12 ᐊᖑᑏᑦ ᐊᕐᓁᓪᓗ ᐃᓅᓱᒃᑑᔪᓯ ᐊᑕᐅᑦᓯᒃᑯᑦ, ᐃᓄᑐᕾᑦ ᓱᕈᓰᓪᓗ!
ᐃᓐᖏᕐᑏᑦ ᓯᕗᓪᓕᐅᕗᑦ, ᓂᑦᔭᐅᓯᔭᕐᑏᑦ ᑭᖑᓪᓕᐅᓪᓗᑎᒃ; ᐊᕐᓁᓪᓗ ᑖᒃᑯᐊ ᐊᑯᓐᓂᖓᓐᓂ ᓯᕙᓂᕋᐅᑎᓂᒃ ᓂᓪᓕᐊᑎᑦᓯᕗᑦ.
ᓄᑕᕋᓛᑦ, ᓄᑕᕅᓪᓗ ᐊᒫᒪᒃᑐᑦ ᖃᓂᖏᑎᒍᑦ ᐱᔪᓐᓇᕐᓂᕐᒥᒃ ᐱᒋᐊᕐᑎᑦᓯᔪᑎᑦ, ᐊᑭᕋᕐᑐᕐᑎᑎᑦ ᐱᑦᔪᑎᒋᓪᓗᒋᑦ, ᐊᑭᕋᕐᑐᕐᑐᖅ ᐊᑭᒋᐊᕈᒪᔪᓪᓗ ᓂᐸᖏᖁᓪᓗᒋᑦ.
ᐊᕐᓁᑦ ᐃᓅᓱᒃᑐᑦ ᑖᓂᓯᕈᒫᕐᐳᑦ ᖁᕕᐊᓱᖕᓂᕐᒧᑦ, ᐊᖑᑎᓪᓗ ᐃᓅᓱᒃᑐᑦ ᐃᑦᑐᐃᓪᓗ ᖁᕕᐊᓱᖃᑕᐅᔪᒫᕆᕗᑦ, ᕿᒃᓵᖕᓂᖏᑦ ᒧᒥᒃᑎᑦᓱᒫᕐᐸᒃᑲ ᖁᕕᐊᓱᖕᓂᕐᒧᑦ, ᓮᒻᒪᕐᑎᑦᓱᒫᕐᐸᒃᑲ, ᕿᒃᓵᖕᓂᕆᓚᐅᕐᑕᖏᑦ ᖁᕕᐊᓱᖕᓂᓐᖑᕐᑎᓪᓗᒋᑦ.
ᑖᒃᑯᐊ ᐱᐅᔪᒻᒪᕆᐊᓘᔪᒫᕐᐳᑦ ᑕᑯᒥᓇᕐᑐᒻᒪᕆᐊᓘᓗᑎᒡᓗ! ᓂᐊᖂᔭᓮᑦ ᐃᓅᓱᒃᑐᓂᒃ ᐊᖑᑎᓂᒃ ᖁᕕᐊᓱᒃᑎᑦᓯᔪᒫᕐᐳᑦ, ᕔᓂᓗ ᓄᑖᖅ ᐊᕐᓇᓂᒃ ᐃᓅᓱᒃᑐᓂᒃ ᖁᕕᐊᓱᒃᑎᑦᓯᔪᒫᕐᐳᖅ.
ᔨᕉᓴᓕᒻᒧᑦ ᖃᒡᓕᒐᒥᒃ, ᖃᖅᑲᖅ ᓇᐹᕐᑐᓕᒃ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖃᓲᑉ ᐊᖅᑯᑖᓄᐊᕐᐳᑦ, ᒪᓕᒃᑎᖏᑦ ᐅᓄᕐᑐᐊᓗᐃᑦ ᖁᕕᐊᓱᕐᒪᕆᓕᕐᐳᑦ ᒎᑎ ᓂᕐᑐᕐᐹᑦ ᓂᐱᖅᑯᕐᑐᓪᓗᑎᒃ; ᔩᓱᓯᐅᑉ ᑲᒪᓇᕐᑐᓕᓂᖏᑦ ᑕᑯᓯᒪᔭᑎᒃ ᐱᑦᔪᑎᒋᓪᓗᒋᑦ.
