒡᓗ! ᓂᐊᖂᔭᓮᑦ ᐃᓅᓱᒃᑐᓂᒃ ᐊᖑᑎᓂᒃ ᖁᕕᐊᓱᒃᑎᑦᓯᔪᒫᕐᐳᑦ, ᕔᓂᓗ ᓄᑖᖅ ᐊᕐᓇᓂᒃ ᐃᓅᓱᒃᑐᓂᒃ ᖁᕕᐊᓱᒃᑎᑦᓯᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᐃᐱᓯᒥᐅᓄᑦ 4:10

ᑖᓐᓇ ᑕᕝᕙ ᐊᖅᑲᓚᐅᕐᑐᖅ ᑖᓐᓇᑦᓮᓐᓇᐅᒋᕗᖅ ᖁᒻᒧᐊᓚᐅᕐᑐᖅ ᕿᓔᑦ ᐅᖓᑖᓄᑦ ᖁᑦᓯᖕᓂᕐᐹᒧᑦ, ᐃᓘᓐᓇᓕᒫᑎᒃ ᐃᓗᒻᒥᕐᑕᐅᖁᓪᓗᒋᑦ.

ᐱᓕᐱᒥᐅᓄᑦ 3:8

ᑕᒪᒃᑯᐊᑑᖏᑦᑐᕐᓕ; ᐊᓯᓕᒫᖏᓕᑦᑕᐅᖅ ᐊᑑᑎᒃᓴᖃᕈᓐᓃᕐᐳᑦ ᐱᐅᓂᕐᓴᒻᒪᕆᐊᓗᖕᒥᒃ ᑕᑯᓯᒪᓕᕐᑎᓪᓗᖓ ᑐᑭᓯᓕᕐᑎᓪᓗᖓᓗ ᔩᓱᓯ ᙭ᔅᑑᓯᒥᒃ ᐊᑕᓂᕆᔭᓐᓂᒃ. ᑖᓐᓇᓗ ᐱᓪᓗᒍ ᑕᒪᕐᒥᒃ ᐃᒋᓯᒪᕙᒃᑲ; ᑕᒪᕐᒥᒡᓗ ᐃᒋᑕᒃᓴᑎᑐᑦ ᐃᓱᒪᒋᕙᒃᑲ, ᐱᓯᒪᓂᕐᓴᐅᖁᓪᓗᖓ ᙭ᔅᑑᓯᒥ

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.