ᐃᓐᖏᕈᑎᑦ 146:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑕᓂᖅ ᐊᐅᓚᑦᓯᔨᐅᓂᐊᕐᐳᖅ ᐃᓱᖃᖏᑦᑐᒧᑦ, ᒎᑎᒋᔧᑦ, ᓮᐅᓂᐅᕗᖅ ᐃᓅᖃᑎᒌᒡᔪᐊᓕᒫᓄᑦ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 146:10 Iomraidhean Croise

ᐃᓐᖏᕈᑎᑦ 10:16

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᐃᓅᖃᑎᒌᒡᔪᐊᑦ ᒎᑎᖃᖏᑦᑐᑦ ᓄᖑᑦᓱᒫᕐᐳᑦ ᓄᓇᖓᓂᑦ.

ᐃᓐᖏᕈᑎᑦ 145:13

ᐊᑕᓂᐅᕖᑦ ᐃᓱᖃᖏᑦᑐᒧᑦ ᐊᑕᓂᐅᕕᐅᖕᒪᑦ, ᐊᖓᔪᖅᑲᐅᕖᓪᓗ ᓱᖁᓯᔪᐃᑦᑑᓪᓗᓂ ᑭᖑᕚᕇᒃᐸᓪᓕᐊᔪᓕᒫᓂ. ᐊᑕᓂᖅ ᐅᖃᐅᓯᕆᔭᓕᒫᒥᓂᒃ ᑲᔪᓯᑎᑦᓯᓲᖑᕗᖅ, ᓂᑲᒍᓱᓲᖑᓪᓗᓂᓗ ᐱᓇᓱᐊᕐᑕᓕᒫᒥᓂᒃ.

ᐃᓐᖏᕈᑎᑦ 147:12

ᔨᕉᓴᓕᒻ, ᐊᑕᓂᖅ ᓂᕐᑐᕈᒃ! ᓮᐅᓃ, ᒎᑏᑦ ᓂᕐᑐᕈᒃ!

ᒨᓯᓯ ᐂᑉᐸᖏᑦ 15:18

ᐊᑕᓂᖅ ᐊᖓᔪᖅᑳᕐᔪᐊᖑᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 40:9

ᓮᐅᓂ, ᖃᖅᑲᐅᑉ ᐳᕐᑐᔫᑉ ᖄᖓᓄᐊᓕᕆᑦᓯ ᐅᖃᐅᓯᖃᓕᕆᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᔨᕉᓴᓕᒻ, ᓂᐱᖅᑯᕐᑐᓗᓯ ᐅᖃᐅᓰᑦ ᑐᓴᕈᒥᓇᕐᑐᑦ ᑐᓴᕐᑕᐅᑎᓕᕐᓯᐅᒃ, ᓂᐱᖅᑯᕐᑐᓗᓯ ᓯᕘᕋᖏᓪᓗᓯ; ᔫᑕᐅᑉ ᓄᓇᓕᖁᑎᖏᑦ ᐅᖃᐅᑎᓯᒋᒃ, ‘ᑕᑯᒋᑦ, ᑕᕝᕙ ᒎᑎᓯ.’

ᐂᓮᐊᓯᐅᑉ ᐊᒡᓚᖏᑦ 52:7

ᖁᕕᐊᓇᕐᐳᖅ ᖃᖅᑲᑎᒍᑦ ᐊᓚᒃᑲᕐᑐᖃᖃᑦᑕᓕᕌᖓᑦ ᐅᓪᓚᒃᑐᒥᒃ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᑐᒥᒃ, ᓮᒪᓇᕐᑐᒥᒃ ᑐᓴᕐᑎᑦᓯᔭᕐᑐᕐᑐᒥᒃ, ᐊᓕᐊᓁᑦᑐᓂᒃ ᐅᖃᕆᐊᕐᑐᕐᑐᒥᒃ ᐱᐅᔪᓂᒃ, ᐱᐅᓕᔭᐅᓛᕐᓂᕅᔪᓂᒃ, ᐅᖃᕐᓗᑎᒡᓗ ᓮᐅᓂᒧᑦ, “ᒎᑎᓯ ᐊᐅᓚᑦᓯᔨᐅᕗᖅ.”

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 6:26

ᐱᖁᔭᓕᐅᕐᐳᖓ ᐊᖓᔪᖅᑲᐅᕕᓕᒫᓐᓂ ᐃᓄᐃᑦ ᓴᔪᒃᑐᒃᓴᐅᕗᑦ ᓯᕘᕋᓗᑎᒡᓗ ᑖᓂᐊᓕᐅᑉ ᒎᑎᖓᓂᒃ: ᑖᓐᓇ ᐃᓅᖕᒪᑦ ᓱᖁᓯᕐᓂᐊᕋᓂᓗ ᐃᓱᖃᖏᑦᑐᒧᑦ, ᐊᖓᔪᖅᑲᐅᕕᖓ ᐊᓯᕈᕐᑕᐅᓂᐊᓐᖏᓚᖅ, ᐊᑕᓂᐅᓂᖓᓗ ᐃᓱᓕᓐᓂᐊᓐᖏᓚᖅ.

ᑖᓂᐊᓕᐅᑉ ᐊᒡᓚᖏᑦ 7:14

ᑖᓐᓇ ᐊᖓᔪᖅᑲᐅᓂᕐᒥᒃ ᑐᓂᓯᕝᕕᐅᕗᖅ, ᐃᓅᖃᓐᓂᕐᓂᕐᒥᒡᓗ ᐊᖓᔪᖅᑲᐅᓂᕐᒥᒡᓗ; ᐃᓄᓕᒫᓪᓗ, ᐃᓅᖃᑎᒌᒡᔪᐃᓪᓗ ᓇᑭᑐᐃᓐᓇᖅ ᐱᓯᒪᔪᑦ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑐᒃᓯᐊᕐᕕᒋᕚᑦ: ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᕗᖅ ᐃᓱᓕᓐᓂᐊᕋᓂᓗ, ᐊᖓᔪᖅᑳᔪᐊᖑᕕᖓ ᑍᒪᓐᖓᑦ ᓵᓚᐅᓂᐊᓐᖏᓚᖅ.”

ᔪᐃᓕᐅᑉ ᐊᒡᓚᖏᑦ 3:17

“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ. ᐃᓂᖃᕐᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ. ᔨᕉᓴᓕᒻ ᐃᑦᔪᕐᓁᑦᑑᔪᒫᕐᐳᖅ ᓄᓇᖃᕐᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᕐᓯᒪᓂᐊᕈᓐᓁᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”